28-Nov-2023

କଳାହାଣ୍ଡି,କୋକସରା (ତ୍ରିନାଥ ବେଶ୍ରା )
ରବି ଚାଷ ପାଇଁ ଚାଷ ଜମିକୁ ପାଣି ଦାବିକରି ଆଜି କଳାହାଣ୍ଡି ଜିଲ୍ଲା କୋକସରା ବ୍ଲକ ଦଣ୍ଡପାଟ ଅଂଚଳ ର ଡହଗାଁ, ମୂଷାପାଲି, ଡାଲଗୁମା ଓ ତାରାପୁର ପଂଚାୟତ ର ଶହ ଶହ ଚାଷୀ  ଜୁନାଗଡ଼ - ବୋରିଗୁମ୍ମା 26 ନମ୍ବର ଜାତୀୟ ରାଜପଥ କୁ ସକାଳ 10 ଘଣ୍ଟାରୁ ସନ୍ଧ୍ୟା 5 ଘଣ୍ଟା ପର୍ଯ୍ୟନ୍ତ ଅବରୋଧ କରି ପ୍ରତିବାଦ ସଭା କରିଥିଲେ l ବିଗତ ଦିନରେ ଏହି ଅଂଚଳ ର ଚାଷୀମାନେ 
ଚଳିତ ରବିରୁତୁ ରେ ତାଙ୍କ ଜମିକୁ ପାଣି ଦେବା ପାଇଁ କୁସୁମଖୁଣ୍ଟି ନିର୍ବାହୀ ଯନ୍ତ୍ରୀ ଙ୍କୁ ଏକ ଦାବିପତ୍ର ଦେଇଥିଲେ .l  ହେଲେ ଦୀର୍ଘ ସାତ ଦିନ ବିତିଯାଇଥିଲେ ସୁଦ୍ଧା ଚାଷୀ ମାନଙ୍କ ଦାବୀ ଉପରେ ପ୍ରଶାସନ କିମ୍ବା ବିଭାଗୀୟ ଅଧିକାରୀ ମାନେ କୌଣସି ପଦକ୍ଷେପ ନ ନେବାରୁ ଚାଷୀମାନେ ଏଭଳି ଚରମ ପଦକ୍ଷେପ ନେଇଛନ୍ତି , ରାଜନୈତିକ ଅଭିସନ୍ଧି ହେତୁ ଇନ୍ଦିରାବତୀ ଡ୍ୟାମ ରୁ 40 କିମି ଦୂରତାରେ ଥିବା ଏହି ଅଂଚଳ ର ଚାଷୀ ପାଣି ପାଇ ପାରୁନାହଁ, କିନ୍ତୁ ଏହି ଡ୍ୟାମ ର ପାଣି କଟକ ଭୁବନେଶ୍ୱର ଚାଲି ଯାଉଛି. ତେଣୁ  ଏହାର ପ୍ରତିବାଦ କରି ଚାଷୀ ଆଜି ତାଙ୍କ ଶକ୍ତି ପ୍ରଦର୍ଶନ କରିଥିଲେ., ତେବେ   ଚାଷୀ ଓ ବିଭାଗୀୟ ଅଧିକାରୀ ମାନଙ୍କ ସହିତ ବହୁତ ଆଲୋଚନା ପରେ ନିର୍ବାହୀ ଯନ୍ତ୍ରୀ, ମୁଖ୍ୟ ଯନ୍ତ୍ରୀଙ୍କ ଅନୁମତି କ୍ରମେ ଦାବୀ କରୁଥିବା ଚାଷୀ ମାନଙ୍କ ତିନିହଜାର ହେକ୍ଟର ଚାଷ ଜମିକୁ ଜଳ ଯୋଗାଇ ଦେବାକୁ ଲିଖିତ ପ୍ରତିଶୃତି ଦେଇଥିଲେ ଓ ଆନ୍ଦୋଳନ କୁ ସ୍ଥଗିତ କରିବାକୁ ଅନୁରୋଧ କରିଥିଲେ.! ପରେ ଚାଷୀ ମାନେ ରାଜିହୋଇ ଆନ୍ଦୋଳନ ସମାପ୍ତ କରିଥିଲେ l ଆଜିର ଏହି କାର୍ଯ୍ୟକ୍ରମ ରେ ବିଜେପି ର ବରିଷ୍ଠ ନେତା ଜନାର୍ଦନ ପଣ୍ଡା, କଂଗ୍ରେସ ଦଳର ଦିଗାମ୍ବର ଦୁରିଆ, କୋକସରା ବ୍ଲକ ଉପାଧ୍ୟକ୍ଷ ରାଜୁ ଅଗ୍ରୱାଲ, ଡହଗାଁ ସରପଞ୍ଚ ବ୍ରଜ ନାଏକ, ମୂଷାପାଲି ସରପଞ୍ଚ ଅକ୍ଷୟ ନାଏକ, ଡାଲଗୁମା ସରପଞ୍ଚ  ଯୋଗେନ୍ଦ୍ର ପଟ୍ଟନାୟକ, ଡହଗାଁ ପୂର୍ବତନ ସରପଞ୍ଚ ଦୀପକ ପଣ୍ଡା, ସମିତି ସଭ୍ୟ କଗ୍ରେସ ନେତା ଘନଶ୍ୟାମ ଜାଲ, ମହେନ୍ଦ୍ର ଧରୁଆ, ବଳରାମ ପୂଝରୀ, ତ୍ରିଲୋଚନ ମହାନନ୍ଦ,ଘନଶ୍ୟାମ ନାଏକ,ଆଦି ଥିବାବେଳେ ଆଇନ ଶୃଙ୍ଖଳା ପାଇଁ S D P O ଧର୍ମଗଡ଼ ଧୀରଜ ଚୋପଦାର,କୋକସରା ଓ ଜୟପାଟଣା ଥାନା ଅଧିକାରୀ, ମୋଟେର ଫାଣ୍ଡି ଅଧିକାରୀ ଉପସ୍ଥିତ ଥିଲେ  ଓ ପ୍ରଶାସନ ତରଫରୁ ସହକାରୀ ତହସିଲଦାର କୋକସରା ଉପସ୍ଥିତ ଥିଲେ  l