17-Oct-2023

ଲୋଇସିଂହା, (ପ୍ରେରଣା ଖବର) ଲୋଇସିଂହା ବହୁ ଚର୍ଚ୍ଚିତ ରୂପକ ହନୁମାନ ମର୍ଡର କେଶ ରେ ଦୀର୍ଘ ଦିନ ର ନୀରବତା ପରେ ପୁଣି ଚଳ ଚଞ୍ଚଳ  ହୋଇ ଉଠିଛି ଲୋଇସିଂହା ପୋଲିସ l ହତ୍ୟାକାଣ୍ଡ ଘଟଣା ରେ ସମ୍ପୃକ୍ତ ଆଉ ଜଣେ ଅଭିଯୁକ୍ତ ଙ୍କୁ ଗିରଫ କରାଯାଇଥିବାର ସୂଚନା ମିଳିଛି l ହତ୍ୟାକାଣ୍ଡ ରେ ଜଡିତ ସ୍ମୃତିରଞ୍ଜନ ବାରିକ (ବଡ଼ ) (ବୟସ 35 )କୁ ରାଉରକେଲା ସେକ୍ଟର 3 ଅଂଚଳ ରୁ ଗିରଫ କରିଛି ଲୋଇସିଂହା ପୋଲିସ l ଗତ ଦୁଇ ଦିନ ହେବ ସ୍ମୃତିରଞ୍ଜନ ରାଉରକେଲା ସେକ୍ଟର 3 ରେ ବୁଲୁଥିବା ବେଳେ ଲୋଇସିଂହା ଓ ରାଉରକେଲା ସେକ୍ଟର 3 ର ଏକ ମିଳିତ ପୋଲିସ ଟିମ ଲୋଇସିଂହା ଏ ଏସ ଆଇ ଅବିନାଶ ନାୟକ ଙ୍କ ନେତୃତ୍ୱ ରେ ସ୍ମୃତିରଞ୍ଜନ କୁ ଗିରଫ କରିବାରେ ସଫଳ ହୋଇଛି l ସୂଚନା ମୁତାବକ ଗତ ତିରିଶ ଏପ୍ରିଲ 2022 ମସିହାରେ ଲୋଇସିଂହା ସ୍ଥିତ ସରକାରୀ ଡାକ୍ତରଖାନା ଠାରେ ଗୋଡ଼ାଇ ଗୋଡ଼ାଇ ରୂପକ ହନୁମାନ  ଓ ସରୋଜ ବିଶି ଙ୍କୁ କିଛି ଯୁବକ ଗୋଡ଼ାଇ ଗୋଡ଼ାଇ  ଆକ୍ରମଣ କରିଥିଲେ l ଆକ୍ରମଣ ର ଶିକାର ହୋଇ ରୂପକ ହନୁମାନ ମୃତ୍ୟୁବରଣ କରିଥିବା ବେଳେ ସରୋଜ ବିଶି ଅଳ୍ପକେ ବର୍ତ୍ତୀ ଯାଇଥିଲେ l  ତେଵେ ରୂପକ ଙ୍କ ଭାଇ  ଦୀପକ ଙ୍କ ଅଭିଯୋଗ କୁ ନେଇ ଲୋଇସିଂହା ପୋଲିସ 136/2022 ରେ ଏକ ମାମଲା ରୁଜୁକରି ତଦନ୍ତ ଚଳାଇଥିଲା l ଉକ୍ତ ଘଟଣା ରେ ଲୋଇସିଂହା ପୋଲିସ ଦେବାନନ୍ଦ ତାଣ୍ଡି ଙ୍କୁ ପ୍ରଥମେ ଗିରଫ କରିଥିବା ବେଳେ ଉଜଳ ଜାଲ ଓ ସୁନ୍ଦର ସ୍ୱାଇଁ ଆତ୍ମ ସମର୍ପଣ କରିଥିଲେ l ତେଵେ ଗତ 14.10.2023 ରେ ସ୍ମୃତିରଞ୍ଜନ ବାରିକ କୁ ଗିରଫ କରିବାରେ ସଫଳ ହୋଇଛି ଲୋଇସିଂହା ପୋଲିସ l ତେଵେ ମାମଲା ର ଅନ୍ୟତମ ଅଭିଯୁକ୍ତ ସତ୍ୟଜୋତି ବାଗ କୁ ଖୁବ ଶୀଘ୍ର ଗିରଫ କରାଯିବ ବୋଲି ବିଶ୍ବସ୍ଥ ସୂତ୍ରରୁ ସୂଚନା ମିଳିଛି l