06-Dec-2023

(କେଶବ ମେହେର)
ଦିନକୁ ଦିନ ତ୍ରୁଟିପୁର୍ଣ ବର୍ଜ୍ୟ ଜଳର ପରିମାଣ ବୃଦ୍ଧି ପାଇବାରେ ଲାଗିଛି I ତେଣୁ ଏହି ବର୍ଜ୍ୟଜଳର ସୁବିନିଯୋଗ କରା ନ ଗଲେ , ଏହା ଯୋଗୁଁ ପ୍ରଦୂଷଣର ମାତ୍ରା ବୃଦ୍ଧି ପାଇବ I ତେଣୁ ଏହି ବର୍ଜ୍ୟଜଳକୁ ପୁନଃବିନିଯୋଗ କରିବା ପାଇଁ ରାଜ୍ୟ ସରକାର ଉଦ୍ୟମ ଆରମ୍ଭ କରିଛନ୍ତି I ତେଣୁ ଏହି ଯୋଜନାକୁ ସଠିକ ଭାବେ କାର୍ଯ୍ୟକାରୀ କରିବା ପାଇଁ ଗୃହନିର୍ମାଣ ଓ ନଗର ଉନ୍ନୟନ ବିଭାଗ , ଓଡିଶା , ସରକାରଙ୍କ ତରଫରୁ " ଗ୍ରେ ୱାଟର ପରିଚାଳନା " ସମ୍ପର୍କିତ ଏକ କର୍ମଶାଳା ଟାଉନ ହଲ ଠାରେ ଭବାନୀପାଟଣା ପୌରପାଳିକା ଦ୍ୱାରା ଅନୁଷ୍ଠିତ ହୋଇଯାଇଅଛି I ଏହି ପରିଚାଳନା ତାଲିମ କାର୍ଯ୍ୟକ୍ରମରେ ଭବାନୀପାଟଣା ପୌରପାଳିକା ଅଧ୍ୟକ୍ଷା ଶ୍ରୀମତୀ ସଂଯୁକ୍ତI ବେହେରାଙ୍କ ପୌରହିତ୍ୟରେ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି I  ଏହି ଦକ୍ଷତା ବିକାଶ କାର୍ଯ୍ୟକ୍ରମରେ ଗୃହନିର୍ମାଣ ଓ ନଗର ଉନ୍ନୟନ ବିଭାଗ  , ଓଡିଶା, ସରକାରଙ୍କ ଅତିରିକ୍ତ ସଚିବ ଶ୍ରୀ ଯୁକ୍ତ ସୁଶାନ୍ତ କୁମାର ମିଶ୍ର, ଶ୍ରୀଯୁକ୍ତ ମୁନିନ୍ଦ୍ର ହୁଙ୍ଗI , ପ୍ରକଳ୍ପ ନିର୍ଦ୍ଦେଶକ , ଜିଲ୍ଲା ସହରାଞ୍ଚଳ ଉନ୍ନୟନ ସଂସ୍ଥା , କଳାହାଣ୍ଡି ,  କେସିଙ୍ଗା ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ନୃପରାଜ ଯାଦବ , ଜୁନାଗଡ ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ଶ୍ରୀଯୁକ୍ତ ମୁକେଶ ଅଗ୍ରୱାଲ, ଧର୍ମଗଡ ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ଅଶୋକ ମହାନ୍ତି ଯୋଗଦେଇ ବର୍ଜ୍ୟ ପରିଚାଳନା କାର୍ଯ୍ୟ ସଠିକ ଓ ଦକ୍ଷତାର ସହ ପରିଚାଳନା ସହରାଞ୍ଚଳର ବିଭିନ୍ନ କାର୍ଯ୍ୟକ୍ରମର ଉଦ୍ଦେଶ୍ୟ , ଲକ୍ଷ୍ୟ ସମ୍ବନ୍ଧରେ ଆଲୋଚନା କରିଥିଲେ I ମିଶନ ଶକ୍ତି ଗୋଷ୍ଠୀ ଓ ବସ୍ତିବାସିନ୍ଦା ସଂଘ ବିଭିନ୍ନ କାର୍ଯ୍ୟକ୍ରମରେ ସକ୍ରିୟ ଅଂଶ ଗ୍ରହଣ କରି ଅତି ସହଜ ଓ ସରଳ ଭାବରେ କାର୍ଯ୍ୟ ପରିଚାଳନା କରିପାରିବେ , ସେ ସମ୍ବନ୍ଧରେ ଗୁରୁତ୍ୱାରୋପ କରିଥିଲେ I 

 I

ଅନ୍ୟମାନଙ୍କ ମଧ୍ୟରେ ଭବାନୀପାଟଣା ପୌରପାଳିକା ନିର୍ବାହୀ ଅଧିକାରୀ ଡ଼. ସତ୍ୟସମ୍ପର୍ଣ୍ଣଇ ରାଉତ, କେସିଙ୍ଗା ବିଜ୍ଞାପିତ ଅଞ୍ଚଳ ପରିଷଦର ନିର୍ବାହୀ ଅଧିକାରୀ ସୁଶ୍ରୀ କିରଣ ବେହେରା , ଜୁନାଗଡ ବିଜ୍ଞାପିତ ଅଞ୍ଚଳ ପରିଷଦର ନିର୍ବାହୀ ଅଧିକାରୀ ଶ୍ରୀଯୁକ୍ତ ପ୍ରେମଲାଲ ହିଆଲ , ଧର୍ମଗଡ ବିଜ୍ଞାପିତ ଅଞ୍ଚଳ ପରିଷଦର ନିର୍ବାହୀ ଅଧିକାରୀ ଶ୍ରୀଯୁକ୍ତ ଜୟସେନ ଧାରୁଆ , ଭବାନୀପାଟଣା ପୌରପାଳିକାର ସମସ୍ତ କାଉନସିଲର , ସମସ୍ତ  ବିଜ୍ଞାପିତ ଅଞ୍ଚଳ ପରିଷଦରୁ ଆସିଥିବା କାଉନସିଲର , ମୁକ୍ତI କର୍ମକର୍ତ୍ତା, ସାନିଟେସନ ଏକ୍ସପର୍ଟ,ସ୍ୱଚ୍ଛ ସାଥି, ସ୍ୱଚ୍ଛ ସୁପର ଭାଇଜର ମିଶନ ଶକ୍ତି ଗୋଷ୍ଠୀ ଯୋଗଦେଇ ବର୍ତ୍ତମାନ ସମୟରେ ଉପଯୁକ୍ତ ବର୍ଜ୍ୟ ପରିଚାଳନା କେବଳ ପରିବେଶ ଅବକ୍ଷୟ ଓ ସ୍ୱାସ୍ଥ୍ୟ ପ୍ରତି ବିପଦ ସହିତ ଜଡିତ ନୁହେଁ, ବରଂ ଏହା ବର୍ଜ୍ୟଜଳ ପରିବର୍ତ୍ତେ ମୂଲ୍ୟବାନ ସମ୍ବଳର ଉତ୍ସ ଭାବେ ମଧ୍ୟ ପରିଗଣିତ ହେଉଛି I ଵର୍ଜ୍ୟଜଳ ପୁନଃବ୍ୟବହାର କେବଳ କୃଷି କାର୍ଯ୍ୟରେ ବ୍ୟବହୃତ ଗଛିତ ପାନୀୟଜଳ ଖର୍ଚ୍ଚକୁ ହ୍ରାସ କରେ ନାହିଁ  ବରଂ ଏହା ଖାଦ୍ୟ ସୁରକ୍ଷାକୁ ମଧ୍ୟ ବୃଦ୍ଧି କରିଥାଏ I ଏହା ବ୍ୟତୀତ ଜନସ୍ୱାସ୍ଥ୍ୟରେ ଉନ୍ନତି ଆଣିଥାଏ I ତେଣୁ ଗ୍ରେ -ୱାଟର ମ୍ୟାନେଜମେଣ୍ଟ ଆବଶ୍ୟକତାକୁ ଦୃଷ୍ଟିରେ ରଖି ଓଡିଶା ସରକାର ଗ୍ରେ- ୱାଟର ପରିଚାଳନା କାର୍ଯ୍ୟ ଓଡ଼ିଶାର ସମସ୍ତ ପୌରାଞ୍ଚଳରେ କାର୍ଯ୍ୟକାରୀ କରିବାକୁ ନିର୍ଦ୍ଦେଶଜାରି  କରିଛନ୍ତି I  ଗ୍ରେ-ୱାଟର ପରିଚାଳନା କାର୍ଯ୍ୟ ସଠିକ ଓ ଦକ୍ଷତାର ସହ ପରିଚାଳନା କରିବା ନିମନ୍ତେ ସରକାର କାର୍ଯ୍ୟରେ ସମ୍ପୃକ୍ତ ଥିବା ସମସ୍ତ ଅଧିକାରୀ , ନିର୍ବାଚିତ ଲୋକ ପ୍ରତିନିଧି ଓ କାର୍ଯ୍ୟକର୍ତ୍ତାଙ୍କ ଦକ୍ଷତା ବୃଦ୍ଧି କାର୍ଯ୍ୟକ୍ରମ ଆରମ୍ଭ କରିଛନ୍ତି I ଏଥି ନିମନ୍ତେ ବିଭାଗର ବରିଷ୍ଠ ଅଧିକାରୀଙ୍କୁ ମେଣ୍ଟର ଭାବରେ ନିଯୁକ୍ତି କରାଯାଇଛି I ଯେଉଁମାନେ ଆବଶ୍ୟକତା ଅନୁସାରେ ପୌରସଂସ୍ଥାକୁ ବୈଷୟିକ ସହାୟତା ପ୍ରଦାନ କରିବେ I ଆଜିର ଏହି ତାଲିମ ଶିବିରକୁ ଭବାନୀପାଟଣା  ପୌରପାଳିକାର  ନିର୍ବାହୀ ଅଧିକାରୀ ଡ଼. ସତ୍ୟ ସମ୍ପର୍ଣ୍ଣI ରାଉତ ପରିଚାଳନା କରିଥିଲେ