27-Nov-2023

କଳାହାଣ୍ଡି ,ଧର୍ମଗଡ଼ ( ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ପିପଲା  ଗ୍ରାମର ସିମାଞ୍ଚଳ ସୁନାନୀ ବୟସ -୪୪ ଦୁର୍ଘଟଣା ପରେ 
 ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଥିବା ସୂଚନା ମିଳିଛି । ତାଙ୍କ ଶବ ଶନିବାର ସନ୍ଧ୍ୟା ସମୟରେ ଘରକୁ ଫେରିବା ପରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି ।ସୂଚନା ଅନୁସାରେ ହିମାଞ୍ଚଳ ନିଜ ଗ୍ରାମ ପଞ୍ଚାୟତ ଗଡ଼ିଆଜୋର ରେ ଜିଆରଏସ ଭାବରେ  କାର୍ଯ୍ୟକରୁଥିଲେ କିନ୍ତୁ ପରେ ତାଙ୍କୁ ଗୋଲାମୁଣ୍ଡା ବ୍ଲକ ଟ୍ରାନ୍ସଫର କରାଯାଇ ମାନଝର  ଓ ଉଦେ ସୁଡୁଙ୍ଗ  ଦୁଇଟି ଗ୍ରାମପଞ୍ଚାୟତ ର ଦାୟିତ୍ୱ ଦିଆ ଯାଇଥିଲା ।  ଘର ଠାରୁ କାର୍ଯ୍ୟସ୍ଥଳ ଦୀର୍ଘ ୭୦ କିଲୋମିଟର  ତାଙ୍କୁ ପ୍ରତିଦିନ ଯିବା ଆସିବା କରିବାକୁ ପଡ଼ୁଥିଲା ।ଗତ ୧୬ ତାରିଖ ଗୁରୁବାର ଦିନ ସକାଳୁ ସେ କାର୍ଯ୍ୟାଳୟ କୁ ଯିବା ସମୟ ରେ  ଗଡ଼ିଆଯୋର କ୍ରସର ନିକଟରେ  ବାଇକ ରୁ ଭାରସାମ୍ୟ ହରାଇ  ସେ ରାସ୍ତାରେ ପଡି ଯାଇଥିଲେ । ଫଳରେ ତାଙ୍କ ଡାହାଣ କାନ ପାଖ ମୁଣ୍ଡରେ ଗଭୀର ଆଘାତ ଲାଗି ରକ୍ତସ୍ରାବ ହୋଇଥିଲା। ତୁରନ୍ତ ସ୍ଥାନୀୟ ଲୋକଦ୍ୱାରା ଉଦ୍ଧାର କରାଯାଇ ଧର୍ମଗଡ଼ ଡାକ୍ତରଖାନା ,ପରେ ଭବାନୀପାଟଣା ରେ ଚିକିତ୍ସିତ ହୋଇଥିଲେ । ଅଧିକ ସଙ୍କଟାପନ୍ନ ହେବାରୁ ଉକ୍ତ ଦିନ ରାୟପୁର କୁ ସ୍ଥାନାନ୍ତର କରି ଏକ ଘରୋଇ ଡାକ୍ତରଖାନାରେ ନଅ ଦିନ ଧରି ଚିକିତ୍ସିତ ହେଉଥିଲେ । ଚିକିତ୍ସାଧିନ ଅବସ୍ଥାରେ ରେ  ଗତ ଶୁକ୍ରବାର  ରାତି ରେ ତାଙ୍କର ମୃତ୍ୟୁ  ହୋଇଥିଲା । ତାଙ୍କ ଶବ ଘରକୁ ପହଞ୍ଚିଲା ପରେ ଜିଆରଏସ ଓଡ଼ିଶା ରାଜ୍ୟ ସଭାପତି ପ୍ରଭାତ କୁମାର ତିୱାରୀ ସମେତ ଧର୍ମଗଡ଼ ବ୍ଲକ ର ଅନ୍ୟାନ୍ୟ ଜି ଆରଏସ ଶ୍ରଦ୍ଧାଞ୍ଜଳି ଦେବା ପାଇଁ ପହଞ୍ଚି ଥିଲେ ।  ବର୍ତମାନ ତାଙ୍କ ସ୍ତ୍ରୀ ସମେତ ଦୁଇ ଝିଅ ଓ ଗୋଟିଏ ପୁଅ ଅଛନ୍ତି ।ତାଙ୍କ ବିୟୋଗ ରେ ଧର୍ମଗଡ଼ ବିଧାୟକ ମୌଷଧି  ବାଗ,ପୂର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂ ଦେଓ, କଂଗ୍ରେସ ନେତା ଦିଗାମ୍ବର  ଦୁରିଆ, ବିଜେପି ନେତା ଲକ୍ଷ୍ମୀକାନ୍ତ ବାଗ ତଥା ଅଞ୍ଚଳର ଅନେକ ବୁଦ୍ଧିଜୀବୀ ଶୋକ ବ୍ୟକ୍ତ କରିଛନ୍ତି ।