02-Jan-2024

ଅଗଲପୁର, (ବିନୋଦ କୁମାର ଦୀପ) ନୁଆ ବର୍ଷରେ ଗରିବ ଓ ବିଧବା ମହିଳା ଙ୍କୁ ସିଲେଇ ମେସିନ୍ ବଣ୍ଟନ ଏଭଳି ଏକ ନିଆରା କାର୍ଯ୍ୟକ୍ରମ ଦେଖିବକୁ ମିଳିଛି ବଲାଙ୍ଗିର ଜିଲ୍ଲା ଆଗଲପୁର ବ୍ଲକର ଝର୍ଣୀପାଲି ପଞ୍ଚାୟତରେ l ଏଭଳି ଏକ କାର୍ଯ୍ଯକ୍ରମ କରି ଖୁଵ ପ୍ରଶଂସା ପାଇଛନ୍ତି ସରପଞ୍ଚ ମହୋଦୟା l ନୁଆ ବର୍ଷକୁ ଏପରି ଗରିବଙ୍କ ସେବାରେ ସମର୍ପି ନିଜକୁ ସେ ଧନ୍ୟ ମନେ କରିଛନ୍ତି l ଏପରି କାମକୁ ନେଇ ଅଞ୍ଚଲରେ ଚର୍ଚ୍ଚା ର ବିଷୟ ପାଲଟିଛି l ଏହି ପରିପ୍ରେକ୍ଷୀରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ l ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ସୁନୀତା ସାହୁ, ବ୍ଲକ ଶିଶୁ ବିକାଶ ପ୍ରକଳ୍ପ ଅଧିକାରୀ ଜ୍ୟୋତିର୍ମୟୀ ନାୟକ , ବି ପି ସି ଜ୍ଞାନ ରଞ୍ଜନ ସା, ଉପଦେଷ୍ଟା ୟସ ପାଲ ସିଂହ ଯାଦବ ମଂଚାସୀନ ଅତିଥି ଭାବେ ଯୋଗ ଦେଇଥିଲେ l ଏହି କାର୍ଯ୍ୟକ୍ରମକୁ ସ୍ଥାନୀୟ ସରପଞ୍ଚ ଶ୍ରୀମତି ସୁନୀତା ସାହୁ ଆୟୋଜନ କରିଥିବା ବେଳେ ୟସ୍ ପାଲ ସିଂ ଯାଦବ ମଞ୍ଚ ପରିଚାଳନା କରିଥିଲେ l ସଭାପତି ପ୍ରଥମେ ଅତିଥି ପରିଚୟ କରିଥିଲେ ଓ ଏଥିରେ ୨୦ ବର୍ଷରୁ କମ ବୟସ୍କ ସନ୍ତାନ ଥିବା ବିଧବା ମହିଳା ମାନଙ୍କୁ ସିଲେଇ ମେସିନ ପ୍ରଦାନ୍ କରିଥିଲେ। ଏହାଦ୍ବାରା ଗରିବ ବିଧବା ମହିଳା ମାନେ ନିଜ ଘରେ ଥାଇ ସ୍ବାବଲମ୍ବୀ ହୋଇ ପାରିବେ ବୋଲି ମତବ୍ୟକ୍ତ କରିଥିଲେ l ଏହାଦ୍ବାରା ନିଜେ ସ୍ବାବଲମ୍ବୀ ହୋଇ ନିଜ ପରିବାର କୁ ଚଳାଇ ପାରିବେ ବୋଲି ଉପସ୍ଥିତ ଅତିଥି ମାନେ ମତବ୍ୟକ୍ତ କରିଥିଲେ l ଏଭଳି କାର୍ଯ୍ୟକ୍ରମ କୁ ଅତିଥି ମାନେ ବେଶ୍ ପ୍ରଶଂସା କରି କହିବା ସହ ଏହି କାର୍ଯକ୍ରମକୁ ଦେଖି ଅନ୍ୟ ସରପଞ୍ଚ ମାନେ ଅନୁପ୍ରାଣିତ ହୁଅନ୍ତୁ ବୋଲି ମତ ପ୍ରକାଶ କରିଥିଲେ l ଏଥିରେ ଗ୍ରାମ ପଞ୍ଚାୟତ ର ମଞ୍ଜୁଲତା ଭୋଇ, ନିବେଦିତା ଭୋଇ, ବାସଲ୍ୟ ସାହୁ, ହିମାଦ୍ରି ପାତ୍ର, ଲୋଚନା ଭୋଇ ପ୍ରମୁଖ ୧୫ ଜଣ ମହିଳାଙ୍କୁ ବିନାମୂଲ୍ୟରେ ସିଲେଇ ମେସିନ ବଣ୍ଟନ କରିଥଲେ l ଶେଷରେ ପୂର୍ବତନ ସରପଂଚ ସୁଜିତ ସାହୁ ଧନ୍ୟବାଦ ଦେଇ ସଭା ସାଙ୍ଗ ଘୋଷଣା କରିଥଲେ l ଏହି କାର୍ଯ୍ୟକ୍ରମକୁ ଭରତ ସାହୁ, ପ୍ରଶାନ୍ତ ସାହୁ, ମନ ଗଡ଼ତିଆ, ସଚି ପଧନ, ଟଙ୍କ ସାହୁ , ଭାନୁ ସେଠ୍, ରବିତା ତାଣ୍ଡି ପ୍ରମୁଖ ସହଯୋଗ କରିଥିଲେ l