30-Jul-2026

ସୋନପୁର(ପ୍ରେରଣା ଖବର)- ସୋନପୁର ବିସାଗର ବନ୍ଧଆଡି ଠାରେ ପ୍ରଶାସନ ର ଜୋର ଜବରଦସ୍ତି, ହାଇକୋର୍ଟଙ୍କ ଷ୍ଟେ ଅର୍ଡର ନିର୍ଦ୍ଦେଶକୁ ଉଲଂଘନ କରି ଗରିବ ଦୋକାନୀ ହନ୍ତସନ୍ତ ହେଉଥିବା ଅଭିଯୋଗ ହେଉଛି। ସୂଚନାଯୋଗ୍ୟ ଯେ ରଘୁନାଥ ମେହେର ମଝିପଡା ସୋନପୁର ବାସିନ୍ଦା ଅଟନ୍ତି।ସେ ବିସାଗର ବନ୍ଧଆଡି ଠାରେ ଏକ ଚାଳ ଛପର ଘର ରେ ଦୋକାନ ଟିଏ କରି ପରିବାର ଭରଣ ପୋଷଣ କରି ଦୁଃଖ କଷ୍ଟରେ ଚଳେଇ ନେଉଥିଲେ।
  ତାଙ୍କ ଦୋକାନ ପାଖକୁ ଲାଗି କରି ଅନେକ ଗୁଡ଼ିଏ ଗରିବ ଲୋକଙ୍କ ଦୋକାନ ଦେଇଛନ୍ତି। ସବୁ ମୁନିସିପାଲିଟି ର ଏରିଆ ବୋଲି କୁହାଯାଉଛି।ଏହି ସ୍ଥାନରେ ଜବରଦଖଲ କରି ଆନୁମାନିକ ୫୦ ବର୍ଷ ହେବ ଅନେକ ଗରିବ ଲୋକ ମାନେ ଦୋକାନ କରି ଆସୁଛନ୍ତି।
ହାଇକୋର୍ଟଙ୍କ ନିର୍ଦ୍ଦେଶ କୁ ଖୋଲା ଖୋଲି ଉଲଂଘନ କରି ଆଜି ହଠାତ୍ ପୈ।ର ପ୍ରଶାସନ ଆସି ଜାଣି ଶୁଣି ରାଗ ରଖିଲା ଭଳି ଶ୍ରୀ ମେହେର ଙ୍କ ଦୋକାନକୁ ବୁଲ୍ଡଜର ଲଗାଇ ଭାଙ୍ଗି ଦେଇଥିବା ଅଭିଯୋଗ ହେଉଛି। ଶ୍ରୀ ମେହେର ବାରମ୍ବାର ପ୍ରଶାସନର ଦ୍ବାରସ୍ଥ ହୋଇଥିଲେ ମଧ୍ୟ କିଛି ସୁଫଳ ପାଇଲେ ନାହିଁ।ଏହି ସ୍ଥାନକୁ କେତେବେଳେ ଦେବୋତ୍ତର ସମ୍ପତ୍ତି ତ କେତେବେଳେ ଘରବାରି କହୁଛନ୍ତି ତ କେତେବେଳେ ପୈ। ରପ୍ରଶାସନ ର ଜାଗା ବୋଲି କୁହାଯାଉଛି। ପ୍ରକୃତରେ ଏହି ସ୍ଥାନଟି କହାର ପ୍ରଶାସନ ପାଖରେ କୈ।ତହିଁ ତଥ୍ୟ ନାହିଁ କିମ୍ବା ଏହି ସ୍ଥାନକୁ ଚିହ୍ନଟ କରି ପାରୁନାହାନ୍ତି। ସୋନପୁର ଜିଲ୍ଲା ପ୍ରଶାସନର ଜୋର ଜବରଦସ୍ତି ଆଉ ମନମୁଖୀ କାର୍ଯ୍ୟ ଚଳାଇଥିବା ଅଭିଯୋଗ ହୋଇ ଆସୁଛି।
ଏହିଭଳି ଗରିବ ଲୋକ ମାନଙ୍କ ଦୋକାନ ଭଙ୍ଗାରୁଜା ଘଟଣା କୁ ଏ ଅଞ୍ଚଳର ଜନସାଧାରଣ ଓ ବୁଦ୍ଧିଜୀବି ମହଲରେ ନିନ୍ଦା କରୁଥିବା ଚର୍ଚ୍ଚା ହେଉଛି।