07-Dec-2023

କଣ୍ଟାମାଳ (,ଜୟ କୁମାର ମହାରଣା)
 ସିଆରପିଏଫ ବାହିନୀ ତରଫରୁ କନ୍ଧମାଳ ଜିଲ୍ଲାର ଖମଣଖୋଲ ଠାରେ ସିଭିକ ଆକ୍ସନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଦ୍ୱିତୀୟ କମାଣ୍ଡେଣ୍ଟ ଅଧିକାରୀ ପ୍ରଶାନ୍ତ କୁମାର ମିଶ୍ର, ଆସିଷ୍ଟାଣ୍ଟ କମଣ୍ଡର ଯୁଗଲ କିଶୋର ମହାପାତ୍ର ଯୋଗଦେଇ ସ୍କୁଲ ଛାତ୍ରଛତ୍ରୀ ମାନଙ୍କୁ ବିଭିନ୍ନ ପ୍ରକାର ଖେଳ ସାମଗ୍ରୀ ଯେମିତିକି କ୍ରିକେଟ, ଭଲିବଲ୍, ଫୁଟବଲ  ଓ ବିଭିନ୍ନ ପ୍ରକାର କିଟ୍ ବଣ୍ଟନ କରାଯାଇଛି । ଏଥିରେ ରାଇକିଆ, ଖମଣଖୋଲ, ଲଣ୍ଡାଗାଁ ଅଞ୍ଚଳର ଶତାଧିକ ଛାତ୍ରଛାତ୍ରୀ ଯୋଗ ଦେଇଥିଲେ । ଅଞ୍ଚଳର ସରପଞ୍ଚ, ଶିକ୍ଷକ, ଶିକ୍ଷୟିତ୍ରୀ ଓ କ୍ୟାମ୍ପର ସମସ୍ତ ଯବାନ କାର୍ଯ୍ୟକ୍ରମରେ ଯୋଗଦେଇ  ସହଯୋଗ କରିଥିଲେ । ପ୍ରକାଶଯେ ୨୦୧୮ ମସିହା ଠାରୁ  ୬୪ ବାଟାଲିୟନ ସିଆରପିଏଫ କଳାହାଣ୍ଡି ଓ କନ୍ଧମାଳ ଜିଲ୍ଲାରେ ନକ୍ସଲ ବିରୋଧି ଅଭିଯାନର ଚଳାଇ ଆସୁଛନ୍ତି । ଖମଣଖୋଲ ଠାରେ ସିଆରପିଏଫ କ୍ୟାମ୍ପ ହେବା ଦ୍ଵାରା କନ୍ଧମାଳ, କଳାହାଣ୍ଡି, ବୌଦ୍ଧ ଓ ବଲାଙ୍ଗିର ଜିଲ୍ଲାର ସୀମାନ୍ତବର୍ତ୍ତି ଅଞ୍ଚଳରେ ନକ୍ସଲ ପ୍ରଭାବ ବହୁତ କମିଅଛି l ସିଆରପିଏଫ ଯବାନ ମାନଙ୍କ ତରଫରୁ ଅଞ୍ଚଲର ଜଙ୍ଗଲ ମାନଙ୍କରେ ବିଭିନ୍ନ ସମୟରେ ‍କମ୍ବିଙ୍ଗ ଅପରେସନ କରାଯାଉଛି । ଅଞ୍ଚଳର ଶାନ୍ତି ଶୃଙ୍ଖଳା ରକ୍ଷା କରିବା ସହିତ ଲୋକଙ୍କର ଦୈନନ୍ଦିନ ଜୀବନ ସହିତ ମଧ୍ୟ ଜଡିତ ଅଛି ସିଆରପିଏଫ ବାହିନୀ ।