01-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସଦର ଗାଁ ଶ୍ରୀ ଜଗନ୍ନାଥ ମନ୍ଦିର ଠାରୁ ଆଜି ସକାଳ ୧୦ ଘଣ୍ଟା ସମୟରେ ଶ୍ରୀ ଜଗନ୍ନାଥ ଲୀଳା ମହୋତ୍ସବ ରଥ କୁ କଣ୍ଟାମାଳ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ମହୀଧର ରଣା ସବୁଜ ପତାକା ଦେଖାଇ ଯାତ୍ରାର ଶୁଭାରମ୍ଭ କରିଥିଲେ  l  ଘଣ୍ଟ ଘଣ୍ଟି ଶଙ୍ଖ ଧ୍ଵନି ସହ ମହିଳାମାନଙ୍କ ହୁଳହୁଳି ଓ ଜୟ ଜଗନ୍ନାଥ ଡାକ ସହ ଏକ

ଆଧ୍ୟାତ୍ମିକ ପରିବେଶ ମଧ୍ୟରେ ରଥlରୁଢ଼ ତିନିଠାକୁର ଙ୍କ ପୂଜାର୍ଚନା ପରେ ପବିତ୍ର ରଥଯାତ୍ରାର ଶୁଭାରମ୍ଭ ବିଧାୟକ ଶ୍ରୀ ରଣାଙ୍କ କରକମଳରେ ହୋଇଛି l  ଗୌରୀ ଗୋପାଳ ସେବାଶ୍ରମ ଟ୍ରଷ୍ଟ, ବୌଦ୍ଧ ଦ୍ୱାରା ଆସନ୍ତା ୨୧ ତାରିଖ ଠାରୁ ୨୬ ତାରିଖ ପର୍ଯ୍ୟନ୍ତ ଛଅ ଦିନ ଧରି ବୌଦ୍ଧ ଶ୍ରୀଜଗନ୍ନାଥ ମନ୍ଦିର ପ୍ରାଙ୍ଗଣରେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ଲୀଳା ମହୋତ୍ସବ ର ଆୟୋଜନ କରାଯାଇଛି  l  ମହୋତ୍ସବ ରେ ମହାପ୍ରଭୁ ଚତୁର୍ଦ୍ଧା ମୂରତିଙ୍କ ଦୁର୍ଲଭ ୩୨ ବେଶ ଦର୍ଶନ କରିବାର ସୁଯୋଗ ମିଳିବ l  ପ୍ରଭୁ ଶ୍ରୀ ଜଗନ୍ନାଥଙ୍କ ମହିମା ଓ ଲୀଳା ଖେଳା ସମ୍ପର୍କରେ ଲୋକଙ୍କ ମଧ୍ୟରେ ଜଗନ୍ନାଥ ଭାବ ଜାଗ୍ରତ ପାଇଁ ଏହି ରଥ ଜିଲ୍ଲାର ସମସ୍ତ ଜଗନ୍ନାଥ ମନ୍ଦିର ପରିଭ୍ରମଣ କରିବାକୁଥିବା ବେଳେ ଆଜି କଣ୍ଟାମାଳ ଶ୍ରୀ ଜଗନ୍ନାଥ ମନ୍ଦିରରୁ ଏହାର ଶୁଭାରମ୍ଭ ହୋଇଛି l  ମନ୍ଦିର ପୂଜକ ଆନନ୍ଦ ମିଶ୍ର ପୂଜା ଦାୟିତ୍ୱ ତୁଲାଇ ଥିବା ବେଳେ ରଘୁନାଥ ମହାପାତ୍ର ସହଯୋଗ କରିଥିଲେ  l  ଅନ୍ୟମାନଙ୍କ ମଧ୍ୟରେ ଗୌରୀ ଗୋପାଳ ସେବାଶ୍ରମ ଟ୍ରଷ୍ଟ ସଭାପତି ଆଦିତ୍ୟ ପରିଡା, ଟୁନୁରାମ ଆଗ୍ରୱାଲ, ରାମେଶ୍ୱର ଅଗ୍ରୱାଲ, ଲଷ୍ମୀଧର ବେହେରା,

ପ୍ରମୋଦ କୁମାର ପ୍ରଧାନ,ପ୍ରେମରାଜ ରଣା ପ୍ରମୁଖ ଉପସ୍ଥିତ ଥିବାବେଳେ କଣ୍ଟାମାଳ ଜଗନ୍ନାଥ ମନ୍ଦିର କମିଟି ର ଲକ୍ଷ୍ମଣ ସାହୁ, ଗୌରହରି ବାଘ କୈଳାଶ ଛତ୍ରିଆ ସମେତ ଅନ୍ୟ ସଦସ୍ୟମାନେ କାର୍ଯ୍ୟକ୍ରମ ପରିଚାଳନା କରିଥିଲେ  l  ଏହି ଅବସରରେ 21ରୁ 26ତାରିଖ ପର୍ଯ୍ୟନ୍ତ ପ୍ରତ୍ୟେହ ଶ୍ରୀଜଗନ୍ନାଥ କଥାମୃତ ଓ ଶ୍ରୀକ୍ଷେତ୍ର ଆନନ୍ଦ ବଜାର ବ୍ୟବସ୍ଥା ହୋଇଥିବା ଆୟୋଜକ ସଚ୍ଚିଦାନନ୍ଦ ପ୍ରଧାନ ପ୍ରକାଶ କରିଛନ୍ତି  l