28-Feb-2024

ବଲାଙ୍ଗୀର ,ତା୨୮/୦୨( ପ୍ରେରଣା ଖବର ) : ସଇଁତଳା ବ୍ଲକ ଅନ୍ତର୍ଗତ ଡେଙ୍ଗ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କ ସଭାପତିତ୍ୱରେ ଜାତୀୟ ବିଜ୍ଞାନ ଦିବସ ପାଳିତ ହୋଇ ଯାଇଅଛି l  କାର୍ଯ୍ୟକ୍ରମକୁ ବିଜ୍ଞାନ ଶିକ୍ଷକ କୃପାସିନ୍ଧୁ ମିଶ୍ର ସଂଯୋଜନା ଓ ବିଜ୍ଞାନ ଶିକ୍ଷୟିତ୍ରୀ ଗାୟତ୍ରୀ ବାରିକ ପରିଚାଳନା କରିଥିଲେ l

ନୋବେଲ ପୁରସ୍କାର ପ୍ରାପ୍ତ ସି ଭି ରମଣଙ୍କ ଫଟୋଚିତ୍ରରେ ଭକ୍ତିପୂତ ଶ୍ରଦ୍ଧାଞ୍ଜଳି ଜଣାଇ ବିଜ୍ଞାନର ଉପାଦେୟତା ଓ ମାନବ ଜାତି ପାଇଁ ବିଜ୍ଞାନର ଅବଦାନ ବିଷୟରେ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ମତବ୍ୟକ୍ତ କରିଥିଲେ l  ଚଳିତ ବର୍ଷର ବିଷୟବସ୍ତୁ "ବିକଶିତ ଭାରତ ପାଇଁ ସ୍ୱଦେଶୀ ଟେକ୍ନୋଲୋଜି " ଆଲୋଚନା ହୋଇଥିଲା ।

 ଏହି ଅବସରରେ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ପ୍ରଥମ ସ୍ଥାନରେ ଦିଲେଶ୍ଵର ସାହୁ, ଦ୍ଵିତୀୟ ସ୍ଥାନରେ ସୁମନ୍ତ ବାରିକ, ତୃତୀୟ ସ୍ଥାନରେ ଶ୍ରନ୍ଧାଞ୍ଜଳି ରଣା ଓ ଶ୍ରୀୟା ରଣା  ଅଧିକାର କରିଥିବାରୁ
 ତାଙ୍କୁ ପୁରସ୍କୃତ କରାଯାଇଥିଲା  l ବିଦ୍ୟାଳୟରେ ହିନ୍ଦୀ ଶିକ୍ଷୟିତ୍ରୀ ତପସ୍ୱିନୀ ପଟେଲ ଓ ଖେଳ ଶିକ୍ଷୟିତ୍ରୀ ଶିବାନୀ ମଲ୍ଲିକ  ଯୋଗଦେଇ ଥିବାରୁ ଅନୁଷ୍ଠାନ ତରଫରୁ ଫୁଲତୋଡ଼ା ଦେଇ ସ୍ୱାଗତ କରାଯାଇଥିଲା l କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ବିଜ୍ଞାନ ଶିକ୍ଷକ ଦୀପକ ସେନ ଧରୁଆ ଓ ଲିଙ୍ଗରାଜ ନନ୍ଦଙ୍କ ଦ୍ୱାରା ପ୍ରଦର୍ଶିତ ପ୍ରକଳ୍ପ  ପ୍ରଦର୍ଶନ  କାର୍ଯ୍ୟl  କାର୍ଯ୍ୟକ୍ରମରେ ଶିକ୍ଷକ ରାମ ନାରାୟଣ ଦାଶ, ସୁଦର୍ଶନ ଦାଶ, ସମୀର ସେଠି, ହିମାଂଶୁ ବିଶ୍ୱାଳ, ଶିକ୍ଷୟିତ୍ରୀ ରେଣୁକା ସାହୁ, ଦ୍ରୌପଦୀ ଭୋଇ, କାନ୍ତି ଭୋଇ  ଉପସ୍ଥିତ ହୋଇ ସହଯୋଗ କରିଥିଲେ l ସଭା ଶେଷରେ  ନବମ ଶ୍ରେଣୀ ଛାତ୍ର ଈଶ୍ୱର ମାଝୀ ଧନ୍ୟବାଦ ଅର୍ପଣ  କରିଥିଲେ  l