21-Dec-2020

ନୟାଗଡ଼, (ପ୍ରଦୀପ କୁମାର ପଣ୍ଡା) - ଏକ ଟମାଟୋ ବୋଝେଇ ଟ୍ରକ OD 29 H 6214 ନମ୍ବର ଗାଡ଼ି ଟି ରାୟପୁର ରୁ ବାହାରି କେନ୍ଦ୍ରାପଡ଼ା ଅଭିମୁଖେ ଯାଉଥିବା ସମୟରେ ଭାରସାମ୍ୟ ହରାଇ ନୟାଗଡ଼ ଜିଲ୍ଲା ନୂଆଗାଁ ଥାନା ଅର୍ନ୍ତଗତ ସୋରଡ଼ା, ନିକଟରେ ଏକ ଟଣିଂ ରେ ଓଲଟି ପଡ଼ିଥିଲା। ଏହି ଗାଡ଼ିରେ ପାଖାପାଖି 140 ଟ୍ରେ ଟମାଟୋ ଲୋଡ ହୋଇଥିବା ର ଜଣା ପଡ଼ିଛି।। ଦୁର୍ଘଟଣା ରେ ଡ଼୍ରାଇଭର ଗୁରୁତର ହୋଇଥିବା ବେଳେ ହେଲ୍ଫାର୍ ଜଣକ ସାମାନ୍ୟ ଆହତ ହୋଇ ଥିବାର ଦେଖିବାକୁ ମିଳିଛି।  ଡ୍ରାଇଭର ଜଣକୁ ସଙ୍ଗେ ସଙ୍ଗେ ଡାକ୍ତର ଖାନା ରେ ଭର୍ତ୍ତି କରାଯାଇଥିଲା।  ଟମାଟୋ ବୋଝେଇ ଟ୍ରକ ଓଲଟିବା ଫଳରେ କିଛି କ୍ଷୟ କ୍ଷତି ଘଟିବା ସହିତ ଅନେକ ଟମାଟୋ ଲୋକ ମାନେ ନେଇଯାଉଥିବା ଦେଖିବାକୁ ମିଳିଛି। ଗତ କିଛି ଦିନ ତଳୁ ଏହି  ଟର୍ଣିଂ ରେ ବାରମ୍ବାର ବା ନିୟମିତ ଭାବେ ଦୁର୍ଘଟଣା ଘଟିବାରେ ଲାଗିଛି। ସରକାର ଏଥି ପ୍ରତି ଦୃଷ୍ଟି ନିକ୍ଷେପ କରିବା ନିହାତି ଆବଶ୍ୟକ। ଆମେ ଖବର ପ୍ରସାରଣ କରିଥିଲୁ ଜେ କିଛି ଦିନ ତଳେ ଏହି ସ୍ଥାନରେ ଏକ ଚାଉଳ ବୋଝେଇ ଟ୍ରକ ମଧ୍ୟ ଭାରସାମ୍ୟ ହରାଇ ଓଲଟି ପଡିଥିଲା। ଯଦି ସରକାର ଏଥି ପ୍ରତି ଧ୍ୟାନ ନ ଦିଅନ୍ତି ତେବେ ଭବିଷ୍ୟତ ରେ ଅନେକ ଦୁର୍ଘଟଣା ଘଟିବାର ସମ୍ଭାବନା ରହିଛି।