01-Mar-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ମିଶନ ଶକ୍ତି ଭବନ ଠାରେ  ଏକ ଦିବସୀୟ ଆତ୍ମରକ୍ଷା କର୍ମଶାଳା ଅନୁଷ୍ଠିତ ହୋଇଛି l ସମନ୍ଵିତ ଶିଶୁବିକାଶ ପ୍ରକଳ୍ପର ତତ୍ତ୍ବାବଧାନରେ କିଶୋରୀ ବାଳିକା ଓ ଅଙ୍ଗନୱାଡ଼ି କର୍ମୀମାନଙ୍କୁ ନେଇ ଏହି ଏକଦିବସୀୟ  ଆତ୍ମରକ୍ଷା କର୍ମଶାଳା ଅନୁଷ୍ଠିତ ହୋଇଥିଲା । ବିଦ୍ୟାଳୟର ଛାତ୍ରୀ, କିଶୋରୀ ବାଳିକା ଓ ଶିକ୍ଷୟତ୍ରୀମାନେ କିପରି ନିଜକୁ ନିଜେ ରକ୍ଷା କରିପାରିବେ, ତାହା ଏକ୍ସପର୍ଟ ମାନେ  ବୁଝାଇଥିଲେ । ଏଥିସହିତ ପ୍ରତ୍ଯେକଦିନ ସକାଳୁ ଉଠି ବିଭିନ୍ନ ପ୍ରକାର ବ୍ଯାୟାମ କରି ନିଜକୁ କିପରି ଭାବରେ ସୁସ୍ଥ ସବଳ ରଖିବେ ତାହା ମଧ୍ୟ ବୁଝାଇ  ଥିଲେ । କାର୍ଯ୍ୟକ୍ରମରେ ଅତିଥିଭାବେ କଣ୍ଟାମାଳ ସି ଡି ପି ଓ ଜ୍ୟୋସ୍ନାରାଣୀ ପାଢ଼ୀ, ABEO ଲକ୍ଷ୍ମୀ ମଲିକ ଯୋଗ ଦେଇଥିଲେ।  ଏହି କର୍ମଶାଳାରେ ଶିକ୍ଷୟତ୍ରୀ, ସମସ୍ତ ଅଙ୍ଗନବାଡି ପରିଦର୍ଶିକା, ଅଙ୍ଗନବାଡି କର୍ମୀ, ଉଚ୍ଚ ବିଦ୍ୟାଳୟର ଛାତ୍ରୀ ଏବଂ କିଶୋରୀ ବାଳିକାମାନେ ଯୋଗ  ଦେଇଥିଲେ।