27-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମିଶନ ଶକ୍ତି ସଭାଗୃହ ସମ୍ମୁଖରେ ଆୟୋଜିତ ଏକ କାର୍ଯ୍ୟକ୍ରମରେ ବ୍ଲକର ମହିଳା ସ୍ଵୟଂ ସହାୟକ ଗୋଷ୍ଠୀକୁ ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଆଭାସୀ ମାଧ୍ୟମରେ ୧୪୫ କୋଟି ଟଙ୍କା ଋଣର ସୁଧ ଫେରସ୍ତ କରିଛନ୍ତି ଏବଂ  ମିଶନ ଶକ୍ତିର ମହିଳାମାନଙ୍କ  ପାଇଁ ୭୩୦ କୋଟି ଟଙ୍କାର ବ୍ଲେଜର ବାବଦରେ ଖର୍ଚ୍ଚ ପାଇଁ ଅନୁମୋଦନ କରିଛନ୍ତି । କଣ୍ଟାମାଳ ବ୍ଲକ ମିଶନ ଶକ୍ତି ବିପିସି ବିଶ୍ଵଭୂଷଣ କହଁରଙ୍କ ତତ୍ତ୍ଵାବଧାନରେ  ଆୟୋଜିତ ସଭାରେ ମୁଖ୍ୟଅତିଥି ଭାବେ କଣ୍ଟାମାଳ ବିଧାୟକ ତଥା ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ମହିଧର ରଣା ମୁଖ୍ୟଅତିଥି ଓ ସମ୍ମାନୀତ ଅତିଥି ଭାବେ ୧ନଂଜୋନର ଜିଲ୍ଲାପରିଷଦ ସଦସ୍ୟା ସୁମିତ୍ରା ସାହୁ, ସିଡିପିଓ ଜ୍ୟୋସ୍ନା ରାଣୀ ପାଢୀ, କଣ୍ଟାମାଳ କେନ୍ଦ୍ରୀୟ ସମବାୟ ବ୍ୟାଙ୍କର ଶାଖା ପରିଚାଳକ ରବିନାରାୟଣ ଦଲାଲ ପ୍ରମୁଖ ଉପସ୍ଥିତ ରହି ୧୫ଟି ମହିଳା ସ୍ଵୟଂ ସହାୟକ ଗୋଷ୍ଠୀଙ୍କୁ ୨ ଲକ୍ଷ ୯୪ ହଜାର ୪୧୩ ଟଙ୍କାର ଚେକ ପ୍ରଦାନ କରିଥିଲେ। ଉକ୍ତ କାର୍ଯ୍ୟକ୍ରମରେ କଣ୍ଟାମାଳ ବ୍ଳକ ଅଧିନ ଅନେକ ଗ୍ରାମପଞ୍ଚାୟତରୁ ବ୍ୟାଙ୍କ ମିତ୍ର, କୃଷିମିତ୍ର, ପ୍ରାଣୀ ମିତ୍ର,ଏମ୍ବିକେ, ସିଆରପି,ମହିଳା ଗୋଷ୍ଠୀର ସଦସ୍ୟା ଉପସ୍ଥିତ ରହିଥିଲେ। ବିପିସି ବିଶ୍ଵ ଭୂଷଣ କହଁରଙ୍କ ସମେତ ବିପିଏମ ଅଜୟ ପ୍ରଧାନ, ବିନାୟକ ସେଠି, ସୁମନ୍ତ ପ୍ରଧାନ ,ରାଧାରାଣୀ ନାଏକ, ସ୍ଵୟଂପ୍ରଭା ମହିଳା ଗୋଷ୍ଠୀର ସଭାନେତ୍ରୀ ପୁଷ୍ପାଞ୍ଜଳି ମିଶ୍ର,ସଂପାଦିକା ଅହଲ୍ୟା କର୍ଣ୍ଣଙ୍କ ସମେତ ବିଭାଗୀୟ ସମସ୍ତ କର୍ମଚାରୀ ସହଯୋଗ କରିଥିଲେ।