06-Apr-2024

ବୌଦ୍ଧ (ଜୟାନନ୍ଦ ମିଶ୍ର ): ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ପୃଥକ ପୃଥକ ତିନୋଟି ସ୍ଥାନରେ ଶୁକ୍ରବାର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିଦେଶୀ , ଦେଶୀ ମହୁଲି ମଦ ଜବତ ସହ ଖଜୁରୀ ତାଡି ଜବତ କରାଯାଇଥିବା ଜଣାପଡିଛି। ସୂଚନା ଅନୁସାରେ ଆଜି ହରଭଙ୍ଗା ଥାନା ଅନ୍ତର୍ଗତ ଉଆଁଳ ଗ୍ରାମରେ ଅବକାରୀ ବିଭାଗ ପ୍ରଥମେ ଚଢ଼ାଉ କରି ୧୩ଲିଟର୬୫୦ମିଲି ପରିମାଣର ବିଦେଶୀ ମଦ ଜବତ କରିଥିଲା । ଏହି ଘଟଣାରେ ବେଣୁଧର ମହାଲିକ (୫୮)ଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଦ୍ୱିତୀୟ ଦଫାରେ ପୁରୁଣା କଟକ ଥାନା ଅନ୍ତର୍ଗତ ଝାଡ଼ରାଜିଙ୍ଗ ଗ୍ରାମରେ ଚଢ଼ାଉ କରାଯାଇ ଅନୁସୟା ବେହେରା (୨୭)ଙ୍କ ଠାରୁ ୧୦ଲିଟର ଦେଶୀ ମହୁଲି ମଦ ଜବତ କରାଯାଇଛି। ତାଙ୍କ ନାମରେ ଏକ ମାମଲା ରୁଜୁ କରାଯାଇଥିବା ଜଣାପଡିଛି। ଶେଷରେ ପୁରୁଣା କଟକ ଥାନା ଅନ୍ତର୍ଗତ କୀଟାଙ୍ଗପଡା ଗ୍ରାମରେ ଚଢ଼ାଉ କରାଯାଇ ଯମ୍ବେଶ୍ୱର ବେହେରା (୫୨)ଙ୍କ ଠାରୁ ୧୫ଲିଟର ଖଜୁରୀ ତାଡି ଜବତ କରାଯାଇଥିବା ଜଣାପଡିଛି। ଏ ନେଇ ହରଭଙ୍ଗା  ଅବକାରୀ ଥାନା ପକ୍ଷରୁ ତିନୋଟି ପୃଥକ ପୃଥକ ମାମଲା ରୁଜୁକରାଯାଇଥିବା ଏ. ଏସ. ଆଈ ପ୍ରିୟଜନ କହଁର ସୂଚନା ଦେଇଛନ୍ତି।