05-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସଦର ହାଇସ୍କୁଲ ପଡିଆରେ ସୋମବାର ପଞ୍ଚାୟତ ସ୍ତରୀୟ ସଚେତନତା ଶିବିର ଅନୁଷ୍ଠିତ ହୋଇଯାଇଛି  l  ଏହି କାର୍ଯ୍ୟକ୍ରମରେ ସରକାରଙ୍କ ବିଭିନ୍ନ ଗଠନ ମୂଳକ କାର୍ଯ୍ୟକ୍ରମ ସମ୍ପର୍କରେ ଜନସାଧାରଣଙ୍କୁ ଅବଗତ କରାଇବା ସହ ସଚେତନତା ସୃଷ୍ଟି କରାଯାଇଥିଲା l  ଏହି ଅବସରରେ କଣ୍ଟାମାଳ ଗୋଷ୍ଟି ଉନ୍ନୟନ ଅଧିକାରୀ ସାମି ଜୟଶ୍ରୀ ରେଡ୍ଡୀ ମୁଖ୍ୟଅତିଥି ଭlବେ ଯୋଗଦେଇଥିବା ବେଳେ କଣ୍ଟାମାଳ ସରପଞ୍ଚ ଦୀପାଞ୍ଜଳି ଖଟୁଆ,ନାଏବ ସରପଞ୍ଚ ଦମୟନ୍ତୀ କହଁର, କଣ୍ଟାମାଳ ସରକାରୀ ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ପ୍ରକାଶ କୁମାର ପ୍ରଧାନ, ବରିଷ୍ଠ ଶିକ୍ଷକ ମନୋରଞ୍ଜନ ପ୍ରଧାନ ପ୍ରମୁଖ ସମ୍ମାନୀତ ଅତିଥିଭାବେ ଯୋଗଦେଇ ସରକାର  5-ଟି ଯୋଜନା ମାଧ୍ୟମରେ କରିଥିବା ରୂପାନ୍ତରିକରଣ ଓ ଭାଷା ସାହିତ୍ୟ ସୃଜନଶୀଳତା ସମ୍ପର୍କରେ ମାର୍ଗଦର୍ଶନ କରିଥିଲେ l  ଏହି ଅବସରରେ ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀ ଛାତ୍ରଛାତ୍ରୀ ମାନଙ୍କୁ ଅତିଥିମାନେ ପୁରସ୍କୃତ କରିଥିଲେ  l   ସେଥିମଧ୍ୟରୁ ପ୍ରବନ୍ଧ ରେ ପ୍ରୀତି କହଁର, ବୁଲୁ ବଘାର, ତନୁଶ୍ରୀ ବାଘ ବକୃତା ରେ ପଙ୍କଜିନୀ ପୁଟେଲ,ପ୍ରୀତି କହଁର,ଆଶୁତୋଷ ମିଶ୍ର ଓ କବିତା ଆବୃତ୍ତିରେ ଶ୍ରେୟାଶ୍ରୀ ମିଶ୍ର, ଗୋପକାନ୍ତି କହଁର, ମନିଷା ବଣ୍ଡକି ପ୍ରମୁଖ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଛନ୍ତି  l