22-Dec-2020

ନୟାଗଡ଼ର ବହୁ ଚର୍ଚ୍ଚିତ ପରୀ ହତ୍ୟା ଘଟଣା କେମିତି ଘଟିଥିଲା, ତା’ର ବିସ୍ତୁତ ବିବରଣୀ ଦେଇଛନ୍ତି ଏସ୍‌ଆଇଟି ମୁଖ୍ୟ ଅରୁଣ ବୋଥ୍ରା। ଆଜି ଏକ ସାମ୍ବାଦିକ ସମ୍ମିଳନୀ କରି ସେ ଏ ବିଷୟରେ କହିଥିବା ବେଳେ ଏହାକୁ ବିଶ୍ୱାସକୁ ନେଇ ନାହାନ୍ତି ପରୀର ବାପା ଅଶୋକ ସାହୁ ଏବଂ ଏସ୍‌ଆଇଟି ମୁଖ୍ୟ କହିଥିବା ପୂରା ଘଟଣାକୁ ମନଗଢ଼ା କାହାଣୀ ବୋଲି କହିଛନ୍ତି।

ସେ କହିଛନ୍ତି, ସେ (ଅଭିଯୁକ୍ତ ସରୋଜ ସେଠୀ) ଏଭଳି ପିଲା ନୁହେଁ। ତାକୁ ମୋହରା କରାଯାଉଛି। ଏହା ପୂରା ମନଗଢ଼ା କାହାଣୀ। ଏସ୍‌ଆଇଟି ତଦନ୍ତରେ କୌଣସି ତଥ୍ୟ ନାହିଁ। ଆମେ ସିବିଆଇ ତଦନ୍ତ ଦାବି କରୁଥିବାରୁ ଏଭଳି ନାଟକ କରୁଛନ୍ତି।

____

ନୟାଗଡ ନାବାଳିକା ହତ୍ୟା ଘଟଣାରେ ଅରୁଣ ବୋଥ୍ରାଙ୍କ ପ୍ରେସମିଟ ପରେ ବିଜେପିର ପ୍ରତିକ୍ରିୟା: କଡ଼ା ସମାଲୋଚନା କଲେ ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର, ଜଣେ ଅରୁଣ ଆଉ ଜଣେ ଅରୁଣଙ୍କୁ ସୁରକ୍ଷା ଦେଉଛନ୍ତି କହିଲେ ଗୋଲକ