24-Jul-2026

ବିନିକା(ହିମାଂଶୁ ଶେଖର ପୁଟେଲ) ବିନିକା ଉଚ ବିଦ୍ୟାଳୟ ଠାରେ ଭୀମଭୋଇ ସେବା ଫାଉଣ୍ଡେସନ ତରଫରୁ ପରିବେଶ ସୁରକ୍ଷା ସଚେତନତା କାର୍ଯ୍ୟକ୍ରମ ଓ ଆର୍ଥିକ ସ୍ଵାକ୍ଷର ଶିବିର ଅନୁଷ୍ଠିତ ହୋଇଯାଇଛି ।ସ୍କୁଲର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ମହାକୁଡ଼ ଏଥିରେ ଅଧ୍ୟକ୍ଷତା କରି ଛାତ୍ର ମାନଙ୍କ ଭବିଷ୍ୟ ଗଠନ ଉପରେ ମନ୍ତବ୍ୟ ପ୍ରଦାନ କରିଥିଲେ । ମୁଖ୍ୟ ଅତିଥି ବନପାଳ ସୁରେନ୍ଦ୍ର ସାହୁ ଯୋଗଦେଇ ବୃକ୍ଷ ରୋପଣର ଉପକାରିତା,ପରିବେଶ ସୁରକ୍ଷା  ଉପରେ ସଚେତନତା ବାର୍ତ୍ତା ପ୍ରଦାନ କରିଥିଲେ l ସମ୍ବାନୀତ ଅତିଥି ଭାବେ କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇ ସ୍ୱଛତା ଓ ପରିବେଶରୁ କି ଉପକାର ମିଳିଥାଏ ଛାତ୍ର ମାନଙ୍କୁ ବୁଝାଇଥିଲେ l ସୋନପୁର ଜିଲ୍ଲା ଏସ ବି ଆଇ ବ୍ୟାଙ୍କ ଆର୍ଥିକ ସାକ୍ଷର ପରାମର୍ଶଦାତା ଘନଶ୍ୟାମ ମେହେର,  ଉଚ୍ଚ ଶିକ୍ଷା ପାଇଁ ବ୍ୟାଙ୍କ କିପରି ସହାୟତା ଯୋଗାଇ ଦେଇଥାଏ, ଶିକ୍ଷାହିଁ ଛାତ୍ରଙ୍କୁ ସର୍ବୋଚ୍ଚ ସ୍ଥାନରେ ପହଞ୍ଚାଇପାରେ ପାଠପଢ଼ାରେ ଆର୍ଥିକ ବାଧା ଦେଇପାରିବ ନାହିଁ ବୋଲି ବକ୍ତବ୍ୟ ପ୍ରଦାନ କରିଥିଲେ l ଏସ ଆଇ ମରୁତ ଚନ୍ଦ୍ର ପଧାନ ଛାତ୍ରମାନେ ତାଙ୍କ ଜୀବନରେ ଶାନ୍ତି ଶୃଙ୍ଖଲା ସ୍ଥାପନ କରି କେବଳ ପାଠପଢ଼ାରେ ମନ ଦେବା ଓ କୈଣସି ପରିସ୍ଥିରେ ବି ସାଙ୍ଗସାଥିଙ୍କ ସହିତ କଳହ ନ କରିବାପାଇଁ ଉପଦେଶ ଦେଇଥିଲେ l ଭୀମଭୋଇ ସେବା ଫାଉଣ୍ଡେସନର ପ୍ରତିଷ୍ଠିତା ତଥା ଆୟୋଜକ ପକୃତି ବନ୍ଧୁ ରାମ ଗୋପାଳ ବାଘ ଦଶମରେ ପଢ଼ୁଥିବା ସମସ୍ତ ଗରିବ ଛାତ୍ରଙ୍କୁ  ପାଠ୍ୟ ସାମଗ୍ରୀ ଓ ନିଶୁକ୍ଳ କୋଚିଂ ଶିକ୍ଷା ଦାନ କରିବା ପାଇଁ ଆହ୍ୱାନ ଦେଇ ନିଜ ମା ଙ୍କ ନାମରେ ଗଛଟିଏ ଲଗାଇବା ପାଇଁ ଅନୁରୋଧ କରିଥିଲେ l ଏହି ଅବସରରେ ସ୍କୁଲର ସମସ୍ତ ଷ୍ଟାଫ ଓ ଅଧ୍ୟୟନରତ ଛାତ୍ର ମାନେ ବୃକ୍ଷ ରୋପଣ କରିଥିଲେ ।