25-Dec-2023

କୁରସୁଡ, (ମନୋଜ କୁମାର ଜୈନ) ବଲାଙ୍ଗୀର ଜିଲ୍ଲା କୁରସୁଡ ଗ୍ରାମର ମାଁ ଭଗବତୀ ମିନିଷ୍ଠାଡିୟମ ଠାରେ ଅଶ୍ବିନୀ ମେମୋରିଆଲ କ୍ରିକେଟର ୨ୟ ଦିନରେ ପରାସରା ଓ ସିନ୍ଧେକେଲା ଦଳ ମଧ୍ଯ କ୍ରିକେଟ ଖେଳ ଅନୁଷ୍ଠିତ ହୋଇଥିଲା। ପରାସରା ପ୍ରଥମେ ବ୍ୟାଟିଙ୍ଗ କରି ୧୦ ଓଭରରେ ୧୨୦ରନ କରିଥିବା ବେଳେ ଜବାବରେ ସିନ୍ଧେକେଲା ଦଳ ସମସ୍ତ ଉଇକେଟ ହରାଇ ୯ଓଭର ୨ବଳରେ ୬୫ରନ କରିଥିଲେ। ସମାଜସେବୀ ସଜୀବ ଜୈନ ମୁଖ୍ଯ ଅତିଥି ଭାବେ ଯୋଗ ଦେଇ ଥିବା ବେଳେ ସାମ୍ବାଦିକ ମନୋଜ କୁମାର ଜୈନ ଓ ସମାଜସେବୀ କହ୍ନା ଜୈନ ସମ୍ମାନିତ ଅତିଥି ଭାବେ ଯୋଗଦେଇଥିଲେ।  ମ୍ୟାନ ଅଫ ଦ ମ୍ୟାଚ ଭାବେ ଅଭିଙ୍କୁ ପୁରସ୍କାର ପ୍ରଦାନ କରାଯାଇଥିବା ବେଳେ ଗଣେଶ ସାହୁ ଓ ଟୁନୁ ସାହୁ ଏମ୍ପାୟାର ଭାବେ ଖେଳ ପରିଚାଳନା କରିଥିଲେ। ରିଙ୍କୁ ବାଗ, ଭବ ସାହୁ, ମାନସ ସାହୁ, ନିହାର ବେହେରା, ଅଶୋକ ସାହୁ, କାହ୍ନା ଭୋଇ, ହେମନ୍ତ ରଣା, ରାଜୁ ବିଭାର, ସଞ୍ଜୁ ଜୈନ, ମିଳନ ସାହୁ,ଜିତୁ ଭୋଇ, ବୃନ୍ଦାବନ ଶବର ଆଦି ସହଯୋଗ କରିଥିଲେ।