29-Nov-2023

ବଲାଙ୍ଗୀର(ଚିତ୍ରସେନ ବେହେରା ): -ବିଜେଡିର ୨୪ ବର୍ଷର ଶାସନ ମଧ୍ୟରେ ରାଜ୍ୟରେ ବେକାରୀ ସମସ୍ୟା, ଦାଦନ ଶ୍ରମିକ ସମସ୍ୟା ଉତ୍କଟ ରୂପ ଧାରଣ କରିଛି । ବିଶେଷ କରି ପଶ୍ଚିମ ଓଡ଼ିଶା ପ୍ରତି ସରକାରଙ୍କ ମୈମାତୃକ ମନୋଭାବ ପୋଷଣ ଯୋଗୁଁ ଶିକ୍ଷା, ସ୍ୱାସ୍ଥ୍ୟ ଓ କୃଷି କ୍ଷେତ୍ର ରେ ଏ ଅଂଚଳ ପଛୁଆ ହୋଇ ପଡିଛି । ଶିଳ୍ପବିହୀନ ବଲାଙ୍ଗୀର ପରି ଜିଲ୍ଲାରେ ଦେଓଗାଁ ସ୍ଥିତ ବିଜୟାନନ୍ଦ ଚିନି କାରଖାନା ଦୀର୍ଘ ବର୍ଷ ହେଲା ବନ୍ଦ ହୋଇ ପଡିଛି । ଏହାକୁ ପୁନଃକାର୍ଯ୍ୟକ୍ଷମ କରିବା ଦିଗରେ ସରକାରଙ୍କ ଆନ୍ତରିକାତ ନାହିଁ । ବଲାଙ୍ଗୀରରେ ରାଜେନ୍ଦ୍ର କେଲଜ ଓ ମହିଳା ମହାବିଦ୍ୟାଳୟରେ ଶିକ୍ଷକ ଓ ଅଣଶିକ୍ଷକ ପଦବୀର ଘୋର ଅଭାବ ଯୋଗୁଁ ଶିକ୍ଷାଦାନ ଏକ ପ୍ରକାର ଠପ୍ ହୋଇପଡିଛି । ତେଣୁ ରାଜ୍ୟରେ ଖାଲି ପଡିଥିବା ୨ଲକ୍ଷ ୨୬ହଜାର ପଦବୀକୁ  ସରକାର ନିର୍ଦ୍ଦିଷ୍ଟ ସମୟସୀମା ମଧ୍ୟରେ

ପୂରଣ କରନ୍ତୁ ବୋଲି ଜିଲ୍ଲା ଛାତ୍ର କଂଗ୍ରେସ ଦାବି କରିଛି ।  ଖଣିଜ ସଂପଦ ର୍ ଓ କେନ୍ଦୁପତ୍ର ରୁ ରାଜ୍ୟ ସରକାର ବିପୁଳ ରାଜସ୍ୱ ଆଦାୟ କରୁଥିବା ବେଳେ ଏ ଅଂଚଳ ପ୍ରତି ଅସୂୟା ମନୋଭାବକୁ ଦୃଢ଼ ନିନ୍ଦ କରିଛି ଜିଲ୍ଲା ଛାତ୍ର କଂଗ୍ରେସ । ଆଜି ଜିଲ୍ଲା ଛାତ୍ର କଂଗ୍ରେସ ପକ୍ଷରୁ ରାଜ୍ୟ ମୁଖ୍ୟମନ୍ତ୍ରୀଙ୍କ ଜରିଆରେ ଏକ  ୯  ଦଫା ଦାବିପତ୍ର ବଲାଙ୍ଗୀର ଜିଲ୍ଲାପାଳଙ୍କୁ  ପ୍ରଦାନ କରାଯାଇଛି । ଦାବିପତ୍ର ପ୍ରଦାନ ସମସୟରେ ଜିଲ୍ଲା ଛାତ୍ର କଂଗ୍ରେସର ଶତାଧିକ କର୍ମକର୍ତ୍ତା, କଲେଜ ଛାତ୍ରଛାତ୍ରୀ ଓ କଂଗ୍ରେସ କର୍ମୀ ମାନେ ସାମିଲ ଥିଲେ ।