05-Feb-2024

ବଲାଙ୍ଗିର(ପ୍ରେରଣା ଖବର) ସ୍ଥାନୀୟ ସିଭିଲ କୋଟ ନିକଟସ୍ଥ ଫ୍ରେଣ୍ଡ କ୍ଲବ ସଂଘ ପକ୍ଷରୁ ଚଳିତ ୬ ତାରିଖ ଠାରୁ  ୧୨ ତାରିଖ ପର୍ଯ୍ୟନ୍ତ ସ୍ଥାନୀୟ ପୃଥିୀରାଜ ହାଇସ୍କୁଲ ପଡିଆଠାରେ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଂଟ ଅନୁଷ୍ଠିତ ହେବ । ରାଜ୍ୟର ବିଭିନ୍ନ ଜିଲ୍ଲାର ୮ ଗୋଟି ଫୁଟବଲ ଟିମ ମାନେ ଏହି ଟୁର୍ଣ୍ଣାମେଂଟରେ ଅଂଶଗ୍ରହଣ କରିବେ । ପୂର୍ବରୁ ଏହି ଅନୁଷ୍ଠାନର ସଦସ୍ୟମାନେ ପୃଥୀରାଜ ବିଦ୍ୟାଲୟ ଓ ପଡିଆକୁ ନେଇ ଅନେକ ଉନ୍ନତିର ତଥା ବର୍ତାମାନର ଯୁବ ପିଢିକୁ ଅନେକ ବିକାଶର ଚିନ୍ତାଧାରା ରଖି ଏହି ଟୁର୍ଣ୍ଣାମେଂଟକୁ ଆୟୋଜନ କରିଛନ୍ତି ।

 ପ୍ରଥମ ଦିନର ଉଦଘାଟନୀ ଦିନରେ ବଲାଙ୍ଗିର ଏଫ.ସି ଏବଂ ଏଥେଲେଟିକ ଏସୋସିଏସନ ବରଗଡ ଜିଲ୍ଲାର କଦଳୀପାଲି ସହିତ ମ୍ୟାଚ ଅନୁଷ୍ଠିତ ହେବ । ପ୍ରଥମ ସେମିଫାଇନାଲ ଚଳିତ ମାସ ୮ ତାରୀଖ ଓ ଦ୍ୱିତୀୟ ସେମିଫାଇନାଲ ୧୧ ତାରିଖରେ ହେଉଥିବା ବେଳେ ଫାଇନାଲ ଖେଳଟି ଚଳିତ ମାସ ୧୨ ତାରିଖରେ ଅନୁଷ୍ଠିତ ହେବ । ଏଥିରେ ବଲାଙ୍ଗିର ବିଭିନ୍ନ ଅନୁଷ୍ଠାନର ସଦସ୍ୟ ସଦସ୍ୟା, ବଲାଙ୍ଗିର ବୁଦ୍ଧିଜୀବୀ ଏବଂ ଯୁବ ପିଢି ସାମିଲ ହୋଇଥିବା ସାମ୍ବାଦିକ ସମ୍ମିଳନୀରେ ଅନୁଷ୍ଠାନର ସଭାପତି ଲୋଟସ ଷଢଙ୍ଗୀ ସୁଚନା ଦେଇଛନ୍ତି । ଆଜିର ଏହି ସମ୍ମିଳନୀରେ ସାଧାରଣମ୍ପାଦକ ଜଗନ୍ନାଥ ମିଶ୍ର, ପ୍ରଭାକର ମିଶ୍ର, ପବିତ୍ର ଖୁଂଟିଆ, ସୁନୀଲ ବିଶ୍ୱାଲ, ମନୋଜ କୁମାର ମିଶ୍ର, କମ୍ଭୁ ତ୍ରୀପାଠୀ, ରଞ୍ଜିତ ବେହେରା, ସନ୍ତୋଷ ପାଢୀ,ଏନ.ଏସ. ନାଇଡୁ, ପୂର୍ଣ୍ଣ ତ୍ରୀପାଠୀ, ଜୟନାରାୟଣ ବହିଦାର, ପୃଥୀରାଜ ବେହେରା, ମଧୂ ବନଛୋର, ବୈକୁଣ୍ଠ ଜେନା, ସୁଦର୍ଶନ ସେଠ, ଲକ୍ଷ୍ମୀ ସ୍ୱାଇଁ, କୃଷ୍ଣଚନ୍ଦ୍ର ମିଶ୍ର, ବୁଦ୍ଧିରାଜ ବିଶ୍ୱାଲ ପ୍ରମୁଖ ଉପସ୍ଥିତ ଥିଲେ ।