17-Feb-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ମୃତ୍ୟୁ ବେଳେ ବେଳେ ଏମିତି ସମୟରେ ଆସିଥାଏ ଯାହାକି ଅଞ୍ଚଳ ରେ ସ୍ତବ୍ଧ କରିଦେଇଥାଏ। ଏମିତି ଏକ ହୃଦୟ ବିଦାରକ ଘଟଣା ଘଟିଥିଲା ବଲାଙ୍ଗିର ଜିଲ୍ଲା ବେଲପଡା ବ୍ଲକ ଅନ୍ତର୍ଗତ କାନୁଟ ଗାଁ ରେ। ସୂଚନା ଅନୁଯାୟୀ ଗତ ୧୦.୨.୨୪ ଦିନ ଘଟିଥିଲା ଏକ ଚାଞ୍ଚଲ୍ୟକର ଘଟଣା ଯାହାକି ଆଖିରେ ଦେଖିଲି ତା ବର୍ଣ୍ଣନା କରି ହୁଏନି। ପୁରା ଉଜାଡ଼ି ଦେଇଛି ପରିବାର। ଉକ୍ତ ଗ୍ରାମର ଅଦାବରିଆ ପରିବାର ଟିଭି ଦେଖିଥିବା ସମୟରେ ଗ୍ୟାସ୍ ଲିକ୍ ବିସ୍ଫୋରଣ ହୋଇଯାଇଥିଲା।ସେ ବିସ୍ପୋରଣ ଭିତରେ ପଶି ଯାଇଥିଲେ ସାରା ପରିବାର ସଦସ୍ୟ ଓ ଜଣେ ପଡୋଶୀ। ସେମାନଙ୍କୁ ଗୁରୁତର ଅବସ୍ଥାରେ ଗ୍ରାମବାସୀ ଙ୍କ ସହାୟତା ରେ ପ୍ରଥମେ ନିକଟସ୍ଥ କଣ୍ଟାବାଞ୍ଜି ହସ୍ପିଟାଲ ରେ ଭର୍ତ୍ତି କରାଯାଇଥିଲା।ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା। ତାପରେ ବୁର୍ଲା ମେଡ଼ିକାଲ ପଠାଯାଇଥିଲା ଶେଷରେ ରାଉରକେଲା ହସ୍ପିଟାଲ୍ ନିଆଯାଇଛି।ସେଠାରେ ଚିକିତ୍ସାଧୀନ ଅବସ୍ଥାରେ ପ୍ରଥମେ ଭାନୁମତୀ ଙ୍କ ଜୀବନ ଦୀପ ଲିଭି ଯାଇଥିବା ବେଳେ ଆଉ ଦୁଇଦିନ ପରେ ପୁଅ ମହେଶ୍ୱର ର ସ୍ବର ଆଉ ଶୁଣିବାକୁ ମିଳିନଥିଲା। ତତ୍ ପରେ ମାଲତୀ ମହାଖୁଡ ଙ୍କ ଦେହାନ୍ତ ହେଇଯାଇଥିଲା ଭୈରବୀଙ୍କ ମୃତ୍ୟୁ ହୋଇଥିବାବେଳେ ଆଉ ଦୁଇ ଜଣ ଦୁତି ଅତାବରିଆ ଓ ଭାଗ୍ୟବତୀ ଅଦାବରିଆ ମୃତ୍ୟୁ ସହିତ ସଂଗ୍ରାମ ଜାରି ରହିଛି।ଏ ଘଟଣା ଘଟିବା ଦିନ ଠାରୁ ମାଲତୀ ମହାଖୁଡ ଙ୍କ ୧୬ ବର୍ଷିୟ ପୁଅ ଦ୍ରୋଣ ମହାଖୁଡ ମାନସିକ ଭାରସାମ୍ୟ ହରାଇ ମାଁ ର ସ୍ନେହ ବ୍ୟାକୁଳ ରେ ଶେଷରେ ଝୁରିଝୁରି ଜୀବନ ହାରିଦେଇଛନ୍ତି।ଏ ବିଷୟରେ ଖବର ବେଲପଡା ପୋଲିସ, ତହସିଲଦାର ବନ ବିହାରି ହରପାଳ ଓ ବିଡ଼ିଓ ରାଜେଶ କୁମାର ମେହେର ଘଟଣା ସ୍ଥଳରେ ପହଁଚି ଶୋକାକୁଳ ଅବସ୍ଥାରେ ସାନ୍ତ୍ଵନା ଦେବା ସହିତ ସରକାରୀ ସହାୟତା ଦେବେ ବୋଲି କହିଛନ୍ତି। ବେଲପଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଆଣି ଶବ ବ୍ୟବଚ୍ଛେଦ ପରେ ସମ୍ପର୍କୀୟ ଙ୍କୁ ମୃତ ଶରୀର ପ୍ରଦାନ କରି ଶବ ସତ୍କାର ପାଇଁ କହିଥିଲେ। ଏପଟେ ମାଁ ଙ୍କ ଶବ ସନ୍ଧ୍ୟାରେ ପହଞ୍ଚି ଥିବା ବେଳେ ଅନ୍ୟ ତିନିଜଣ ଙ୍କ ଶବଦାହ ସରିଯାଇଛି।