06-Dec-2023

ବୌଦ୍ଧ(ଦୁର୍ଯ୍ଯୋଧନ ବିଶି ): ଜିଲ୍ଲା ପ୍ରେସ କ୍ଲବ ପକ୍ଷରୁ କଚେରୀ ଖେଳ ପଡିଆ ଠାରେ ଆୟୋଜିତ ପୁସ୍ତକ ମେଳରେ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି l ଅନୁଷ୍ଠାନର କାର୍ଯ୍ୟକାରୀ ସଭାପତି ପ୍ରଦୋଷ କୁମାର ମିଶ୍ରଙ୍କ ଅଧ୍ୟକ୍ଷତାରେ ଐତିହାସିକ ବୌଦ୍ଧଜିଲ୍ଲା ଓଡିଶା ପର୍ଯ୍ୟଟନ ମାନଚିତ୍ରରେ ଅବଦାନ ସମ୍ପର୍କରେ  ଆଲୋଚନା ହୋଇଥିଲା l ଗବେଷକ ବିଶ୍ୱେଶ୍ୱର ପୃଷ୍ଟି ବୌଦ୍ଧଜିଲ୍ଲାରେ ସର୍ବ ପୁରାତନ କୀର୍ତ୍ତିରାଜୀ, ବୈଷ୍ଣବ, ଶୈବ, ଶାକ୍ତ, ବୌଦ୍ଧ, ମହିମା ଧର୍ମ ଉପରେ ଆଲୋଚନା କରିଥିଲେ l ପ୍ରଚାର ପ୍ରସାର ଅଭାବରୁ ବୌଦ୍ଧଜିଲ୍ଲାରେ ରହିଥିବା ପର୍ଯ୍ୟଟନ ସ୍ଥଳିର ବିକାଶ ହୋଇପାରି ନାହିଁ l ଅଧ୍ୟାପକ ଲଳିତ କୁମାର ମେହେର ପର୍ଯ୍ୟଟନ କ୍ଷେତ୍ରର ବିକାଶ ହେଲେ ଅର୍ଥନୈତିକ ବିକାଶ ଘଟିବ, ଆଧ୍ୟାତ୍ମିକ, ପ୍ରାକୃତିକ, ସାଂସ୍କୃତିକ ପର୍ଯ୍ୟଟନ କ୍ଷେତ୍ର ଜିଲ୍ଲାରେ ଭରପୁର ରହିଛି l ମୁଖ୍ୟ ଅତିଥି ଭାବେ ଉପ ଜିଲ୍ଲାପାଳ ରବୀନ୍ଦ୍ର କୁମାର

କହଁର ଯୋଗଦାନ କରି ଜିଲ୍ଲାର ପର୍ଯ୍ୟଟନ କ୍ଷେତ୍ରର ବିକାଶ ପାଇଁ ସମସ୍ତଙ୍କର ଉଦ୍ୟମ ଆବଶ୍ୟକତା ରହିଛି ବୋଲି ଉପସ୍ଥାପନା କରିଥିଲେ l କ୍ଲବର ସମ୍ପାଦକ ରଘୁନାଥ ଷଡ଼ଙ୍ଗୀ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ ।ସାମ୍ବାଦିକ ଫୋରମ  ତରଫରୁ ସମ୍ପାଦକ ଯୁଗଳ ସାମଲ ଅତିଥିମାନଙ୍କୁ ସ୍ମାରକୀ ପ୍ରଦାନ କରିଥିଲେ । ଏଥିରେ ବୁଦ୍ଧିଜୀଵି, ଶିକ୍ଷାବିତ, ଲେଖକ ଓ ସାମ୍ବାଦିକମାନେ ଯୋଗ ଦେଇଥିଲେ ।