10-Oct-2023

ତୁଷୁରା,(ପଞ୍ଚାନନ ନାୟକ)ବଲାଙ୍ଗୀର ଜିଲ୍ଲା ଗୁଡ଼ଭେଲା ବ୍ଳକ  ମିଶନ ଶକ୍ତି ବ୍ଳକ ପ୍ରୋଜେକ୍ଟ କୋଡିନେଟର ନିର୍ମଳ ଚନ୍ଦ୍ର ପ୍ରଧାନଙ୍କୁ ବ୍ଳକ କାର୍ଯ୍ୟାଳୟ ପରିସରରେ ବୁଧବାର କିଛି ଯୁବକ ମାଡ ମାରିଥିବା ନେଇ ତୁଷୁରା ଥାନାରେ ଅଭିଯୋଗ ହୋଇଛି।  ଅନ୍ୟ ପକ୍ଷରେ ଉକ୍ତ କର୍ମଚାରୀ ଜଣକ ସ୍କୁଟି ଯୋଜନାରେ ହିତାଧିକାରୀଙ୍କ ଠାରୁ ଟଙ୍କା ଅସୁଲି କରୁଥିବା ନେଇ ପଚାରିବାରୁ ଓଲଟା ଶ୍ରୀ ପ୍ରଧାନ ଗାଳିଗୁଲଜ କରିବା ସହ ମାଡ ମାରିବା ଓ ମାଓବାଦୀ ସାହାଯ୍ଯରେ ଉଡାଇ ଦେବାକୁ ଧମକ ଦେଇଥିବା ନେଇ ଜଗଦିଶ ବାଗ, ଗିରିଧାରୀ ରଣା, ପୃଥି ବାଗ,କେଶବ ବାଗ, ରୋହିତ ବାଗ, ରମାକାନ୍ତ ମହାପାତ୍ର, ସନାତନ ବକୁଳ ତୁଷୁରା ଥାନାରେ ଲିଖିତ ଅଭିଯୋଗ କରିଛନ୍ତି।  ଏନେଇ ତୁଷୁର ଥାନା ଅଧିକାରୀ ସଞ୍ଜୀବ କୁମାର ପ୍ରଧାନଙ୍କୁ ପଚାରିବାରୁ ତଦନ୍ତ ଚାଳିଥିବାରୁ କିଛି କହିହେବ ନାହିଁ ବୋଳି ସଫେଇ ଦେଇଥିଲେ ।