14-May-2026

ଅତାବିରା(ଆକାଶ ମିଶ୍ର): ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ମାତୃପୁରୀ ଲାଦରପାଲି , ଅତାବିରା ଠାରେ ଚଳିତ ମାଟ୍ରିକ୍ ବୋର୍ଡ ପରୀକ୍ଷାରେ A1 ଓ A2 ଗ୍ରେଡ୍ ପାଇଥିବା ଛାତ୍ରଛାତ୍ରୀ ମାନଙ୍କର ବିଦ୍ୟାଳୟ ତରଫରୁ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଅଛି। ବିଦ୍ୟାଳୟ ପରିଚାଳନା କମିଟିର ସଭାପତି  ଶେଷଦେବ ନାଏକଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ନରେନ୍ଦ୍ର ପ୍ରଧାନ ,କାର୍ଯ୍ୟନିର୍ବାହୀ ଅଧିକାରୀ, ଅତାବିରା ବିଜ୍ଞାପିତ ଅଂଚଳ ପରିଷଦ, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ସରୋଜ କୁମାର ଭୁଏ ମୁଖ୍ୟ ବକ୍ତା,ସମ୍ମାନିତ ଅତିଥି ଭାବେ ସଭାପତି ବରିଷ୍ଠ ନାଗରିକ ସଂଘ, ସମ୍ବଲପୁର ପ୍ରଦୀପ କୁମାର ପଣ୍ଡା ଓ ଶିକ୍ଷାବିତ୍ ଭୀଷ୍ମଦେବ ସରାଫ ଯୋଗ ଦେଇ ଛାତ୍ରଛାତ୍ରୀମାନଙ୍କୁ ଶୁଭକାମନା ଜଣାଇବା ସହିତ ଭବିଷ୍ୟତ ରେ କିପରି ସୁନାଗରିକ ହୋଇପାରିବେ ସେ ଉପରେ ଆଲୋକପାତ କରିଥିଲେ। ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ଲାଦରପାଲି, ଅତାବିରାର ବରଗଡ ଜିଲ୍ଲା ରେ ସର୍ବାଧିକ ୫ଜଣ A1 ଓ ୧୬ ଜଣ A2 ହାସଲ କରି ସମଗ୍ର ବରଗଡ଼ ଜିଲ୍ଲାରେ ଅତାବିରା ବ୍ଲକର ଗୌରବକୁ ଅକ୍ଷୁର୍ଣ୍ଣ କରିଥିବାରୁ ସମସ୍ତ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ,କର୍ମକର୍ତ୍ତା ତଥା ଅଭିଭାବିକ ଅଭିଭାବିକା ପ୍ରଶଂସାର ପାତ୍ର ବୋଲି ମତବ୍ୟକ୍ତ କରିଥିଲେ ।ଏହି ଅବସରରେ ଅତାବିରା ବ୍ଲକ ଟପ୍ପର ତଥା ବରଗଡ ସବଡିଭିଜନର ଟପ୍ପର ସୁଶ୍ରୀ କ୍ରିଷ୍ଣା ପତିଙ୍କୁ ସ୍ୱତନ୍ତ୍ର ଭାବେ ଅଭିନନ୍ଦନ ଜ୍ଞାପନ କରାଯାଇଥିଲା।
ବିଦ୍ୟାଳୟର ଅଧ୍ୟକ୍ଷ ବବୃବାହାନ ମିଶ୍ର ,ପରିଚାଳନା କମିଟିର ସଂପାଦକ କୃଷ୍ଣଚନ୍ଦ୍ର ପ୍ରଧାନ, ସଭାପତି ଶେଷଦେବ ନାଏକ, ଉପସଭାପତି ଅରୁଣ କୁମାର ହୋତା, କୋଷାଧ୍ୟକ୍ଷ ଜୟ ପ୍ରକାଶ ଅଗ୍ରୱାଲ ମଞ୍ଚାସୀନ ହୋଇ ଛାତ୍ରଛାତ୍ରୀମାନଙ୍କର ଉଜ୍ଜ୍ବଳ ଭବିଷ୍ୟତ କାମନା କରିଥିଲେ। ଶିକ୍ଷକ ନିରଞ୍ଜନ ପସାୟତଙ୍କ ସଂଯୋଜନା ତଥା ଅନୁଷ୍ଠିତ କାର୍ଯକ୍ରମରେ ପରିଚାଲନା କମିଟି ର ସହ ସମ୍ପାଦକ ଶରତ କୁମାର ପ୍ରଧାନ,ସଭ୍ୟ ଅମିତ୍ କୁମାର ମିଶ୍ର , ସଭ୍ୟା ସୁସ୍ମିତା ମିଶ୍ର ,ପାଠଚକ୍ର ସଭାନେତ୍ରୀ ସୁଶ୍ରୀ ପ୍ରଧାନ ତଥା ଅନୁଷ୍ଠାନର ସମସ୍ତ ଶିକ୍ଷକ ଶିକ୍ଷୟିତ୍ରୀ ଭାଇ ଅପା ସକ୍ରିୟ ସହଯୋଗ କରିଥିଲେ। ଶେଷରେ ଉପାଧ୍ୟକ୍ଷ ଯତିନ୍ଦ୍ର ପ୍ରଧାନ ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ ।