05-Apr-2024

ପାଟଣାଗଡ଼(ପୂର୍ଣ୍ଣ ଶଶୀ ଶେଖର ରାଓ ):ବଲାଙ୍ଗିର ଜିଲ୍ଲାରେ ପ୍ରତି ପାଞ୍ଚ ବର୍ଷ ରେ ଥରେ  ବିଶ୍ବାସେ ଦଳ ସମାଜ ର କର୍ମକର୍ତ୍ତା ଚୟନ କରାଯାଉଥିବାବେଳେ ପ୍ରଥମେ ଗ୍ରାମ ସ୍ତରରେ କମିଟି ଗଠିତ ହୋଇଥାଏ ପରେ ଆଞ୍ଚଳିକ କେନ୍ଦ୍ର ରେ କମିଟି ଗଠନ କରାଯାଏ ତାପରେ ଗାଦି ମାନଙ୍କର କର୍ମକର୍ତ୍ତା ଚୟନ କରାଯାଇଥାଏ ଏବଂ ପରିବେଶରେ ଜିଲ୍ଲା ସ୍ତରୀୟ କମିଟିର କର୍ମକର୍ତ୍ତା ଚୟନ କରାଯାଇଥାଏ। ସୂଚନା ଅନୁସାରେ ଆଜି ବଲାଙ୍ଗିର ଜିଲ୍ଲା ବେଲପଡା ବ୍ଲକ ସଲଣ୍ଡି ପଞ୍ଚାୟତ ଅଧିନସ୍ଥ ଲଥାକେନ୍ଦ ଠାରେ ଦଳ ସମାଜ ର ଆଞ୍ଚଳିକ କେନ୍ଦ୍ର କର୍ମକର୍ତ୍ତା ଚୟନ କରାଯାଇଛି। ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଶ୍ରୀ ଦିନବନ୍ଧୁ ଥନାପତି ଯୋଗଦାନ କରିଥିବା ବେଳେ ଶ୍ରୀ ଗଦାଧର ଭୋଇ ମଞ୍ଚ ପରିଚାଳନା କରିଥିଲେ। ସମ୍ମାନୀତ ଅତିଥି ଭାବେ ଆଦିବାସୀ ସଂଘ ସମ୍ପାଦକ ପ୍ରତିସିଂ ମଲ୍ଳିକ,ପାହାର ଗାଦି ଭାଲୁଖାଇ ସମ୍ପାଦକ ଶ୍ରୀ ରାଜକୁମାର ମାଝୀ, କୋଷାଧ୍ୟକ୍ଷ ହେମନ୍ତ ମଲ୍ଲିକ,ରବିଧର ମଲ୍ଳିକ,ସୁରୁ ଝାଙ୍କର, ହରେକୃଷ୍ଣ ଯାନୀ, ନକୁଳ ମାଝୀ, ପବିିତ୍ର କୁଅଁର ପ୍ରମୁଖ ମଞ୍ଚାସୀନ ଥିଲେ। ଉକ୍ତ କାର୍ଯ୍ୟକ୍ରମରେ ଆଞ୍ଚଳିକ କେନ୍ଦ୍ର ସାତୋଟି ଗ୍ରାମ ଲଥାକେନ୍ଦ,ଉଡିଙ୍ଗ,ଅଏଁଲାପରା,ଭିର୍କାପରା, ଡୁଙ୍ଗୁରିପାଲି,କାନୁଟ,ବାହାବଲ ର ସାମାଜିକ ସଦସ୍ୟ ଓ ସଦସ୍ୟା ମାନେ ଉପସ୍ଥିତ ଥିଲେ। ସମସ୍ତ ଙ୍କ ସମର୍ଥନ ରେ ନୂତନ କମିଟି ଗଠନ କରାଯାଇଛି। ଆଞ୍ଚଳିକ କେନ୍ଦ୍ର ସଭାପତି ଭାବେ ଚତୃ ମାଝୀ, ସମ୍ପାଦକ ମନୋଜ କୁଅଁର, ଉପସଭାପତି ବୃଷଭ ଭୋଇ,ସହ ସମ୍ପାଦକ ଭୋଲାନାଥ ମଲ୍ଳିକ, କୋଷାଧ୍ୟକ୍ଷ ଲକ୍ଷ୍ମଣ ମାଝୀ ଙ୍କୁ ରଖାଯାଇଛି।ବିଶ୍ୱାସେ ଦଳ ସମାଜ ରେ ଭଲ କାର୍ଯ୍ୟ କରୁଥିବା ବ୍ୟକ୍ତିଙ୍କୁ ସମାଜ ପକ୍ଷରୁ ମାନପତ୍ର ଦେଇ ସମ୍ମାନୀତ କରାଯାଇଥିଲା। ଏବଂ ନୂତନ କାର୍ଯ୍ୟକର୍ତ୍ତା ମାନେ ନୃସିଂହନାଥ ବାବା ଓ ହରିଶଙ୍କର ବାବାଙ୍କ ଆଶିର୍ବାଦ ନେଇ ଶପଥଗ୍ରହଣ କରିଥିଲେ ଓ ଆଗାମୀ ଦିନରେ ସମାଜ ର ଅଗ୍ରଗତି ନିମନ୍ତେ କାର୍ଯ୍ୟ କରିବେ ବୋଲି ପ୍ରତିଶୃତି ଦେଇଛନ୍ତି।