24-Dec-2023

ବୀରମହାରାଜପୁର (ପ୍ରେରଣା ଖବର ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକର ଗଣପତି ଆଦର୍ଶ ଶିକ୍ଷା ନିକେତନ ଠାରେ ତିନିଦିନିଆ କନିଷ୍ଠ ରେଡ଼କ୍ରସ ଶିକ୍ଷା ଓ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇ ଯାଇଛି l ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇଙ୍କ ଅଧ୍ୟକ୍ଷତା ରେ ହୋଇଥିବା ଶିବିରକୁ ଜିଲ୍ଲା ପରିଷଦ ଅଧ୍ୟକ୍ଷା ସୁପାର ଠେଲା ଉଦ୍ଘାଟନ କରିଥିଲେ। ଜିଲ୍ଳା ଅତିରିକ୍ତ ଶିକ୍ଷା ଅଧିକାରୀ ତଥା ଜେଆରସି ସମ୍ପାଦକ ଡା. ରାଧାକାନ୍ତ ଗଡତିଆଙ୍କ ଅଧ୍ୟକ୍ଷତାରେ ଏଡିଏମ୍ ଅଞ୍ଜଳୀନା ପ୍ରଧାନ

ମୁଖ୍ୟଅତିଥି ଭାବରେ ଯୋଗଦେଇ ଜୁନିୟର ରେଡ଼କ୍ରସର ଛାତ୍ରଛାତ୍ରୀ ମାନଙ୍କୁ ସ୍ବାସ୍ଥ୍ୟ,ସେବା, ବନ୍ଧୁତା ମନ୍ତ୍ରରେ ମାନବୀୟ ସେବାକୁ ଚରିତାର୍ଥ କରିବାକୁ ଆହ୍ବାନ ଦେଇଥିଲେ। ଶିବିରକୁ ଜିଲ୍ଲା ଜୁନିୟର ରେଡ କ୍ରସ ଅଫିସର ରବିଚନ୍ଦ୍ର ପଶାୟତ ଓ ଗଣପତି ସ୍କୁଲ ର ପ୍ରଧାନ ଶିକ୍ଷକ ଶାନ୍ତନୁ ମହାକୁଲ ପରିଚାଳନା କରିଥିଲେ। ବରିଷ୍ଠ ବିଇଓ ବୀରମହାରାଜପୁର ଶାନ୍ତନୁ କୁମ୍ଭକାର, ବିଇଓ ଉଲୁଣ୍ଡା ଗୋଲକ ବିହାରୀ ପଣ୍ଡା, ବିଇଓ ବିନିକା ଲକ୍ଷ୍ମଣ ମିଶ୍ର, ନୋଡାଲ ସ୍କୁଲ୍ ପ୍ରଧାନଶିକ୍ଷକ ନିରଞ୍ଜନ ଦାଶ ଯୋଗଦେଇ ମତବ୍ୟକ୍ତ କରିଥିଲେ। ଜିଲ୍ଲାର ୧୨୭ ଗୋଟି  ହାଇସ୍କୁଲ ଏବଂ ଉଚ୍ଚ ପ୍ରାଥମିକ ବିଦ୍ୟାଳୟ ରୁ ଯୋଗଦେଇଥିବା ପ୍ରାୟ ୫୫୪ ଜୁନିୟର ଓ କାଉନସିଲର ଙ୍କୁ ସାଧନକର୍ମୀ ସରୋଜକାନ୍ତ ରଥ, ସୁରେଶ ପଧାନ,ବରଗଡ଼ ଜେଆରସିଓ ମହେନ୍ଦ୍ର ଆଚାର୍ଯ୍ୟ, ଝସକେତନ ମେହେର, ଚନ୍ଦ୍ରମଣି ବାଘ, ହୃଷୀକେଶ ଡାଙ୍ଗ, ଚନ୍ଦ୍ର ଶେଖର ମହାପାତ୍ର, ତପସ୍ଵିନୀ ଦାଶ,  ରାମ ନାରାୟଣ ଦାସ, ନିମାଇଁ ଚରଣ ମଲ୍ଲିକ, ବଳରାମ ପୁରୋହିତ, ବନମାଳୀ ମେହେର ପ୍ରମୁଖ ଶିବିରାର୍ଥିଙ୍କୁ ରେଡ କ୍ରସ ଆନ୍ଦୋଳନ, ପ୍ରାଥମିକ ଚିକିତ୍ସା, ଫାୟାର ଫାଇଟିଙ୍ଗ, ବିପର୍ୟୟ ପରିଚାଳନା, ସ୍ବାସ୍ଥ୍ୟ ଅଭିଯାନ ସମ୍ପର୍କରେ ତାଲିମ ପ୍ରଦାନ କରିଥିଲେ। ବସିସି ଗୋପେଶ ପଣ୍ଡା, ପବିତ୍ର ବାରିକ, ବୈକୁଣ୍ଠ ନାୟକ, ପ୍ରହଲ୍ଲାଦ ନାୟକ, ବିଜୟ ପଣ୍ଡା, ବନବାସ ମେହେର, ସୁବ୍ରତ ସାହୁ, ହୃଷୀକେଶ  ଚାନ୍ଦ ପ୍ରମୁଖ

ଶିବିରରେ ବିଭିନ୍ନ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶିବିରରେ ପ୍ରତ୍ୟହ ସକାଳ ପ୍ରାର୍ଥନା, ଯୋଗ, ସନ୍ଧ୍ୟା ସାଂସ୍କୃତିକ କାର୍ଯ୍ୟକ୍ରମ ହେବା ସହିତ ଅନ୍ତିମ ଦିବସରେ କମଲପୁର ଗ୍ରାମରେ ଏକ ଶାନ୍ତି ଶୋଭାଯାତ୍ରା ଆୟୋଜିତ ହୋଇଥିଲା । ବିଭିନ୍ନ ପ୍ରତିଯୋଗିତାର କୃତୀ ଜୁନିୟର ମାନଙ୍କୁ ଅତିଥି ବୃନ୍ଦ ଟ୍ରଫି ଦେଇ ପୁରସ୍କୃତ କରିଥିଲେ। ଗଣପତି ସ୍କୁଲର ପରାମର୍ଶଦାତା ବ୍ୟୋମକେଶ ପଣ୍ଡା ଧନ୍ୟବାଦ୍ ଅର୍ପଣ କରିଥିଲେ।