24-Dec-2023

ସିନ୍ଧେକେଲା (ଅନୀଲ କୁମାର ତ୍ରିପାଠୀ): ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ଦେଢ଼ଗାଁ ଗ୍ରାମରେ ଗୁରୁବାର ରାତିରେ ଏକ ଅଭାବନୀୟ ଘଟଣା ଘଟିଯାଇଛି ।ଦୁବୃତ୍ତ ମାନେ ଘର ଭିତରକୁ ପଶି ଆସି ଜଣେ ବ୍ୟକ୍ତିକୁ ନିର୍ମମ ଭାବେ ହତ୍ୟା କରି ଫେରାର  ମାରିଛନ୍ତି । 
 ସିନ୍ଧେକେଲା ଥାନା ଦେଢ଼ଗାଁ ଗ୍ରାମର ରୁଖାଡ଼ ଥପା(୨୮) ନିଜ ଘରେ ରାତିରେ ଶୋଇଥିବା ବେଳେ ରାତି ପ୍ରାୟ ୯ ଟା ସମୟରେ ଘର ଭିତରକୁ କେହି ଦୁବୃତ୍ତ ପଶି ଆସି  ମାରଣାସ୍ତ୍ରରେ ନିର୍ମମ ଭାବେ ହତ୍ୟା କରି ଫେରାର ମାରିଛି। ସ୍ତ୍ରୀ ମା ଘରକୁ ଯାଇଥିବା ବେଳେ ୨ ପୁଅ କ୍ଷୀରୋଦ(୯),ସାର୍ଥକ(୬) ସହ ମୃତକ ରୁଖାଡ ଥପା ଘରେ ଶୋଇଥିଲେ । ୩ ରୁ ୫ ଜଣ ବାଇକରେ ଆସି ଘର ଭିତରକୁ ପଶି ହତ୍ୟା କରି ଫେରାର ମାରିଥିବା ୯ ବର୍ଷର ପୁଅ କ୍ଷୀରୋଦ ଦେଖିଥିବା ପ୍ରକାଶ କରୁଛି ।  ରକ୍ତ ଜୁଡ଼ୁବୁଡୁ ଅବସ୍ଥାରେ ଉଦ୍ଧାର କରାଯାଇଥିଲା । ସିନ୍ଧେକେଲା ପୋଲିସ କୁ ଖବର ଦେବା ପରେ ଘଟଣା ସ୍ଥଳକୁ ପହଁଚି ତଦନ୍ତ ଆରମ୍ଭ କରିଥିଲା ।ଶବକୁ ଜବତ କରି ଶବ ବ୍ୟବଚ୍ଛେଦ ପାଇଁ  ଶୁକ୍ରବାର ଟିଟିଲାଗଡ ପଠାଯାଇଥିଲା ।ସନ୍ଧାନୀ କୁକର ସହ ବଲାଙ୍ଗିର ସାଇଣ୍ଟିଫିକ ଟିମ ଘଟଣା ସ୍ଥଳକୁ ପହଁଚି ତଦନ୍ତ ଆରମ୍ଭ କରିଥିଲା ।  ।ଟିଟିଲାଗଡ଼ ଏସଡିପିଓ ଅଙ୍କିତା କୁମ୍ଭାର,ଟିଟିଲାଗଡ ଥାନା ଅଧିକାରୀ,ସିନ୍ଧେକେଲା ଥାନା ଅଧିକାରୀ ବସନ୍ତ ଦଳେଇ,ବଙ୍ଗୋମୁଣ୍ଡା ଥାନା ଅଧିକାରୀ ହରିବନ୍ଧୁ ଗଡ଼ତ୍ୟା ପହଁଚି ତଦନ୍ତ ଆରମ୍ଭ କରିଥିଲେ । ଶବ ବ୍ୟବଚ୍ଛେଦ ପରେ  ପରିବାର ଲୋକଙ୍କୁ ହସ୍ତାନ୍ତର ପରେ ଗାଁ ମାଶାଣୀରେ ଶବ ସତ୍କାର କରାଯାଇଛି ।

ଘରେ ପଶି ନିର୍ମମ ଭାବେ ହତ୍ୟା କରି ଫେରାର ଥିବା ଅଭିଯୁକ୍ତ ମାନଙ୍କ ମଧ୍ୟରୁ ଜଣେ ଗିରଫ, ବିଧବା ଭାଇ ବୋହୂ ହିଁ ହତ୍ୟା କାଣ୍ଡର ମୁଖ୍ୟ ମାଷ୍ଟର ମାଇଣ୍ଡ। 
ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅଧିନସ୍ଥ ଦେଢ଼ଗାଁ ଗ୍ରାମରେ ଗୁରୁବାର ରାତିରେ ଘଟିଯାଇଛି ଏକ ଅଭାବନୀୟ ଘଟଣା। ଘଟଣାନୁଯାଇ ଗୁରୁବାର ରାତି ୯ ଟା ୩୦ ମିନିଟ ରୁ ୧୦ ଟା ମଧ୍ୟରେ କିଛି ଦୁର୍ବୃତ ଦେଢ଼ଗାଁ ଗ୍ରାମର ରୁଖାଡ ଥପା (୩୪)  ଙ୍କ ଘର ଭିତରକୁ ପଶି ହତ୍ୟା କରି ଫେରାର ହୋଇଯାଇଥିଲେ। ତେବେ ସିନ୍ଧେକେଲା ପୋଲିସ ଛାନଭିନ କରି ପ୍ରଥମେ ମୃତ ରୁଖାଡ ଙ୍କ ବିଧବା ଭାଇ ବୋହୂ ଜୟନ୍ତୀ ଥପା ଙ୍କୁ ଶୁକ୍ରବାର ଅଟକ ରଖି ପଚରାଉଚରା କରିବା ପରେ କୋର୍ଟ ଚାଲାଣ କରିଥିବା ବେଳେ ଶନିବାର ହତ୍ୟା କରି ଫେରାର ହୋଇଥିବା ଦୁର୍ବୃତ୍ତ ମାନଙ୍କ ମଧ୍ୟରୁ ଜଣକୁ ଗିରଫ କରିବାରେ ସଫଳ ହୋଇଛି। ଗିରଫ ହୋଇଥିବା ଯୁବକ ସିନ୍ଧେକେଲା ହାଟପଦା ପଡାର (ଭୀମ) ରୂପେଶ ଛୁରା (୧୯) କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ସିନ୍ଧେକେଲା ଥାନାଧିକାରୀ ବସନ୍ତ ଦଲାଇ ସୂଚନା ଦେଇଛନ୍ତି। ଏବଂ ଏହି ଘଟଣାରେ ସମ୍ପୃକ୍ତ ଥିବା ଅନ୍ୟମାନଙ୍କୁ ମଧ୍ୟ ଶିଘ୍ର ଗିରଫ କରାଯିବ ବୋଲି ସୁଚନା ଦେଇଛନ୍ତି। ତେବେ ଏହି ଘଟଣାଟି ପ୍ରେମ ଜନିତ ଥିବାରୁ ଘରୋଇ କଳହ ମଧ୍ୟ ରହୁଥିଲା । ତେଣୁ ଏ ସବୁକୁ ନେଇ ହିଁ ଜୟନ୍ତୀ ଙ୍କ ପ୍ରରୋଚନାରେ ହତ୍ୟାକାଣ୍ଡ ହୋଇଥିବା ସୁଚନା ମିଳିଛି। ଅନ୍ୟ ଅଭିଯୁକ୍ତଙ୍କୁ ଗିରଫ କରିବା ପରେ କେମିତି ହତ୍ୟା କାଣ୍ଡର ବ୍ଲୁ ପ୍ରିଣ୍ଟ କରାଯାଇଥିଲା , କିଏ ବ୍ଲୁ ପ୍ରିଣ୍ଟ ପ୍ରସ୍ତୁତିରେ ମାଷ୍ଟର ମାଇଣ୍ଡ ଥିଲା , କେମିତି କୋଉ ରାସ୍ତା ଦେଇ ଘରକୁ ଯାଇ ହତ୍ୟା କରି କୋଉ ରାସ୍ତା ଦେଇ ଫେରାର ମାରି କୋଉ କୋଉ ସ୍ଥାନକୁ କିଏ କିଏ କେମିତି ଫେରାର ହୋଇଥିଲେ ପୋଲିସ କେମିତି ଧରିବାରେ ସକ୍ଷମ ହୋଇଥିଲା ସବୁ ପର୍ଦ୍ଦାଫାଶ ହେବ ।