04-Dec-2023

ତୁରେକେଲା (ପୁର୍ଣ୍ଣ ଶଶୀ ଶେଖର ରାଓ) : ଆଜି ବଲାଙ୍ଗିର ଜିଲ୍ଲା ତୁରେକେଲା ରେ ଥିବା ରାଜୀବ ଗାନ୍ଧୀ ପଞ୍ଚାୟତ ସମିତି ମହାବିଦ୍ୟାଳୟ ଠାରେ ସମନ୍ଵିତ ଯୁବ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆମ ଓଡ଼ିଶା ନବୀନ ଓଡ଼ିଶା ର ଷଷ୍ଠ ଦିବସ ହୋଇଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ହାଜି ଅହମ୍ମଦ ଆୟୁବ ଖାଁ ଯୋଗ ଦେଇଥିଲେ। ସମ୍ମାନୀତ ଅତିଥି ଭାବେ କଣ୍ଟାବାଞ୍ଜି ରେଞ୍ଜର ଶ୍ରଦ୍ଧାକର ବଡମାଳୀ ଏବଂ ସମାଜସେବୀ ଉନ୍ନି କିଶନ ନାୟାର ମଞ୍ଚାସୀନ ଥିଲେ। ମହାବିଦ୍ୟାଳୟର ଅଧ୍ୟକ୍ଷ ଅଶ୍ବିନୀ କୁମାର ମେହେରଙ୍କ ସଭାପତିତ୍ବରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆଜି ଭଲିବଲ, ବ୍ୟାଡମିଣ୍ଟନ, ଲମ୍ବ ଡ଼ିଆଁ ଖେଳରେ ଉଭୟ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ପୂର୍ବରୁ ଅନୁଷ୍ଠିତ ହୋଇସାରିଥିବା କ୍ୟାରେମ ପ୍ରତିଯୋଗିତା, ୧୦୦ ମିଟର ୨୦୦ ମିଟର ୪୦୦ ମିଟର ୮୦୦ ମିଟର ଦୌଡ, ଗୋଳା ଫିଙ୍ଗା, ଡିସକସ ଥ୍ରୋ, ଜ୍ୟାଭଲିନ ଥ୍ରୋ

ଆଦି ଖେଳରେ ବିଜୟୀ ହୋଇଥିବା ଛାତ୍ରଛାତ୍ରୀ ମାନଙ୍କୁ ମୁଖ୍ୟ ଅତିଥି ଦ୍ବାରା ପୁରସ୍କୃତ କରାଯାଇଛି। ଉକ୍ତ କାର୍ଯ୍ୟକ୍ରମରେ ଅଧ୍ୟାପକ ମୃତ୍ୟୁଞ୍ଜୟ ପାଣିଗ୍ରାହୀ ସଭା ପରିଚାଳନା କରିଥିଲେ।ଅଧ୍ୟାପକ ପ୍ରଶାନ୍ତ ମେହେର, ଶ୍ରୀମତୀ ଶ୍ରାବଣୀ ବାରିକ, ରୁଦ୍ରମଣୀ ମେହେର, ଯୁଗଳ ପଟେଲ, ଘନଶ୍ୟାମ ମେହେର, ବେଣୁପାଣୀ କୁମ୍ଭାର, ସଞ୍ଜୟ ପାଣିଗ୍ରାହୀ, ସନ୍ତୋଷ ଛତ୍ରିଆ ପ୍ରମୁଖ ସକ୍ରିୟ ଭାବେ ସହଯୋଗ କରିଥିଲେ। ଖେଳାଳୀ ମାନଙ୍କୁ ତଦାରଖ କରିବା ପାଇଁ ଶିକ୍ଷକ ପ୍ରବୀର କୁମାର ସାହୁ, କୃଷ୍ଣଚନ୍ଦ୍ର ବାରିକ,  କ୍ଷୀରଚନ ନାଏକ ଦାୟିତ୍ଵ ତୁଲାଇଥିଲେ।ପରି ଶେଷରେ ନୋଡାଲ ଅଫିସର୍  ମାନସ କୁମାର ନାଗ ଧନ୍ୟବାଦ ଅର୍ପଣ କରିଥିଲେ।