30-Nov-2023

ଲୋଇସିଂହା, (ପ୍ରେରଣା ଖବର) ଲୋଇସିଂହା ନିକଟସ୍ଥ ବୁର୍ଡl ଡାକବଙ୍ଗଳା ଠାରେ ଲୋଇସିଂହା ନିର୍ବାଚନ ବିଜୁ ଜନତା ଦଳର କର୍ମୀ ଭାବରେ ସ୍ୱାଭିମାନ ମଞ୍ଚ ମଣ୍ଡଳୀ ବିଜେଡି କର୍ମକର୍ତ୍ତା ଙ୍କୁ ନେଇ ସ୍ୱାଭିମାନ ମଞ୍ଚ ତଥା ଛାଡ଼ଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ବରିଷ୍ଠ ବିଜେଡି କର୍ମୀ ତଥା ବୁର୍ଡl ଗ୍ରାମପଞ୍ଚାୟତ ପୂର୍ବତନ ସରପଞ୍ଚ ସହଦେଵ ସା ଙ୍କ ସଭାପତିତ୍ୱ ରେ ସଭାକାର୍ଯ୍ୟ ଆରମ୍ଭ ହୋଇଥିବା ବେଳେ ସଭା ପରିଚାଳନା କରିଥିଲେ ଆଗଲପୁର ବ୍ଲକ ର ପୂର୍ବତନ ଏମ ପି ପ୍ରତିନିଧି ପ୍ରବୀର ଭୋଇ l ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରହଲ୍ଲାଦ ସୁନା,ଜଗବନ୍ଧୁ ପଧାନ, ସମ୍ପତି ନନ୍ଦ, ସ୍ୱାଭିମାନ ମଞ୍ଚ ସଭାପତି ସୀତାକାନ୍ତ ସାଏ,ଅବସରପ୍ରାପ୍ତ ଶିକ୍ଷକ ହୃଷିକେଶ ଭୋଇ ବରିଷ୍ଠ ବିଜେଡି କର୍ମୀ କୀର୍ତ୍ତନ ଥପ୍ପା, ନବକିଶୋର ନାଏକ, ଶେଷଦେବ ପାଢ଼ୀ, ଶଶୀ ଶର୍ମା, ସମୀର ସାହୁ, ସମୀର ବିଶ୍ୱାଳ, ଅନନ୍ତ ସାହୁ, ପୂର୍ବତନ ସରପଞ୍ଚ ରାଧାନାଥ ବିଶ୍ୱାଳ, ସୁବଳ ଖମାରୀ, ନିଜ ନିଜ ବକ୍ତବ୍ୟ ରେ ମଂଚାସୀନ ଅତିଥି ମାନେ ବର୍ତମାନ ସମସ୍ତେ ଏକଜୁଟ ହୋଇ ବିଜେଡି ସଂଗଠନ କୁ ମଜବୁତ କରିବା ସହିତ ପୂର୍ବତନ ଲୋଇସିଂହା ବିଧାୟକ ତଥା ମନ୍ତ୍ରୀ ଯୋଗେନ୍ଦ୍ର ବେହେରା ଓ ବର୍ତମାନ ବିଜେଡି ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା ଙ୍କ ଉପରେ ଅସନ୍ତୋଷ ପ୍ରକାଶ କରିବା ସହିତ ସମାଲୋଚନା କରିଥିଲେ l

ବର୍ତମାନ ବିଜେଡି ସଂଗଠନ ନାରେ ଠିକା ବିକା ଚାଲିବା ସହ ଅପବ୍ୟବହାର କରାଯାଉଛି ବୋଲି ମତ ଦେଇଥିଲେ l ଆଗାମୀ ସାଧାରଣ ନିର୍ବାଚନ ରେ ବିଜେଡି ରୁ ଲୋଇସିଂହା ବିଧାୟକ ଭାବରେ ଯଦି ନିହାର ରଞ୍ଜନ ବେହେରା ଙ୍କୁ ଟିକେଟ ଦିଆଯାଏ ତାହେଲେ ସ୍ୱାଭିମାନ ମଞ୍ଚ ତୀବ୍ର ବିରୋଧ କରିବ ବୋଲି ସଭାରେ ସ୍ୱାଭିମାନ ମଞ୍ଚ ଉପସ୍ଥିତ କର୍ମକର୍ତ୍ତା ଚେତାବନୀ ଦେଇଛନ୍ତି l ତା ସହିତ  ଆଗାମୀ ଦିନରେ ମୁଖ୍ୟମନ୍ତ୍ରୀ ଙ୍କ ନୀତି ଆଦର୍ଶ ସହିତ ପୂର୍ବତନ ବଲାଙ୍ଗୀର ସାଂସଦ କଳିକେଶ ନାରାୟଣ ସିଂଦେଓ ଙ୍କ ସହିତ ସଂଗଠକ କୁ ମଜବୁତ କରିବା ପାଇଁ ସ୍ଥିର ହୋଇଥିଲା l  ଉକ୍ତ କାର୍ଯ୍ୟକ୍ରମ ରେ ଲୋଇସିଂହା, ପୁଇଁତଲା ଓ ଆଗଲପୁର ବ୍ଲକ ର ଶତାଧିକ ବିଜେଡି କର୍ମୀ ଉପସ୍ଥିତ ଥିଲେ l