25-Dec-2023

ବଲାଙ୍ଗିର // ଭାରତରତ୍ନ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଜନ୍ମ ଦିନକୁ ବିଜେପି ପକ୍ଷରୁ  ସୁଶାସନ ଦିବସ  ଭାବରେ ପାଳନ କରାଯାଇଛି l ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ରାମଚନ୍ଦ୍ର ପୁର ଗ୍ରାମ ପଞ୍ଚାୟତ ଓ ଡୁମେରପିଟା  ପଞ୍ଚାୟତ ରେ ବାଜପେୟୀ ଙ୍କ ଜନ୍ମଦିବସ କୁ ଉତ୍ସାହ ଉଦ୍ଦୀପନା ସହ ପାଳନ କରା ଯିବା ସହ ମିଷ୍ଟାନ୍ନ ବଣ୍ଟନ କରାଯାଇଥିଲା l ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ ଙ୍କ ନେତୃତ୍ଵରେ ଆୟୋଯିତ ଏହି ଜୟନ୍ତୀ ସଭାରେ ବହୁ ବିଜେପି କର୍ମୀ ଓ କର୍ମକର୍ତ୍ତା ଯୋଗ ଦେଇ ବିଜେପି ର ପ୍ରତିଷ୍ଠା, ସଂଗଠନ ବୃଦ୍ଧି ଓ ଭାରତୀୟ ରାଜନୀତି ରେ ବଜାପେୟୀ ଙ୍କ ଦୃଢ଼ ନେତୃତ୍ୱ ସମ୍ପର୍କରେ ଆଲୋଚନା କରିଥିଲେ l ରାମଚନ୍ଦ୍ର ପୁର  ପଞ୍ଚାୟତ ଠାରେ ଅନୁଷ୍ଠିତ ଜୟନ୍ତୀ ସଭାରେ ପ୍ରଥମରେ ବାଜପେୟୀ ଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରାଯାଇ ସଭାକୁ ଆରମ୍ଭ କରାଯାଇ ଥିଲା l

ଏଠାରେ ସରପଞ୍ଚ ବାସନ୍ତୀ ପଟେଲ ମୁଖ୍ୟ ଅତିଥି ଭାବରେ ଯୋଗଦେଇ ଅଟଳ ବିହାରୀ ବାଜପେୟୀ ଙ୍କ ଜୀବନ ଦର୍ଶନ ଉପରେ ବୁଝାଇ ଥିଲେ l ଡୁମେର୍ ପିଟା ପଞ୍ଚାୟତ ରେ ଅନୁଷ୍ଠିତ ଜୟନ୍ତୀ ସଭାରେ ଡୁମେର୍ ପିଟା ପଞ୍ଚାୟତର ସରପଞ୍ଚ ପଦ୍ମିନୀ ମିଶ୍ର ଯୋଗ ଦେଇ ଭାରତ ମାଟିର ମହାନ୍ ଜନନାୟକ ଅଟଳ ବିହାରୀ ବାଜପେୟୀ ନିଜର ସୁଶାସନ ଓ ବିଚକ୍ଷଣ ବୁଦ୍ଧିମତ୍ତା ପାଇଁ ସବୁ ଦିନ ପାଇଁ ମନେ ରହିବେ ବୋଲି କହିଥିଲେ l ଅନ୍ୟ ମାନଙ୍କ ମଧ୍ୟରେ ବଲାଙ୍ଗିର ସାଂସଦ ଙ୍କ ଦେଓଗାଁ ପ୍ରତିନିଧି ଅମିତ ସିଂନୀନା,  ବନ୍ଧପଡା ମଣ୍ଡଳ ସଭାପତି ବାସୁଦେବ ସିଂନୀନା, ବିଜେପି ନେତା କର୍ତାର ସିଂହ, ଅନୁରାଗୀ ନାହlକ,

ପ୍ରମୋଦ ସାହୁ ପ୍ରମୁଖ ଅଟଳ ବିହାରୀଙ୍କ ରାଜନୈତିକ ଜୀବନର ବିଭିନ୍ନ ଦିଗକୁ ନେଇ ସ୍ମୃତିଚାରଣ କରିଥିଲେ l   ଏହି ଜୟନ୍ତୀ ସଭାରେ ବିଜେପି ନେତା ଗୋପାଳଜୀ ପାଣିଗ୍ରାହୀ ଯୋଗ ଦେଇ ନିଜ ଅଭିଭାଷଣରେ,  ଜଣେ ବିଶ୍ୱସ୍ତରୀୟ ନେତା ଭlବରେ ବାଜପେୟୀଙ୍କ ଆଦର୍ଶ ଦଳମତ ନିର୍ବିଶେଷରେ ସମସ୍ତଙ୍କ ପାଇଁ ଅନୁକରଣୀୟ ହୋଇ ରହିବ ବୋଲି କହିଥିଲେ l