18-Oct-2023

ବଲାଙ୍ଗିର (ପ୍ରେରଣା ଖବର ):  ସ୍ଥାନ ନିରୂପଣକୁ ନେଇ ଦୀର୍ଘ ଦିନ ର ଅପେକ୍ଷା ଓ ବାଦ ବିବାଦ ପରେ ରାଜ୍ୟ ରାଜସ୍ୱ ଓ ପ୍ରାକୃତିକ ବିପର୍ଯ୍ୟୟ ପରିଚାଳନା  ବିଭାଗ ପକ୍ଷରୁ ବଲାଙ୍ଗୀର ଜିଲ୍ଲାପାଳଙ୍କୁ ଦିଆଯାଇଥିବା ଚିଠି  ନଂ ୩୬୫୨୬/ତା୧୩.୧୦.୨୩ ଅନୁସାରେ ବଲାଙ୍ଗିରରେ ସିଭିଲ କୋର୍ଟ ର ନୂଆଁ ବିଲଡିଂ ନିର୍ମାଣ ପାଇଁ ରାଜ୍ୟ ସରକାର ପଥ ପରିଷ୍କାର କରିଦେଇଛନ୍ତି । ବଲାଙ୍ଗିର ତହସିଲ  ଅନ୍ତର୍ଗତ  ମୌଜା 'କ', ଖାତା ନଂ-୧ ଓ ପ୍ଲଟ ନଂ ୯୨୯, ୯୩୦ ଓ  ୯୩୧ ଜମିରେ  ବଲାଙ୍ଗିର ଜିଲ୍ଲା ଦୌରା ଜଜ ଙ୍କ  କୋଠା ନିର୍ମାଣ ହେବ ବୋଲି ଆପତତଃ ସ୍ଥିର ହୋଇଛି । ବଲାଙ୍ଗିର ଜେଲ ପରିସରରେ.୫.୦୭୯ ଏକର ପରିମିତ ଜମିରେ ନିର୍ମାଣ ହେବ ବଲାଙ୍ଗିର ଜିଲ୍ଲା ଦୌରା ଜଜ ଙ୍କ ନୂତନ କୋଠା । ବର୍ତ୍ତମାନ ଉକ୍ତ ଜମି ର ସତ୍ତ୍ଵ ଗୃହ ବିଭାଗ ପାଖରେ ଥିବାରୁ ତାକୁ ରାଜସ୍ଵ ବିଭାଗକୁ ହସ୍ତାନ୍ତର ହେବା ପରେ ତାହାକୁ ଆଇନ ବିଭାଗକୁ ବିଧିବଦ୍ଧ ଭାବେ ହସ୍ତାନ୍ତର କରାଯିବ ବୋଲି  ରାଜ୍ୟ ରାଜସ୍ୱ ଓ ପ୍ରାକୃତିକ ବିପର୍ଯ୍ୟୟ ପରିଚାଳନା  ବିଭାଗ ପକ୍ଷରୁ ସ୍ପଷ୍ଟ କରାଯାଇଛି l

ଜମି ହସ୍ତାନ୍ତର ପରେ କୋର୍ଟ ବିଲଡିଂ ନିର୍ମାଣ ପ୍ରକ୍ରିୟା ଆରମ୍ଭ ହେବାକୁ ଯାଉଥିବାରୁ  ବଲାଙ୍ଗିର ଜିଲ୍ଲା ଓକିଲ ସଂଘ ର ସଭାପତି ଅମରେଶ ତ୍ରିପାଠୀ ଓ ଅନ୍ୟ ସଭ୍ଯ ମାନେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ , ୫-ଟି ସଚିବ ବି.କେ ପାଣ୍ଡିଆନ ଓ ବଲାଙ୍ଗିର ଜିଲ୍ଲାପାଳ ଚଞ୍ଚଲ ରାଣା ଙ୍କୁ  କୃତଜ୍ଞତା ଜ୍ଞାପନ କରିଛନ୍ତି ।