21-Jan-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ରାଜ୍ୟ କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ପାଟଣାଗଡ଼ ସହରର ଓମ୍ କଲ୍ୟାଣ  ମଣ୍ଡପ ଠାରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା  । ଏଥିରେ ସଂଘ ର ରାଜ୍ୟ ସଂପାଦକ   ଶିବାନନ୍ଦ ପରିଚ୍ଛା ଙ୍କୁ ପାଟଣାଗଡ଼  ନିର୍ବାଚନ ମଣ୍ଡଳୀ ର ବିଜେଡ଼ି ସମର୍ଥିତ ବିଧାୟକ ପ୍ରାର୍ଥୀ ଭାବେ ଆଗାମୀ ୨୦୨୪  ସାଧାରଣ ନିର୍ବାଚନରେ ଟିକିଟ  ଦେବାକୁ ସାମ୍ୱାଦିକ ସମ୍ମିଳନୀରେ ଦାବୀ କରାଯାଇଛି । ପୂର୍ବରୁ ରାଜ୍ୟର କେନ୍ଦୁପତ୍ର ତୋଳାଳୀ ସଂଘ ରେଢ଼ାଖୋଲ ଓ ପାଟଣାଗଡ଼ ନିର୍ବାଚନ ମଣ୍ଡଳୀରେ ତାଙ୍କ ସଂଘରୁ ଦୁଇଟି ସ୍ଥାନ ସଂରକ୍ଷିତ କରିବାକୁ କହିଥିଲେ।ଅନ୍ୟପକ୍ଷରେ  ରାଜ୍ୟ କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଭେଟି ଶ୍ରୀ ପରିଚ୍ଛା ଙ୍କୁ ଟିକିଟ ଦେବାକୁ ଦାବି କରାଯିବ ବୋଲି ସୂଚନା ଦେଇଛନ୍ତି । ଯଦିଓ ଶାସକ ଦଳ ତଥା ବିଜୁଜନତା ଦଳ ଶିବାନନ୍ଦ ପରିଚ୍ଛା ଙ୍କୁ ଟିକେଟ ନଦିଏ ତାହେଲେ ଆଗାମୀ ନିର୍ବାଚନ ରେ ସଂଘ ର ସଦସ୍ୟ ମାନେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି। ଏବେ ରାଜ୍ୟ ସରକାରଙ୍କୁ ଅଡ଼ୁଆରେ ପକାଉଛି ପାଟଣାଗଡ଼ ନିର୍ବାଚନ ମଣ୍ଡଳୀ। ଯେହେତୁ ଦୀର୍ଘ ୨୫ ବର୍ଷ ଧରି ଭାରତୀୟ ଜନତା ପାର୍ଟିର କବଜାରେ ଥିଲା ଆଉ ପାଟଣାଗଡ଼ କୁ ପଦ୍ମଗଡ ରୂପେ ବିବେଚିତ କରୁଥିଲେ। କିନ୍ତୁ ୨୦୧୯ ପରେ ଯୁବ ବିଧାୟକ ସରୋଜ କୁମାର ମେହେର ବିଜୁଜନତା ଦଳରୁ ପ୍ରାର୍ଥୀ ହୋଇ ପଦ୍ମଗଡ ରେ ଶଙ୍ଖର ଧ୍ବନି ଶୁଣାଇ ବିଜୟ ହାସଲ କରିଥିଲେ।ଧିରେ ଧିରେ ସେ ଅକ୍ଳାନ୍ତ ପରିଶ୍ରମ କରି ପଦ୍ମଗଡ କୁ ଶଙ୍ଖଗଡରେ ପରିଣତ କରିଦେଲେଣି। କିନ୍ତୁ ଅନ୍ୟପଟେ ଶାସକ ଦଳରୁ ଦୁଇ ଜଣ ଆଶାୟୀ ପ୍ରାର୍ଥୀ ବାହାରୁଥିବା ବେଳେ ଶିବାନନ୍ଦ ପାଇଁ କେନ୍ଦୁପତ୍ର ତୋଳାଳୀ ସଂଘ ଦାବି କରୁଅଛି। ସତରେ କ'ଣ ବିଜୁଜନତା ଦଳ ଆସନରେ ଥିବା ବିଧାୟକଙ୍କ ଟିକେଟ କାଟି ଶିବାନନ୍ଦ କୁ ଦେବ ତାହା ଦେଖିବାକୁ ବାକି ରହିଲା। ଯଦିଓ ଶାସକ ଦଳ ର ଟିକେଟ ଦିଆନିଆ ଠିକ୍ ନହୁଏ ତାହେଲେ ପୁଣି ପାଟଣାଗଡ଼ ନିର୍ବାଚନ ମଣ୍ଡଳୀରେ ପଦ୍ମ ଫୁଟିବ ବୋଲି ବୁଦ୍ଧିଜୀବି ମହଲରେ ଚର୍ଚ୍ଚା ହେଉଛି।ଉକ୍ତ ସମ୍ମୀଳନୀରେ ମକାରୁ ପଣ୍ଡା, ନିଲମଣି ବୁଡେକ, ଧ୍ରୁବଚରଣ ଚାନ୍ଦ, ରାଜାରାମ ଦଣ୍ଡସେନା, ସୁରେନ୍ଦ୍ର ବରିହା , ପିତାମ୍ବର ସାହୁ, ମନୋରଞ୍ଜନ ସାହୁ, ଲୋଚନ ବରିହା, ତ୍ରିନାଥ ପୋଢ, ବ୍ରଜରାଜ ପୁରୋହିତ, ପରମେଶ୍ବର ସୁନା , ଶାନ୍ତନୁ କୁମାର ଭୋଇ, ଜଗଦୀଶ ବନଛୋର, ଜୟସିଂ ନାଏକ, ଅଶୋକ ଦଣ୍ଡସେନା, ବିକାଶ କୁମାର ଭୋଇ,ଦଳ ଛତ୍ରିଆ,ବରଞ୍ଚି ବର୍ଗତ୍ତି, ପ୍ରହଲ୍ଲାଦ ମୁଦୁଲି,ବଳ ଧରୁଆ କୌଲାଶ ସୁନା ପ୍ରମୁଖ ଉପସ୍ଥିତ ଥିଲେ ।