27-Nov-2023

ସମ୍ବଲପୁର : -(  ସଂଜୀବପାଣିଗ୍ରାହୀ)  ଦୟାନନ୍ଦ ପବ୍ଲିକ୍ ସ୍କୁଲର ଅଧ୍ୟକ୍ଷ ଈଶ୍ୱର ପାଣିଗ୍ରାହୀଙ୍କୁ ମିଳିଛି  ଭାରତ ଗୌରବ ସମ୍ମାନ-୨୦୨୩।ନୂଆଁଦିଲ୍ଲୀର ଦିନଦୟାଲ ମାର୍ଗରେ ଥିବା ଗାନ୍ଧି ପିସ ଫାଉଣ୍ଡେସନ୍ କନଫରେନ୍ସ ହଲ ଠାରେ ଆମ୍ବେଦକର ଆନ୍ତଃର୍ଜାତୀୟ କେନ୍ଦ୍ର ପକ୍ଷରୁ ଆୟୋଜିତ ସମ୍ବିଧାନ ଦିବସରେ ଶ୍ରୀ ପାଣିଗ୍ରାହୀଙ୍କୁ ଏହି ସମ୍ମାନ ପ୍ରଦାନ କରାଯାଇଛି ।ପୁର୍ବତନ ମାନବ ସମ୍ବଳ କେନ୍ଦ୍ର ମନ୍ତ୍ରୀ ସଞ୍ଜୟ ପାଶୱାନ,କେନ୍ଦ୍ରମନ୍ତ୍ରୀ ମିନାକ୍ଷୀ ଲେଖି,ସୂଚନା ଓ ପ୍ରସାରଣ ମନ୍ତ୍ରଣାଳୟ ଉପଦେଷ୍ଟା ରବୀନ୍ଦ୍ର କୁମାର ଜେନା,ପ୍ରଫେସର ପ୍ରିୟରଞ୍ନ ତ୍ରିବେଦୀ, ଗଙ୍ଗାଧର ରଥ,ପ୍ରିଣ୍ଟ ଏଣ୍ଡ ଡିଜିଟାଲ ଆସୋସିଏସନ୍ ସିଇଓ ଜିତେନ୍ଦ୍ର କୁମାର ମେହେତା,ଆମ୍ବେଦକର ଇଣ୍ଟରନେସନାଲ  ସେଣ୍ଟର ଭୁବନେଶ୍ବର ଶାଖା ଅଧ୍ୟକ୍ଷ/ ସିଇଓ କାଳିଚରଣ ସିଂ, ଜେଇଏଚଓଓଭିଏଏଚ ନ୍ୟୁଜ ପରିଚାଳନ ନିର୍ଦ୍ଦେଶକ ନୃସିଙ୍ଗନାଥ ନନ୍ଦଙ୍କ ଉପସ୍ଥିତିରେ ଈଶ୍ୱରଙ୍କୁ ମୁଖ୍ୟଅତିଥି ମଡେଲ ଦେଇ ଏହି ସମ୍ମାନ ପ୍ରଦାନ କରିଥିଲେ। ଏଠାରେ ସୂଚନା ଯୋଗ୍ୟଯେ ଧନୁପାଲି ଓ ପଡିଆବାହାଲ ଦୟାନନ୍ଦ ପବ୍ଲିକ ସ୍କୁଲର ସେ ଅଧ୍ୟକ୍ଷ ରହିବା ସହିତ ବିଭିନ୍ନ ସାମାଜିକ କାମରେ ତାଙ୍କର ସକରାତ୍ମକ ଯୋଗଦାନ ରହିଥାଏ। ଈଶ୍ୱର ଭାରତ ଗୌରବ ସମ୍ମାନରେ ସମ୍ମାନୀତ ହୋଇଥିବାରୁ ତାଙ୍କୁ ବିଭିନ୍ନ ମହଳରୁ ଅଭିନନ୍ଦନର ସୁଅ ଛୁଟୁଛି ।