23-Dec-2023

ନୂଆପଡା(ବିଶି ଚନ୍ଦନ ମାଝୀ): ମହାମାୟା ପବ୍ଲିକ କଲେଜ ଖଡ଼ିଆଳର ଦୁଇ ଦିନିଆ କ୍ରୀଡା ବାର୍ଷିକୀ ଉତ୍ସବ ଖଡ଼ିଆଳ ସୟଂ ଶାସିତ ମହାବିଦ୍ୟାଳୟ ଖେଳ ପଡିଆ ଠାରେ ଅନୁଷ୍ଠିତ ହୋଇଯାଇଅଛି। ଏଥିରେ ଜୁନିଅର ଗ୍ରୁପରେ ୧୮ ଟି ଓ ସିନିୟର୍ ଗ୍ରୁପରେ ୧୦ ଟି ଇଭେଣ୍ଟ ଖେଳା ଯାଇଥିଲା। ୧୦୦ ମିଟର,୨୦୦ ମିଟର,୪୦୦ ମିଟର ଦୌଡ, ରିଲେ ରେସ,ସର୍ଟ ଫୁଟ,ଡିସକସ ଥ୍ରୋ,ଲଙ୍ଗ ଜମ୍ପ,ହାଇ ଜମ୍ପ୍,ବଲୁନ ରେସ, କ୍ରିକେଟ,ମେଜିକ ଚେୟାର ଆଦି ପ୍ରତିଯୋଗିତା  ଅନୁଷ୍ଠିତ ହୋଇଥିଲା। ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦେଇ ମହାମାୟା ଗ୍ରୁପ ଅଫ ଇନ୍ଷ୍ଟି ଚ୍ୟୁସନର ନିର୍ଦ୍ଦେଶିକା ଜ୍ୟୋତିର ମୟୀ ସାହୁ କଠିନ ପରିଶ୍ରମ କରି ଆଗକୁ ବଢିବା ପାଇଁ ଛାତ୍ର ଛାତ୍ରୀଙ୍କୁ ପରାମର୍ଶ ଦେଇଥିଲେ। ଅନ୍ୟତମ ଅତିଥି ଭାବରେ ଚେୟାର ମ୍ୟାନ ଇନ୍ ଚାର୍ଜ ଶିରିଶ କୁମାର ସାହୁ ଯୋଗ ଦେଇଥିବା ବେଳେ ସଭାପତିତ୍ବ କରିଥିଲେ କଲେଜ ଅଧ୍ୟକ୍ଷା ସୁନିତା ତିୱାରୀ । ଖେଳରେ ଷଷ୍ଠ ଶ୍ରେଣୀର ଛାତ୍ରୀ ମୋନିକା ଭୋଇ ଓ ଯୁକ୍ତ ଦୁଇର ଛାତ୍ରୀ ନିଖତ ଫତିମା ଚମ୍ପିୟାନ ହୋଇଥିଲେ। ଦୁଇ ଦିନର ଖେଳ କାର୍ଯ୍ୟକ୍ରମରେ କ୍ରୀଡା ଶିକ୍ଷକ ରୋହିତ କୁମାର ନାଗ କାର୍ଯ୍ୟକ୍ରମ ପରିଚାଳନା କରିଥିବା ବେଳ ଶ୍ରୀକାନ୍ତ ସାହୁ,ମାନସ ମେହେର,ଦେବରାଜ ମେହେର,ଉତ୍ସଵ ପାଣିଗ୍ରାହୀ,ସୁନିତା ଦାସ,କଳ୍ପନା ରାଉତ,ବିଜୟଲଷ୍ମୀ ଦାସ,ରଚନା ନାଏକ,ପୂଜା ସାହୁ,ଶ୍ରୀବଲ୍ଲଭ ହୋତା,ଲିଙ୍କନ ବେହେରା,ସଞ୍ଜୟ ବେହେରା,ପୁଷ୍ପାଞ୍ଜଳି କୈବର୍ତ,ସଂଯୁକ୍ତା କେତକୀ,ଜାହ୍ନବୀ ତାଣ୍ଡି,କେ ପ୍ରିୟାସନ,ଲିଜାରାଣୀ ସାମୁଏଲ,ପ୍ରୀତମ ସିଂ,ଗୁଲନାଜ ବେଗମ,ଜିତେଶ ସାହୁ,ଯଶୋବନ୍ତ ପ୍ରଧାନ,ବିଶ୍ୱଜିତ ପ୍ରଧାନ ସମେତ ସମସ୍ତ ଶିକ୍ଷକ ଶିକ୍ଷୟତ୍ରୀ ସହଯୋଗ କରିଥିଲେ।