28-Oct-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): ଆଜି ପବିତ୍ର କୁମାର ପୂର୍ଣମୀ ତିଥିରେ କଣ୍ଟାମାଳ ବ୍ଲକର ବିଭିନ୍ନ ସ୍ଥାନରେ ମାଁ ଗଜଲକ୍ଷ୍ମୀ ପୂଜା ଆରମ୍ଭ ହୋଇଯାଇଛି  l ବ୍ଲକର  ପଲଶାଗୋରା ସ୍ୱସ୍ତିକ କ୍ଲବ ଦ୍ୱାରା ଆୟୋଜିତ ହେଉଥିବା ଗଜଲକ୍ଷ୍ମୀ ପୂଜାର ୨୫ ବର୍ଷ ରୌପ୍ୟଜୟନ୍ତୀ ଅବସରରେ ପ୍ରଥମଥର ପାଇଁ ଅଷ୍ଟଲକ୍ଷ୍ମୀ ପୂଜାର ଆୟୋଜନ କରାଯାଇଛି 

|  ଏଥିରେ ଅଷ୍ଟଲକ୍ଷ୍ମୀଙ୍କ ମୂର୍ତ୍ତି ଆଠଟି ମଣ୍ଡପରେ ରଖି ପୂଜା କରାଯାଇଛି   l  ସକାଳୁ କମିଟି ସଦସ୍ୟ ମାନେ ସଂକୀର୍ତ୍ତନ୍ୟ ଦଳ ସହ ନିକଟ କାନ୍ଦୁଲ ମୁଣ୍ଡା ପୋଖରୀରୁ କଳସ ଶୋଭାଯାତ୍ରା ରେ ଆଣି ପୂଜା ମଣ୍ଡପରେ ସ୍ଥାପନ କରିଥିଲେ ଓ ପରେ ପୂଜା ଆରମ୍ଭ ହୋଇଥିଲା | ପୂଜାରେ ରଞ୍ଜନ ମିଶ୍ର ସପତ୍ନୀକ କର୍ତ୍ତା ଓ ପୂଜକ ମନୋଜ ମିଶ୍ର ଓ ସନୋଜ ମିଶ୍ର ପୂଜା ଦାଇତ୍ୱ ତୁଲାଇଛନ୍ତି | କମିଟି ସଭାପତି ଶାନ୍ତନୁ ମହାପାତ୍ର, ସମ୍ପାଦକ ବିଘ୍ନେସ ପ୍ରଧାନ ସମେତ ସମସ୍ତ ସଦସ୍ୟ ସହଯୋଗ କରିଛନ୍ତି | ପୂଜା ଉପଲକ୍ଷେ ଆଜିଠାରୁ ତିନି ତାରିଖ ପର୍ଯ୍ୟନ୍ତ ମୁରାସୁର ଦରବାର କାର୍ଯ୍ୟକ୍ରମ ଆୟୋଜନ କରାଯାଇଛି l  ସେହିପରି ଘଣ୍ଟାପଡା ଶ୍ରୀ ରଘୁନାଥ ନାଟ୍ୟ ସଂସଦ ଓ ଘଣ୍ଟାପଡା ଗ୍ରାମବାସୀ ଙ୍କ ପକ୍ଷରୁ ମାଁ ଗଜଲକ୍ଷ୍ମୀ ପୂଜନୋତ୍ସବ ଆରମ୍ଭ ହୋଇଛି  l  ସକାଳୁ ଗ୍ରାମ୍ୟ କମିଟି ଉପଦେଷ୍ଠା ଙ୍କ ଉପସ୍ଥିତ ରେ ମାନସିକଧାରୀ ଓ ଶତାଧିକ ମହିଳାଭକ୍ତ ନିକଟସ୍ଥ ତେଲନଦୀରୁ କଳସରେ ଜଳଧରି ଶୋଭାଯାତ୍ରା ରେ ଆସି ପୂଜାମଣ୍ଡପରେ ସ୍ଥାପନ କରିଥିଲେ  l  ରମେଶ ପୋଢ଼ ସପତ୍ନୀକ କର୍ତ୍ତା ଓ ପଣ୍ଡିତ ଜିତେନ୍ଦ୍ର ପ୍ରସାଦ ପାଣିଗ୍ରାହୀ ପୂଜାକାର୍ଯ୍ୟ ଦାଇତ୍ୱ ତୁଲାଇଥିଲେ  l  କଣ୍ଟାମାଳ ର ହାଟପଦା ଛକ ସ୍ଥିତ ଲକ୍ଷ୍ମୀ ପୂଜାମଣ୍ଡପ ଠାରେ ମଧ୍ୟ ଆଜି ସକାଳୁ ନିକଟସ୍ଥ ବନ୍ଧରୁ ଏକ ଶୋଭାଯାତ୍ରା ରେ ପୂର୍ଣ୍ଣ କଳସ

ଜଳ ଆଣି ପୂଜାମଣ୍ଡପରେ ସ୍ଥାପନ ପରେ ପୂଜାରମ୍ଭ ହୋଇଯାଇଛି l  ସେହିପରି ବ୍ଲକର ଅମ୍ବଗାଁ, ଖୁଣ୍ଟିଗୋରା, ଋଣ୍ଡିମହୁଲ, ମନମୁଣ୍ଡା ଆଦି ବିଭିନ୍ନ ସ୍ଥାନରେ ଆଡମ୍ବର ସହକାରେ ମାଁ ଗଜଲକ୍ଷ୍ମୀଙ୍କ ପୂଜା ଆରମ୍ଭ ହୋଇଯାଇଛି   l  ତେବେ ଆଜି ଚନ୍ଦ୍ର ଗ୍ରହଣ ହେତୁ ସଂଧ୍ୟା ପରଠାରୁ ଭକ୍ତ ଓ ଶ୍ରଦ୍ଧାଳୁ ମାନଙ୍କ ଭିଡ ଜମି ଥିଲା l