23-Dec-2023

ବଲାଙ୍ଗିର(ପ୍ରେରଣା ଖବର) ବଲାଙ୍ଗିର ଲାଲଟିକ୍ରା ସ୍ଥିତ ସୁପ୍ରିମ ଟାକ୍ସ ଜେନେରାଲ ହସପିଟାଲ ଓ ନେତ୍ରନିକେତନ ତଥା ସୁପ୍ରିମଟାକ୍ସ କଲେଜ ଅଫ୍ ନସିଂ ତରଫରୁ ପ୍ରୀ ଖ୍ରୀଷ୍ଟମାସ ସେଲିବ୍ରେସନ ଗତ ୨୨.୧୨.୨୦୨୩ ଶୁକ୍ରବାର ଦିନ ପାଲିତ ହୋଇଛି । ସୁପ୍ରିମଟାକ୍ସ ରାଷ୍ଟ୍ରୀୟ ନିର୍ଦ୍ଦେଶକ ଅଜିତ ପାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମାରୋହରେ ପୂର୍ବତନ ଏମ୍‌ପି ତଥା ରାଜ୍ୟ ଗୃହ ନିର୍ମାଣ ନିଗମ ଚେୟାରମେନ କଳିକେଶ ନାରାୟଣ ସିଂଦେଓ ମୁଖ୍ୟ ଅତିଥି ଭାବେ ଯୋଗ ଦେଇ ଖ୍ରୀଷ୍ଟ ସମାଜର ଉତ୍ତୋରତର ଉନ୍ନତି କାମନା କରି ଅନୁଷ୍ଠାନର ସମୟ ଉପଯୋଗୀ ପଦକ୍ଷେପକୁ ପ୍ରଶଂସା କରିଥିଲେ । ବଲାଙ୍ଗିର ପୌରାଧ୍ୟକ୍ଷା ଲିକା ସାହୁ ସମ୍ମାନିତ ଅତିଥି ଭାବେ ଯୋଗ ଦେଇ କଲେଜ ଅଫ୍ ନରସିଂ ଛାତ୍ର ଛାତ୍ରୀଙ୍କ ସେବା ଓ ସୁପ୍ରିମଟାକ୍ସ ହସପିଟାଲର କାର୍ଯ୍ୟକୁ ଗୁରୁତ୍ୱାରୋପ କରିଥିଲେ । ସୁପ୍ରିମଟାକ୍ସ ମ୍ୟାନେଜର ସତ୍ୟସୁନ୍ଦର ଦୀପ ଙ୍କ ସଂଯୋଜନାରେ ଅନୁଷ୍ଠିତ ସଭାରେ ପୌର ପରିଷଦର ଉପାଧ୍ୟକ୍ଷା ଓ କାଉନସିଲରଗଣ,  ରେଭେରାଣ୍ଟ ସଂଜୟ ସାହୁ, ଅତିରିକ୍ତ ନିର୍ଦ୍ଦେଶକ ପ୍ରବୀଣ ନାଥ ଓ ନରସିଂ କଲେଜ ଅଧ୍ୟକ୍ଷା ଲକ୍ଷ୍ମୀ ମେହେର ମଂଚାସିନ ଥିଲେ । କାର୍ଯ୍ୟକ୍ରମକୁ ଉପଦେଷ୍ଟା ଡା. ସିଦ୍ଧେଶ୍ୱର ମିଶ୍ର, ସୁପରିଟେଣ୍ଟେଣ୍ଡ ସିମନ ପାଲ, ପ୍ରଶାସନିକ ଅଧିକାରୀ ପ୍ରୀତମ ବାଗ ପ୍ରମୁଖ ସହଯୋଗ କରିଥିଲେ । ସୁପ୍ରିମଟାକ୍ସ କଲେଜ ଅଫ୍ ନରସିଂ ର ହୋସାନା ସୁନାନି ଓ ସୁମନ ପୁଝାରୀଙ୍କୁ ରାଜେନ୍ଦ୍ର ୟୁନିଭରସିଟି ଟପର ପାଇଁ ସ୍ୱତନ୍ତ୍ର ଭାବେ ସମ୍ମାନିତ କରାଯାଇଥିଲା । ୧ହଜାର ରୁ ଉର୍ଦ୍ଧ୍ୱ ବ୍ୟକ୍ତି ବିଶେଷଙ୍କ ସମାବେଶରେ ୪୦ ଜଣ ପାଷ୍ଟର ଓ ତାଙ୍କ ସହଧର୍ମିଣିମାନଙ୍କୁ ସମ୍ମାନିତ କରାଯାଇଥିଲା ।