14-May-2026

କଣ୍ଟାମାଳ(ଜୟ କୁମାର ମହାରଣା): ସିବିଏସଇ (କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ) ଦ୍ୱାରା ପରିଚାଳିତ ୨୦୨୬ ଶିକ୍ଷା ବର୍ଷର ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇଛି l ଏଥିରେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସ୍ଥିତ ଓଡିଶା ଆଦର୍ଶ ବିଦ୍ୟାଳୟ ଅଇଁଲାଚୁଆଁ ର ବିଜ୍ଞାନ ରେ ପରିକ୍ଷା ଦେଇଥିବା ୨୮ଜଣ ଛାତ୍ରଛାତ୍ରୀ ମଧ୍ୟରୁ ସମସ୍ତ ଛାତ୍ରଛାତ୍ରୀ ସଫଳତାର ସହିତ

ଉତ୍ତୀର୍ଣ୍ଣ ହୋଇଛନ୍ତି।  ବିଦ୍ୟାଳୟର ଏହି ସଫଳତା ଶିକ୍ଷାନୁଷ୍ଠାନର ଶୃଙ୍ଖଳା ଓ ଶୈକ୍ଷିକ ଉତ୍କର୍ଷତାକୁ ପ୍ରମାଣିତ କରିଛି।  ସେଥିମଧ୍ୟରୁ ବିଜ୍ଞାନ ଛାତ୍ରୀ ସୋନାଲି କର୍ଣ୍ଣ ୫୦୦ମାର୍କ ରୁ ୪୫୨ନମ୍ବର ରଖି ୯୦.୪% ସହ ବିଦ୍ୟାଳୟ ଟପ୍ପର ହୋଇଥିବା ବେଳେ ସୁଦାମ କଅଁର ଦ୍ୱାଦଶ ପରୀକ୍ଷାରେ ୫୦୦ ରୁ ୪୪୭ ନମ୍ବର ରଖି ୮୯.୪ ପ୍ରତିଶତ  ସହ ଦ୍ୱିତୀୟ ସ୍ଥାନ ଓ ପ୍ରିୟଙ୍କା ମହାନନ୍ଦ ୫୦୦ ରୁ ୪୩୩ନମ୍ବର ରଖି ୮୬.୬% ସହ ତୃତୀୟ ସ୍ଥାନରେ ରହି ବିଦ୍ୟାଳୟ ପାଇଁ ଗୌରବ ଅର୍ଜନ କରିଛନ୍ତି l  ଏହି ସଫଳତା ପାଇଁ ବିଦ୍ୟାଳୟର ଅଧ୍ୟକ୍ଷ  ତଥା ସମସ୍ତ ଅଧ୍ୟାପକ ଅଧ୍ୟାପିକା କୃତକାର୍ଯ୍ୟ ହୋଇଥିବା ସମସ୍ତ ଛାତ୍ରଛାତ୍ରୀମାନଙ୍କ ଉଜ୍ଜ୍ୱଳ ଭବିଷ୍ୟତ କାମନାକରି  ଶୁଭେଚ୍ଛା ତଥା ଅଭିନନ୍ଦନ ଜଣାଇଛନ୍ତି ।