16-Dec-2023

ବୋଡ଼େନ (ଡୋଲେସ୍ବର ଵାଗ): ବୋଡ଼େନ ବ୍ଲକର ବୋଇରଗାଁ ପଞ୍ଚାୟତ ଉଚ୍ଚ ବିଦ୍ୟାଳୟ ଠାରେ ବ୍ଲକସ୍ତରୀୟ ଶିଶୁ ଉତ୍ସବ ପାଳିତ ହୋଇଯାଇଛି। ଉଦଘାଟନୀ ସମାରୋହରେ  ପ୍ରଧାନ ଶିକ୍ଷକ ଦେବେନ୍ଦ୍ର ପ୍ରସାଦ ରଣା ଙ୍କ ସଭାପତିତ୍ବରେ ମୁଖ୍ୟ ଅତିଥି ଭାବେ ବୋଡ଼େନ ବ୍ଲକ ଅଧ୍ୟକ୍ଷା  ପ୍ରେମସିଲା ନାଗ ଯୋଗଦାନ କରିଥିବାବେଳେ ସମ୍ମାନିତ ଅତିଥି ଭାବେ ଜୋନ ନଂ ୧୦ ର ଜିଲ୍ଲା ପରିଷଦ ସଦସ୍ୟା ସୁରୁସିଂ ମାଝୀ, ବୋଇରଗାଁ ପଞ୍ଚାୟତ ସରପଞ୍ଚ ହିମାଦ୍ରି ଜଗତ, ପୂର୍ବତନ ଜିଲ୍ଲା ପରିଷଦ ସଭ୍ୟ ଶ୍ରୀକାନ୍ତ ସିଂମାଝୀ, ସ୍ଥାନୀୟ ବିଦ୍ୟାଳୟର ସଭାପତି ପର୍ଶୁରାମ ମାଝୀ, ମହମ୍ମଦ ସୋପିଆନ ପ୍ରମୁଖ ମଞ୍ଚାସୀନ ଥିଲେ । ସେହିପରି ଉଦଯାପନୀ ସମାରୋହରେ ଓଷ୍ଟା ସଂଘର ସମ୍ପାଦକ ରବୀନ୍ଦ୍ର ନାଥ ଯୋଶୀଙ୍କ ସଭାପତିତ୍ବରେ ନୂଆପଡ଼ା ଜିଲ୍ଲା ପରିଷଦ ଅଧ୍ୟକ୍ଷା ଡଲି ମାଝୀ ମୁଖ୍ୟ ଅତିଥି,  ମୁଖ୍ୟ ବକ୍ତା ଭାବେ ଅବସପ୍ରାପ୍ତ ଓଡ଼ିଆ ଅଧ୍ୟାପକ ରବିରଞ୍ଜନ ପ୍ରଧାନ ଏବଂ ସମ୍ମାନିତ ଅତିଥି ଭାବେ ଓଷ୍ଟା ସଭାପତି ବନବିହାରୀ ମେହେର, ଗୋଷ୍ଠୀ ଶିକ୍ଷା ଅଧିକାରୀ ଋଦ୍ରେଶ୍ୱର ମେହେର, ସିନାପାଲି ଓଷ୍ଟା ସଂଘ ସଭାପତି ସୁବାସ ଚନ୍ଦ୍ର ସାହୁ ଓ ସ୍ଥାନୀୟ ବିଦ୍ୟାଳୟର ପ୍ରଧାନ ଶିକ୍ଷକ ଦେବେନ୍ଦ୍ର ପ୍ରସାଦ ରଣା ପ୍ରମୁଖ ଅତିଥି ଭାବେ ମଞ୍ଚରେ ଅଳଙ୍କୃତ ଥିଲେ ।  ସଭାଟିକୁ ପ୍ରଭାସ ଚନ୍ଦ୍ର ଯୋଶୀ ପରିଚାଳନା କରିଥିବା ବେଳେ, ଫରସରା ହାଇ ସ୍କୁଲ ପ୍ରଧାନ ଶିକ୍ଷକ ସିମାଞ୍ଚଳ ଦାସ ଶିଶୁ ମହୋତ୍ସବର ଉଦ୍ଦେଶ୍ୟ ଜ୍ଞାପନ ଓ ଅତିଥି ପରିଚୟ ପ୍ରଦାନ କରିଥିଲେ। ଏହି ଶିଶୁ ଉତ୍ସବଟିକୁ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ ଓଷ୍ଟା ପକ୍ଷରୁ ଆୟୋଜନ କରାଯାଇଥିଲା, ଏଥିରେ ପ୍ରଧାନ ଶିକ୍ଷକ ଦେବେନ୍ଦ୍ର ପ୍ରସାଦ ରଣା, ସଶିଧର ରଣା, ପ୍ରଭାସ ଚନ୍ଦ୍ର ଯୋଶୀ, କାଶିରାମ ଦଣ୍ଡସେନା, ସଞ୍ଜୟ କୁମାର ଦାସ, ଲଳିତ ମୋହନ ନାଏକ, ଅବିଲ ମାଳି, ଖରତ ଖର୍ସେଲ,ଉମାଶଙ୍କର ପାଣ୍ଡେ, ଉପେନ୍ଦ୍ର ପାଣ୍ଡେ ପ୍ରମୁଖ ସହଯୋଗ କରିଥିଲେ।ଏହି ମହୋତ୍ସବରେ ବିଭିନ୍ନ ପ୍ରତିଯୋଗିତା କରାଯାଇଥିଲା ଏବଂ  ପ୍ରତିଯୋଗିତାରେ କୃତୀ ଛାତ୍ରଛାତ୍ରୀମାନଙ୍କୁ ମାନପତ୍ର ସହ ପୁରସ୍କାର ବିତରଣ କରାଯାଇଥିଲା।