19-Feb-2024

(ମିହିର ଶଙ୍କର ପାତ୍ର,)
ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଗୁଚାଗୁଡା ଗ୍ରାମରେ ବିଷ ପିଇ ଜଣେ ଯୁବକ ଆତ୍ମହତ୍ୟା କରିଥିବା ନେଇ ସୋମବାର ଡାବୁଗାଁ ଥାନା ରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ଗୁଚାଗୁଡା ଗ୍ରାମର ଭଗବାନ ପୂଜାରୀ ଙ୍କ ପୁଅ ଚନ୍ଦ୍ର ପୂଜାରୀ (୪୬) ରବିବାର ରାତ୍ରିରେ ବିଷ ଖାଇ ଦେଇ ଶୋଇ ପଡିଥିଲେ | ସୋମବାର ଭୋର ପ୍ରାୟ ୪ ଘ.ସମୟରେ ଚନ୍ଦ୍ର ଅସ୍ତବ୍ୟସ୍ତ ହୋଇ ପାଟି କରିଥିଲା | ପାଟି ଶୁଣି ପରିବାର ଲୋକେ ଆସି ଦେଖିଥିଲେ ଯେ  ଚନ୍ଦ୍ର ଅସ୍ତବ୍ୟସ୍ତ ହେଉଛି ଓ ପଚାରିବାରୁ କହିଥିଲା ଯେ ସେ ବିଷ ଖାଇ ଦେଇଛି | ପରିବାର ଲୋକେ ସଙ୍ଗେ ସଙ୍ଗେ ଆମ୍ବୁଲାନ୍ସ ଯୋଗେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ଡାକ୍ତର  ତାଙ୍କୁ ମୃତ ଘୋଷଣା କରିଥିଲେ | ଏନେଇ ମୃତକ ର ଭାଇ ଲଖମୁ ପୂଜାରୀ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ର ସବ୍ ଇନ୍ସପେକ୍ଟର   ଚନ୍ଦନ ସାହୁ ଡାକ୍ତରଖାନାରେ ପହଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇଥିଲେ | ବ୍ୟବଚ୍ଛେଦ ପରେ  ଶବ ପରିବାର ଲୋକ ଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୧୦/୨୪ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |