01-Oct-2023

ବଲାଙ୍ଗିର , (ପ୍ରେରଣା ଖବର ) : ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ,  ଲୋଇସିଂହା  ତରଫରୁ   ସ୍ୱଚ୍ଛତା ହିଁ ସେବା କାର୍ଯ୍ୟକ୍ରମ  ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନଶିକ୍ଷକ ସଂଜୀବ କୁମାର ଦାଶଙ୍କ ପ୍ରତ୍ୟକ୍ଷ  ତତ୍ତ୍ୱାବଧାନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବ୍ଲକ ଶିକ୍ଷା ଅଧିକାରୀ ସୁଶ୍ରୀ ରୀନା ରାଣୀ ବେହେରା ସମ୍ମାନିତ ଅତିଥି ଭାବରେ ଏବିଡିଓ ବିଜୟ କୁମାର ହୋତା, ସରପଞ୍ଚ ନବକିଶୋର ନାଏକ, ବିଦ୍ୟାଳୟ ପରିଚାଳନା କମିଟିର ସଭାପତି ତରଣୀସେନ  ପଧାନ ଯୋଗଦେଇ  ଥିଲେ ।

ଅତିଥିମାନେ ବ୍ୟକ୍ତିଗତ ତଥା ପରିବେଶଭିର୍ତ୍ତିକ ସ୍ୱଚ୍ଛତା ଉପରେ ମତବ୍ୟକ୍ତ କରିଥିଲେ  । ପରେ ବିଦ୍ୟାଳୟ ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟତ୍ରୀ ଦ୍ୱାରା ବିଦ୍ୟାଳୟ ପରିସର ତଥା ଚତୁଃପାଶ୍ୱକୁ ସଫା କରାଯାଇ ଥିଲା । ବିଦ୍ୟାଳୟର ଶିକ୍ଷୟୀତ୍ରୀ  ଅମୂଲ୍ୟମଣି ଛାତ୍ରିଆ ଡେମୋଷ୍ଟ୍ରେସନ  ମଧ୍ୟମରେ ହାତ ଧୁଆର ପଦ୍ଧତି ବିଷୟରେ ଅବଗତ କରିଥିଲେ ।

ଶ୍ରମଦାନ କାର୍ଯ୍ୟକ୍ରମରେ ସିଆରସିସି ଶୋଭଙ୍କର ପ୍ଧାନ, ଶିକ୍ଷୟୀତ୍ରୀ  ରୀତା ଦେବୀ ଲୋହାର, ମୀରା ତ୍ରିପାଠୀ, ସ୍ମିତା ମିଶ୍ର  ୱାଡେନ ପ୍ରତିଭା ସୁବୁଦ୍ଧି, ବିଦ୍ୟାଳୟ ପରିଚାଳନା କମିଟିର ସଭ୍ୟ ଅର୍ଜୁନ ମେହେର, କୁନି ମାହାଣା  ତଥା ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ । କାର୍ଯ୍ୟକ୍ରମକୁ ଶିକ୍ଷକ ଜ୍ୟୋତି ପ୍ରକାଶ ଷଡଙ୍ଗୀ ପରିଚାଳନା କରିଥିଲା ବେଳେ ଶିକ୍ଷୟୀତ୍ରୀ ବିଷ୍ଣୁପ୍ରିୟା ଦାଶ ଧନ୍ୟବାଦ ଅର୍ପଣ କରିଥିଲେ ।