29-Nov-2023

ବଲାଙ୍ଗିର, (ପ୍ରେରଣା ଖବର ), ୨୯ /୧୧ : ଆଜି ଜିଲ୍ଲାପାଳ ଶ୍ରୀ ଚଞ୍ଚଲ ରାଣା ବିକଶିତ ଭାରତର ସଂକଳ୍ପ ଯାତ୍ରା ରଥ ଶୁଭାରମ୍ଭ କରିଛନ୍ତି | ସ୍ଥାନୀୟ ଜିଲ୍ଲା ପଞ୍ଚାୟତ ସଂଶାଧନ କେନ୍ଦ୍ରରେ ରଥର ନୋଡାଲ ଅଫିସର ଜିଲ୍ଲାପରିଷଦ ମୁଖ୍ୟ ଉନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ସୁଶାନ୍ତ ସିଂ ଙ୍କ ସହ ସବୁଜ ପତାକା ଦେଖେଇ ଏହି ରଥ କୁ ଉଦଘାଟନ କରିଥିଲେ |

ବିକଶିତ ଭାରତର ସଂକଳ୍ପ ପାଠ କରିବା ସହ ଭାରତକୁ ୨୦୪୭ସୁଧା ବିକଶିତ ଏବଂ ଆତ୍ମନିର୍ଭର କରିବାକୁ ଶପଥ ପାଠ କରେଇଥିଲେ | ଭାରତର ଏକତାକୁ ସୁଦୃଢ କରେଇବା ସହ କିପରି ଉତ୍ତମ ନାଗରିକ ହେଇପାରିବେ ସେ ବିଷୟରେ ସମସ୍ତେ ସଂକଳ୍ପ ନେଇଥିଲେ | 

ଏହି ଗାଡି ଦିନକୁ ୩ଟି ଗ୍ରାମପଞ୍ଚାୟତ ବୁଲିବାସହ କେନ୍ଦ୍ର ସରକାରଙ୍କ ବିଭିନ୍ନ ଉନୟନ ମୂଳକ ଯୋଜନା ଲୋକୋଙ୍କ ପାଖକୁ ପହଞ୍ଚେଇବ | ରଥ ଉଦଘାଟନ ଉପଲକ୍ଷେ କୃଷି, ସଞ୍ଚୟ, ବ୍ୟାଙ୍କସେବା , ଉଜ୍ଜ୍ଵଳା ଗ୍ୟାସ,ପ୍ରଧାନ ମନ୍ତ୍ରୀ ଆବାସ ଯୋଜନା, ସ୍ଵଚ୍ଚ ଭାରତ ମିସନ,ସ୍ୱାସ୍ଥ୍ୟ ସେବା ଆଦି ବିଷୟରେ ଯୋଜନା ସମ୍ବର୍ଦ୍ଧିତ ଭିଡିଓ ବାର୍ତ୍ତା ପ୍ରଦର୍ଶିତ କରାଯାଇଥିଲା | ଉଦଘାଟନ ଉତ୍ସବରେ ଏପିଡି ତରଣୀ ସୁନା, ଅରମାସ ସିଇଓ କମଲେନ୍ଦୁ ପାଲ,ବଲାଙ୍ଗିର ବିଡିଓ ଶରତ ଶେଠୀ ପ୍ରମୁଖ ଉପସ୍ଥିତ ଥିଲେ |