21-Oct-2023

ବଲାଙ୍ଗିର (ସନ୍ତୋଷ କୁମାର ଠାକୁର): ଆଜି  ଅପରାହ୍ନ ୩.୩୦ସମୟରେ ପି ପି ଏକାଡେ଼ମୀ ସମ୍ମିଳନୀ କକ୍ଷରେ ବଲାଙ୍ଗିର ଦିନ ଆୟୋଜକ କମିଟି ତରଫରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଆୟୋଜକ କମିଟିର ଅଧ୍ୟକ୍ଷ ଗୋପାଲଜୀ ପାଣିଗ୍ରାହୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେଇଥିବା ଏହି ସାମ୍ବାଦିକ ସମ୍ମିଳନୀରେ ଆସନ୍ତା ନଭେମ୍ବର ୧ ତାରିଖରେ ଆୟୋଜିତ ହେଉଥିବା ବଲାଙ୍ଗିର ଦିନର ବିଭିନ୍ନ

କାର୍ଯ୍ୟକ୍ରମ ସମ୍ପର୍କରେ ବିସ୍ତ୍ରୁତ ବିବରଣୀ ଦେଇଥିଲେ। ଏହି କାର୍ଯ୍ୟକ୍ରମ ପ୍ରତ୍ୟେକ ବଲାଙ୍ଗିରବାସୀଙ୍କ ଅସ୍ମିତାର ପ୍ରତୀକ ଏବଂ ବଲାଙ୍ଗିରର ସାଂସ୍କୃତିକ ବୈଭବକୁ ବିଶ୍ୱ ଦରବାରରେ ପହଞ୍ଚାଇବା ପାଇଁ ଆୟୋଜକ କମିଟି ପ୍ରୟାସ ବୋଲି ପାଣିଗ୍ରାହୀ ଦୃଢୋକ୍ତି ପ୍ରକାଶ କରିଥିଲେ। ନଭେମ୍ବର ୧ ବଲାଙ୍ଗିର ଦିନ ପାଳନ ପୂର୍ବରୁ,୨୬ ଅକ୍ଟୋବରରୁ ବିଭିନ୍ନ ପ୍ରତିଯୋଗିତା ଆରମ୍ଭ ହେଇଯିବ।ସଚେତନ ନାଗରିକଙ୍କୁ ନେଇ ଏକ ଆଲୋଚନାଚକ୍ର, ୨୭ ରେ ସଂପୂର୍ଣ୍ଣ  ଅନୁଷ୍ଠାନ ପକ୍ଷରୁ ଶଙ୍ଖ ଫୁକା, ମେହେନ୍ଦି,ଓ ଆର୍ଟ ଏବଂ କାର୍ଫ୍ଟ । ୨୮ରେ ସ୍ମାଇଲ ଫର ଅଲ ପକ୍ଷରୁ ହୁଲାହୁଲି ଓ ରଙ୍ଗୋଲି ପ୍ରତିଯୋଗିତା।୨୯ ରେ ସମଲେଇ ମନ୍ଦିର ଆଳତୀ କମିଟି ପକ୍ଷରୁ ଡ୍ୟାନ୍ସ,ଆମର ପିନ୍ଧନ ଉଢନ (ରେମ୍ପ ସୋ)ପ୍ରତିଯୋଗିତା, ଛୋଟ ଛୁଆଙ୍କ ଫେନସି ଡ୍ରେସ, ୩୦ରେ ନାରୀ ଶକ୍ତି ପକ୍ଷରୁ ଭଉଣୀ ମାନଙ୍କ ପାଇଁ ବ୍ୟଞ୍ଜନ ଆମର ପିଠାମଡା ଏବଂ ଆହୁରି ଅନେକ ପ୍ରତିଯୋଗିତା ଅନୁଷ୍ଠିତ ହେବ ବୋଲି ଆୟୋଜନ କମିଟି ତରଫରୁ ପ୍ରକାଶ ।

ଏହା ବ୍ୟତୀତ ବଲାଙ୍ଗିର ଏବଂ ୧ ନଭେମ୍ବର ସକାଳ ୯ଟାରେ ସାଂସ୍କୃତିକ ସୋଭାଯାତ୍ରା ନିକଟବର୍ତ୍ତୀ ବିଭିନ୍ନ ଅଞ୍ଚଳର କଳାକାର ମାନଙ୍କୁ ଯୋଗାଯୋଗ କରି ନାଁକରା କଳାକାର ତାଙ୍କ କଳା ପ୍ରଦର୍ଶନ କରିବା ପାଇଁ  ଉତ୍ସାହିତ କରିବାକୁ ନିଷ୍ପତ୍ତି ନିଆ ଯାଇଛି l

ବଲାଙ୍ଗିର ଦିନରେ ଜନସାଧାରଣଙ୍କ ସମ୍ପୃକ୍ତିକୁ ସୁନିଶ୍ଚିତ କରିବା ସକାଶେ ବଲାଙ୍ଗିରର ସମସ୍ତ ନିର୍ବାଚିତ ପ୍ରତିନିଧି, ମୁନିସିପାଲିଟି ଅଧ୍ୟକ୍ଷ ଏବଂ ସବୁ ନିର୍ବାଚିତ କାଉନସିଲର ବୁଦ୍ଧିଜୀବୀ, ସବୁ ସାମାଜିକ ତଥା ରାଜନୈତିକ ସଂଗଠନ ଏବଂ ସବୁ ଜାତି ସଂଗଠନ ସହ ଯୋଗାଯୋଗ କରିବାକୁ ନିଷ୍ପତ୍ତି ନିଆଯାଇଛି l

ଏହି ସମ୍ମିଳନୀରେରେ ଗୋପlଲଜୀ ପାଣିଗ୍ରାହୀଙ୍କ ସମେତ ବିଧୁଭୂଷଣ ତ୍ରିପାଠୀ,ଲୋଟସ ଷଡ଼ଙ୍ଗୀ, ବୁଲୁ ଦାନୀ,ଦିନେଶ ଶର୍ମା ଏବଂ ବିନୋଦ କାଳସାଏ ପ୍ରମୁଖ ମଞ୍ଚାସୀନ ଥିଲେ । ବିକାଶ ସା, ସୋମନାଥ ମିଶ୍ର, ଅଙ୍କୁଶ ପାଣ୍ଡିଆ, ବିବେକା ପଟେଲ, ହରିଓମ ପଟେଲ, ମୁନା ପଟନାୟକ ,ଲୋପନ ମିଶ୍ର,ଅଙ୍କିତ ସାହୁ,ରଜତ ପଧାନ ପ୍ରମୁଖ ଉପସ୍ଥିତ ଥିଲେ।