05-Feb-2024

ବୀରମହାରାଜପୁର,( ବିନୋଦ ପାଣ୍ଡେ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ପିତାମହୁଲ ଶୈବପୀଠ ଠାରେ
 ସୁବଳୟା ଉଚ୍ଚ ବିଦ୍ୟାଳୟର ୧୯୭୯ ମାଟ୍ରିକ ବ୍ଯାଚର ପୁରାତନ ଛାତ୍ରଙ୍କ ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି। ବୈଦ୍ୟନାଥ କର୍ମୀଙ୍କ ତତ୍ତ୍ଵାବଧାନରେ ଅନୁଷ୍ଠିତ ଉତ୍ସବରେ  ୧୮ ଜଣ ସଦସ୍ୟଙ୍କୁ ନେଇ  ଏକ ବୈଠକ ଆୟୋଜନ ହୋଇଥିଲା। ପ୍ରଥମେ ଦିବଂଗତ ଚାରି ଜଣ ବନ୍ଧୁ ଭୋଲାନାଥ ରଥ, ସୂର୍ଯ୍ୟନାରାୟଣ ପୁରୋହିତ, ସନ୍ତୋଷ ପାଣିଗ୍ରାହୀ ଓ ଶମ୍ଭୁ ନାଏକଙ୍କ ଅମର ଆତ୍ମାର ସତ୍'ଗତି ପାଇଁ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା।ତା ପରେ ବନ୍ଧୁମାନେ ପଢା ସମୟର  ଅନୁଭୂତି ସ୍ମୃତି ଚାରଣ କରିଥିଲେ। ଆଗାମୀ ଦିନରେ ବନ୍ଧୁ ମିଳନ ଉତ୍ସବର ଆୟୋଜନ ପାଇଁ ଏକ ପାଞ୍ଚ ଜଣିଆ କମିଟି ଗଠନ କରାଗଲା। ସେଥିରେ ବୈଦ୍ୟନାଥ କର୍ମୀ ସଭାପତି, ଘନଶ୍ୟାମ ତ୍ରିପାଠୀ ସଂପାଦକ, ଟୁନୁରାମ ଅଗ୍ରୱାଲ, ରାମଚନ୍ଦ୍ର କର୍ଣ୍ଣ ଓ ଚିତ୍ତରଞ୍ଜନ ପ୍ରଧାନ ସଭ୍ୟ ରୂପେ ସର୍ବ ସମ୍ମତି କ୍ରମେ ମନୋନୀତ ହେଲେ। ସମସ୍ତଙ୍କ ପାଇଁ ପ୍ରସାଦ ବ୍ୟବସ୍ଥା କରାଯାଇଥିଲା।