18-Dec-2023

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ବୁଢ଼ୀପଦର ଗ୍ରାମର ସମାଜସେବୀ ଯୁଧିଷ୍ଠିର ପଧାନଙ୍କୁ ଟାଇମସ ୱାନ ଓଡ଼ିଆ ଚେନାଲ ପକ୍ଷରୁ ଭୁବନେଶ୍ୱର ସ୍ଥିତ ହୋଟେଲ ଏକ୍ସସେଲେନ୍ସୀ ଠାରେ ଶ୍ରେଷ୍ଠ ସଂଗଠକ ସମ୍ମାନ-୨୦୨୩ ରେ ସମ୍ମାନିତ କରାଯାଇଛି l କାର୍ଯ୍ୟକ୍ରମରେ ମଂଚାସୀନ ଅତିଥି ବିଧାୟକ ଦେବିପ୍ରସାଦ ମିଶ୍ର, ଜଟଣୀ ବିଧାୟକ ସୁର ରାଉତରାୟ, ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ମୁଖ୍ୟବକ୍ତା ବରିଷ୍ଠ ସାମ୍ବାଦିକ ଭବାନୀଶଙ୍କର ମହାପାତ୍ର ଓ ଟାଇମସ ୱାନ ଓଡ଼ିଆ ସମ୍ପାଦକ ଅକ୍ଷୟ କୁମାର ଚାନ୍ଦ ପ୍ରମୁଖ ଉପସ୍ଥିତ ଥିଲେ l ଯୁଧିଷ୍ଠିର ପଧାନ ଦେଶର ସୁରକ୍ଷା ପାଇଁ ୧୯୮୯ ରେ କେନ୍ଦ୍ରୀୟ ସୁରକ୍ଷା ବଳ ସି. ଆର. ପି. ଏଫ ରେ ଯୋଗ ଦେଇଥିଲେ l ସେଠରୁ ଫେରିବା ପରେ ୧୯୯୨ ମସିହାରେ ଓଡିଶା ପୋଲିସ ବାହିନୀରେ ସାମିଲ ହୋଇ ଦୁର୍ନୀତି ନିବାରଣ ବିଭାଗ, ଗୁଇନ୍ଦା ତଥା ପରିବହନ ବିଭାଗରେ ଗୁରୁତ୍ୱପୂର୍ଣ୍ଣ କାର୍ଯ୍ୟ ସମ୍ପାଦନ କରିଛନ୍ତି l ୨୦୨୧ ରେ ସ୍ବେଛାକୃତ ଅଵସର ନେବା ପରେ ନିଜ ଗାଁ ତଥା ନିଜ ଅଂଚଳର ଉନ୍ନତି ପାଇଁ ସବୁବେଳେ ସତ ଚେଷ୍ଟିତ l ଶ୍ରୀଯୁକ୍ତ ପଧାନଙ୍କ କାର୍ଯ୍ୟ ଓ ଦକ୍ଷତା ଅନେକ ଯୁବକଯୁବତୀଙ୍କୁ ସମାଜସେବା ତଥା ନିଜ ଅଂଚଳର ବିକାଶ ଦିଗରେ ପ୍ରେରଣା ଦେଇଆସିଛି ଯାହା ଫଳରେ ଆଜି ସେ ସମ୍ମାନିତ ହୋଇଛନ୍ତି l ଓଡିଶାର ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ବିଶିଷ୍ଟ ବ୍ୟକ୍ତି ମାନଙ୍କୁ ଏଠାରେ ସମ୍ମାନିତ କରାଯାଇଥିଲା l