19-Oct-2023

ବୌଦ୍ଧ (ପ୍ରେରଣା ଖବର ): ବୌଦ୍ଧ ଜିଲାପାଳଙ୍କ କାର୍ଯ୍ୟାଳୟ ଠାରେ ମତ୍ସ ଓ ପଶୁ ସମ୍ପଦ ମେଳା ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି । ଜିଲା ପ୍ରାଣୀ ସଂପଦ ଅଧିକାରୀ ଡାକ୍ତର ରାମାରାଓ ପାଲୋ ଙ୍କ ଅଧ୍ୟକ୍ଷତାରେ ଆୟୋଜିତ ପ୍ରସ୍ତୁତି ବୈଠକରେ ମୁଖ୍ୟଅତିଥି ଭାବେ ଜିଲାପାଳ ନୃସିଂହ ଚରଣ ସ୍ୱାଇଁ ଯୋଗଦେଇଥିଲେ । ଆଗାମୀ ନଭେମ୍ବର ମାସ ୧୮ ଓ ୧୯ ତାରିଖରେ ଦୁଇଦିନ ଧରି ବୌଦ୍ଧ କଚେରୀ ପଡିଆ ଠାରେ 

ମତ୍ସ ଓ ପଶୁ ସମ୍ପଦ ମେଳା ଆୟୋଜନ କରାଯିବା ନେଇ ନିଷ୍ପତି ହୋଇଥିଲା । ଜିଲାର ମତ୍ସ ଓ ପଶୁ ସମ୍ପଦ ନେଇ ପ୍ରଦର୍ଶନୀ ଆୟୋଜନ ହେବା ସହ ଚାଷୀ ଓ ପଶୁପାଳକମାନଙ୍କୁ ତାଲିମ ଦିଆଯିବ । ଏହା ସହ ସରକାରୀ ଯୋଜନା ନେଇ ସଚେତନ କରାଯିବ । ଜିଲାର ବିଭିନ୍ନ ଅଂଚଳରୁ ଅଧିକ ସଂଖ୍ୟାରେ ଯେପରରି ଚାଷୀ ଓ ପଶୁପାଳକମାନେ ଯୋଗଦେବେ ସେନେଇ ପ୍ରସ୍ତୁତି କରିବାକୁ ଜିଲାପାଳ ନିର୍ଦ୍ଦେଶ ଦେଇଥିଲେ । ବୈଠକରେ ଜିଲାପରିଷଦ ମୁଖ୍ୟ ନିର୍ବାହୀ ଅଧିକାରୀ ରବି ନାରାୟଣ ତ୍ରିପାଠୀ, ଜିଲା ମତ୍ସ ସଂପଦ ଅଧିକାରୀ ଲିପସା ପଟନାୟକଙ୍କ ସମତେ ବିଭିନ୍ନ ବିଭାଗର ଅଧିକାରୀମାନେ ଯୋଗଦେଇଥିଲେ ।