02-Nov-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): ବୌଦ୍ଧ ଜିଲ୍ଲା କଣ୍ଟାମାଳ କୋର୍ଟ ନିକଟ ମହାଲକ୍ଷ୍ମୀ ମୋଟର୍ସ (ହିରୋ ବାଇକ ସୋ ରୁମ )ର ମାଲିକ ତଥା ଯୁବ ଉଦ୍ୟୋଗୀ ତ୍ବରିତ କୁମାର ବିଶି ଙ୍କ ଗତ ରାତିରେ ହୃଦଘାତରେ ପରଲୋକ ଘଟିଛି l ମୃତ୍ୟୁ ସମୟରେ ତାଙ୍କୁ ୪୫ ବର୍ଷ ହୋଇଥିଲା l ଆଜି ସକାଳୁ ତାଙ୍କର ଦେହାନ୍ତ ଖବର ପାଇ କଣ୍ଟାମାଳ ବଣିକ ସଂଘ ନିଷ୍ପତ୍ତି କ୍ରମେ କଣ୍ଟାମାଳର ସମସ୍ତ ଦୋକାନ ବଜାର ସକାଳ ୬ଟା ଠାରୁ ଅପରାହ୍ନ ୪ଟା ପର୍ଯ୍ୟନ୍ତ ସମ୍ପୂର୍ଣ ବନ୍ଦ କରାଯାଇଥିଲା  l ସେ ଗତ ବୁଧବାର ରାତିରେ ସ୍ୱାଭାବିକ ଭାବେ ଖାଇସାରି ସୋଇ ଥିଲେ  l  ତେବେ ଆଜି ସକାଳୁ ସେ ସୋଇଥିବା ଦେଖି ପରିବାର ଲୋକେ ଉଠାଇବାକୁ ଯାଇ ତାଙ୍କର ମୃତ୍ୟୁ ଘଟିଥିବା ଜାଣିବାକୁ ପାଇଥିଲେ  l ତାଙ୍କର ପତ୍ନୀ ସହ ୧୨ବର୍ଷର ପୁଅ ଓ ୬ ବର୍ଷର ଗୋଟିଏ ଝିଅ ରହିଛି l  ତାଙ୍କର ମୃତ୍ୟରେ ସମଗ୍ର କଣ୍ଟାମାଳରେ ଶୋକର ଛାୟା ଖେଳିଯାଇଛି  l   ସେ ଜଣେ କର୍ମଠ, ମେଳାପୀ ଓ ପରୋପକାରୀ ବ୍ୟକ୍ତି ଥିଲେ  l  ମୃତ୍ୟୁ ସମୟରେ ତାଙ୍କର ବାପା, ମା, ଭାଇ,ପରିବାର ପରିଜନ, ବନ୍ଧୁ, ବାନ୍ଧବ ସମସ୍ତେ ଉପସ୍ଥିତ ଥିଲେ l