02-Dec-2023

ବଲାଙ୍ଗିର(ପ୍ରେରଣା ଖବର) ଜାତୀୟ କ୍ରୀଡାରେ ପଦକ ହାସଲ କରିଥିବା ଓଡ଼ିଶା ଲନ୍ ବଲ ଖେଳାଳୀ ମାନଙ୍କୁ ନାଗରିକ ସମ୍ବର୍ଦ୍ଧନା ଜ୍ଞାପନା କରାଯାଇଛି । ପଦକ ହାସଲ କରିଥିବା ଖେଳାଳୀ କୈଳାସ ମାଝୀ, ନରସିଂହ ରଣା, ସୌମ୍ୟରଂଜନ ମହାରଣା, ଲଳିତ କୁମାର ଶର୍ମା, ବିଷ୍ଣୁପ୍ରିୟା ବହିଦାର, ପଦ୍ମାସିନୀ ପଟେଲ, ରାଜେଶ୍ୱରୀ ସେଠ, ରୋଶନୀ ସାହୁଙ୍କୁ ସହରର ବିଭିନ୍ନ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ଏହି କାର୍ଯ୍ୟକ୍ରମରେ ପୂର୍ବତନ ସାଂସଦ ତଥା ଷ୍ଟେଟ୍ ହାଉସିଂ ବୋର୍ଡ ଅଧ୍ୟକ୍ଷ କଳିକେଶ ନାରାୟଣ ସିଂଦେଓ, ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ, ବଲାଙ୍ଗୀର ପୌରାଧ୍ୟକ୍ଷା ଲିକା ସହୁ, ସଦର ବ୍ଲକ ଅଧ୍ୟକ୍ଷା ସରିତା ବାଗ, ଜିଲ୍ଲା କ୍ରୀଡା ଅଧିକାରୀ ପରାଶର ବାଗ ଅତିଥି ଭାବରେ ମଂଚାସୀନ ରହି ଖେଳାଳୀ ମାନଙ୍କୁ ସମ୍ବର୍ଦ୍ଧିତ କରିଥିଲେ । ରାଜ୍ୟ ଲନ୍ ବଲ ସଂଘର ସଂପାଦକ ସୁମିତ ରଂଜନ ପୁରୋହିତ କାର୍ଯ୍ୟକ୍ରମ ପରିଚାଳନା କରିଥିଲେ । କାର୍ଯ୍ୟକ୍ରମରେ ଜିଲ୍ଲା ନାଗରିକ କମିଟି, ଷ୍ଟେଟ ୟୁନିୟନ ଅଫ୍ ଜର୍ଣ୍ଣାଲିଷ୍ଟ, ଜିଲ୍ଲା ସାମ୍ବାଦିକ ସଂଘ, ଜିଲ୍ଲା ନାଗରିକ କଲ୍ୟାଣ ମହାସଂଘ, ଜିଲ୍ଲା ଲେଖକ ପରିଷଦ, ପୂର୍ବତନ ସୈନିକ ସଂଘ, ବଲାଙ୍ଗୀର ଏକ୍ସନ କମିଟି, ଜିଲ୍ଲା କ୍ରୀଡା ଛାତ୍ରାବାସ, ବିଙ୍ଗ ହ୍ୟୁମେନ୍ ଫାଉଣ୍ଡେସନ, ଜିଲ୍ଲା ପିଇଟି ସଂଘ, ଜିଲ୍ଲା ସନ୍ତରଣ ସଂଘ, ବ୍ରାହ୍ମଣ ମହାସଂଘ, ଜିଲ୍ଲା ଅଶି ଚାଳନା ସଂଘ, ଜେଏସ୍‌ଏମ୍ କଲେଜ ଓ ଜିଲ୍ଲା ରାଇଫଲ ସଂଘର କର୍ମକର୍ତ୍ତା ମାନେ ଉପସ୍ଥିତ ରହି ଖେଳାଳୀ ମାନଙ୍କୁ ସମ୍ବର୍ଦ୍ଧିତ କରିଥିଲେ ।