27-Nov-2023

ସମ୍ବଲପୁର-(ସଂଜୀବପାଣିଗ୍ରାହୀ): ଧନୁଯାତ୍ରା ବରଗଡ଼ ସହିତ ଅନେକ ସ୍ଥାନରେ ଆୟୋଜନ ହେଉଥିବା ବେଳେ, ଯାତ୍ରା ମାନଙ୍କରେ ପଶ୍ଚିମ ଓଡିଶାର ଲୋକ ସଂସ୍କୃତିକୁ ଭୁଲି ବାଟବଣା ହୋଇଯାଉ ଥିବା ଦୃଷ୍ଟିକୁ ଆସୁଛି l ଅନେକେ ଧନୁଯାତ୍ରା ମାନଙ୍କରେ ପୌରାଣିକ ତଥ୍ୟକୁ ସମ୍ବିଳିତ କରାଯାଉଛି ସତ, ହେଲେ ଅନେକ ପ୍ରଶ୍ଚାତ୍ୟ ଓ ଅଶ୍ଳୀଳ ସଭ୍ୟତାରେ ଅନୁପ୍ରାଣିତ ନୃତ୍ୟ ଓ ଶୈଳୀକୁ ସାମିଲ କରାଯାଉଛି ଯାହାକି ଅତ୍ୟନ୍ତ ଦୁର୍ଭାଗ୍ୟର ବିଷୟ l ସେହି ଦୃଷ୍ଟିରୁ ସମ୍ବଲପୁରରେ ଆମର ପଶ୍ଚିମ ଓଡିଶାର ସମ୍ବଲପୁରୀ ଲୋକ ସଂସ୍କୃତିରୁ ଗୁରୁତ୍ୱ ଦେଇ ସମ୍ବଲପୁରୀ ଧନୁଯାତ୍ରା ଆୟୋଜନ କରିବା ପାଇଁ କମଳ ଲୋଚନ ପଣ୍ଡାଙ୍କ ଅଧ୍ୟକ୍ଷତାରେ ଏକ ଯୋଜନା ବୈଠକ ସାମ୍ବାଦିକ ଭବନ ଠାରେ ଅନୁଷ୍ଠିତ ହୋଇଯାଇଛି l ବୈଠକ ରେ ସର୍ବସମ୍ମତି କ୍ରମେ ସମ୍ବଲପୁରୀ ଧନୁଯାତ୍ରା କ୍ରିୟାନୁଷ୍ଠାନ କମିଟି ଗଠନ କରାଯାଇଥିଲା l

ଏହି ବୈଠକରେ ବିଭିନ୍ନ ବିଷୟ ଆଲୋଚନା ହୋଇଥିବା ବେଳେ, ସମ୍ବଲପୁରୀ ଧନୁଯାତ୍ରାରେ ସମସ୍ତ ଅନୁସାଙ୍ଗିକ ବିଷୟ ସମ୍ବଲପୁରୀ ସଂସ୍କୃତି ଉପରେ ପର୍ଯବେଷିତ କରିବାକୁ ସର୍ବସମ୍ମତ ପ୍ରସ୍ତାବ ଗ୍ରହଣ କରାଯାଇଥିଲା l ଏହି ସମ୍ବଲପୁରୀ ଧନୁଯାତ୍ରାରେ ପଶ୍ଚିମ ଓଡିଶାର ୧୩ ଜିଲ୍ଲାର ଲୋକନୃତ୍ୟ ଓ ଲୋକସଂସ୍କୃତିକୁ ସାମିଲ କରାଯିବ ବୋଲି ମଧ୍ୟ ନିଷ୍ପତ୍ତି ନିଆଯାଇଥିଲା l
ସମ୍ବଲପୁରୀ ଧନୁଯାତ୍ରା ଆୟୋଜନ ବିଷୟକୁ ନେଇ ଏକ ମହାସଭା ଆସନ୍ତା ନଭେମ୍ବର ୩0 ତାରିଖ ଦିନ ଆୟୋଜନ କରାଯିବ ବୋଲି କ୍ରିୟାନୁଷ୍ଠାନ କମିଟି ପକ୍ଷରୁ ଶ୍ରୀ ପଣ୍ଡା ସୂଚନା ଦେଇଛନ୍ତି l ଏହି ବୈଠକରେ ଅନ୍ୟମାନଙ୍କ ମଧ୍ୟରେ ବବଲୁ ବାଗ, ଜୟକୃଷ୍ଣ ବେହେରା, ମୁକ୍ତକଣ୍ଠ ପ୍ରଧାନ, ଗୁଣରଞ୍ଜନ ସାଲିମା, ବିଶ୍ୱଜିତ ପ୍ରଧାନ, ଲଳିତ ବେବର୍ତ୍ତା,ସୁଧୀର ରଞ୍ଜନ ବେହେରା, ସୂର୍ଯ୍ୟ ପାଣିଗ୍ରାହୀ, ନିହାଲ ସିଂ,ଶଙ୍କର ବେହେରା, ଯୋଗେଶ ନନ୍ଦ, ସୁକାନ୍ତ କର,ଅଜୟ ନାଥ, ଧର୍ମେନ୍ଦ୍ର ପଟ୍ଟନାୟକ, ନବୀନ ଦାଶ, ନରସିଂହ ବଗର୍ତ୍ତୀ, ଆଦିତ୍ୟ ପୁରୋହିତ, ଚୈତନ୍ୟ ନାୟକ, ରାଜେଶ ବେହେରା ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ l