02-Jan-2024

ବଲାଙ୍ଗୀର(ଦେବାଶିଷ ବହିଦାର ): ଜାନୁଆରୀ ୩ ତାରିଖ ଦିନ ମୁଖ୍ୟମନ୍ତ୍ରୀଙ୍କ ବଲାଙ୍ଗୀର ଗସ୍ତକୁ ନେଇ ଲୋୟର ସୁକତେଲ ଠାରେ କୌଣସି ଏକ କାର୍ଯକ୍ରମ କିଛି ସାମ୍ବାଦିକଙ୍କୁ ନେଇ କରାଯାଇଥିଲା।ଜଣେ ସାମ୍ବାଦିକ କିଛି ଗଣମାଧ୍ୟମ ପ୍ରତିନିଧି ଏବଂ ୱେବ୍ ସାମ୍ବାଦିକଙ୍କୁ ନେଇ ଲୋୟର ସୁକତେଲ ଠାରେ ପହଞ୍ଚିଥିବା ଚର୍ଚ୍ଚା ହେଉଛି।ଯଦି ଜିଲ୍ଲା ପ୍ରଶାସନ କିମ୍ବା ଲୋୱର୍ ସୁକତେଲ ଅଧିକାରୀ ଲୋୱର ସୁକତେଲକୁ ନେଇ କିଛି ସମ୍ବାଦ ପ୍ରକାଶ କରିବାର ଥିଲା ତେବେ ଜିଲ୍ଲାର ସମସ୍ତ ସାମ୍ବାଦିକ ମାନଙ୍କୁ ନିମନ୍ତ୍ରଣ କରିଥାନ୍ତେ।ଜଣେ ୱେବ୍ ସାମ୍ବାଦିକଙ୍କୁ ଖବର ଦେଇ କିଛି ଗଣମାଧ୍ୟମ ପ୍ରତିନିଧି ଓ କିଛି ୱେବ୍ ସାମ୍ବାଦିକଙ୍କୁ ନିମନ୍ତ୍ରଣ କରିଥିବାରୁ ଜଣାପଡୁଛି ଯେ ଲୋୱର ସୁକତେଲ ଅଧିକାରୀ ମାନେ କିଛି ଘଟଣା ଗୁପ୍ତ ରଖିବାକୁ ଚେଷ୍ଟା କରୁଥିବା ପରିଲକ୍ଷିତ ହୁଏ । ଧନ୍ୟବାଦ୍ ସେହି ସାମ୍ବାଦିକ ଭାଇଙ୍କୁ ଯିଏ ସମସ୍ତ ସାମ୍ବାଦିକଙ୍କୁ ସୂଚନା ନ ଦେଇ ନିଜର ପ୍ରତିପତ୍ତି ବିସ୍ତାର କରିବା ପାଇଁ ସାମ୍ବାଦିକଙ୍କ ମଧ୍ୟରେ ବିଭାଜନ ସୃଷ୍ଟି କରାଉଥିବା ହୀନପ୍ରୟାସ ନିନ୍ଦନୀୟ ଅଟେ।ଜିଲ୍ଲାରେ କୌଣସି ଘଟଣା,ସଭା ସମିତି କିମ୍ବା ତଥ୍ୟ ସମ୍ବଳିତ ସମ୍ବାଦ ଯଦି ପ୍ରଶାସନ ପକ୍ଷରୁ ଜାରି କରାଯାଉଛି ତେବେ ସମସ୍ତ ସାମ୍ବାଦିକଙ୍କୁ ଅବଗତ କରାଇବା ଜରୁରୀ ନୁହେଁ କି ?ତେବେ କାହିଁକି ମୁଷ୍ଟିମେୟ ସାମ୍ବାଦିକଙ୍କୁ ଅବଗତ କରାଇ ବାକି ମାନଙ୍କୁ ଅଣଦେଖା କରିବା ଏହା ଜଣେ ସାମ୍ବାଦିକ ର ଅନ୍ୟ ସାମ୍ବାଦିକ ମାନଙ୍କ ପ୍ରତି କୁଠାରଘାତ ନୁହେଁ କି ? ତେବେ ସାମ୍ବାଦିକଙ୍କ ମଧ୍ୟରେ ବିଭାଜନ ସୃଷ୍ଟି କରୁଥିବା ଏ ବିଭୀଷଣ ଜଣକ କିଏ ? କିଛି ବର୍ଷ ପୂର୍ବେ କିଛି ସାମ୍ବାଦିକ ମାନଙ୍କ ପ୍ରରୋଚନାରେ ଜିଲ୍ଲା ପ୍ରଶାସନ ସାମ୍ବାଦିକ ମାନଙ୍କୁ ଭାଗ ଭାଗ କରି ଦେଇଥିଲେ। ଯଦ୍ୱାରା ସାମ୍ବାଦିକ ମହଲରେ ଅସନ୍ତୋଷ ପ୍ରକାଶ ପାଇଥିଲା।କିନ୍ତୁ ଏବେ ସାମ୍ବାଦିକ ପାଲଟିଛି ସାମ୍ବାଦିକ ର ଶତ୍ରୁ ବୋଲି ଚର୍ଚ୍ଚା ହେଉଛି। ଅନୁରୋଧ ବିଭୀଷଣ ନୀତି ତ୍ୟାଗ କରି ସାମ୍ବାଦିକ ମାନଙ୍କ ମଧ୍ୟରେ ଏକତା ବଜାୟ ରଖିବା ଜରୁରୀ ବୋଲି ଚର୍ଚ୍ଚା ହୁଏ।