12-Oct-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ହାଇସ୍କୁଲରେ ଜୁନିୟର ରେଡକ୍ରସ ୟୁନିଟ ତଥା ଶହୀଦ ଭାଗତସିଂ ସ୍କାଉଟ ଟ୍ରୁପ୍ ତରଫରୁ ଏକ ଦିବସୀୟ ରକ୍ତବର୍ଗ ଚିହ୍ନଟ ଶିବିର ଅନୁଷ୍ଠିତ ହୋଇଯାଇଛି। ପ୍ରଧାନଶିକ୍ଷକ ରବିଚନ୍ଦ୍ର ପଶୟତଙ୍କ ଅଧ୍ୟକ୍ଷତାରେ ହୋଇଥିବା ସଭାରେ ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ ରକ୍ତର ବିଭିନ୍ନ ବର୍ଗ,  ରକ୍ତଦାତା ର ମହତ୍ତ୍ଵ, ରକ୍ତଦାନର ଆବଶ୍ୟକତା ବିଷୟରେ ଆଲୋକପାତ କରିଥିଲେ । ବିନିକା ହସ୍ପିଟାଲ ତଥା

ନାଇକେନପାଲି ହସ୍ପିଟାଲର ଟେକ୍ନିସିଆନ୍ ବନମାଳୀ ସାହୁ ଓ ପ୍ରଦୀପ ଭୋଇ ୧୦୨ ଜଣ ଛାତ୍ରଛାତ୍ରୀଙ୍କ ରକ୍ତ ବର୍ଗ ଚିହ୍ନଟ କରିଥିଲେ। କାର୍ଯ୍ୟକ୍ରମରେ ଶିକ୍ଷକ ନନ୍ଦିଘୋଷ ବାରିକ, ପ୍ରହଲ୍ଲାଦ ଦାଶ, ମନୋଜ କୁମାର ପୂଜାରୀ ସହଯୋଗ କରିଥିବାବଳେ ସଞ୍ଜୀବ ପୂଜାରୀ ଓ କିରଣ ପୁଟେଲ ସଂଯୋଜନା କରିଥିଲେ । ସ୍ନିଗ୍ଧା ପ୍ରଧାନ ଧନ୍ୟବାଦ୍ ପ୍ରଦାନ କରିଥିଲେ।