14-Sep-2023

      ସମ୍ବଲପୁର -(ସଂଜୀବକୁମାରପାଣିଗ୍ରାହୀ)  - ବିଗତ ୯ ବର୍ଷ ର କାର୍ଯ୍ୟକାଳ ମଧ୍ୟରେ ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦୀ ଜୀ ଶତାଧିକ ଜନକଲ୍ୟାଣକାରୀ ଯୋଜନାମାନ ହାତକୁ ନେଇଛନ୍ତି । ସେଥି ମଧ୍ୟରୁ ପ୍ରଧାନମନ୍ତ୍ରୀ ଆବାସ ଯୋଜନା ଏକ ମହତ୍ୱପୂର୍ଣ୍ଣ ଗରିବ ଉତ୍ଥାନକାରୀ ଯୋଜନା । ଦେଶର ପ୍ରତ୍ୟେକ ଗରିବ ପରିବାର କୁ ପକ୍କା ଘର ଖଣ୍ଡିଏ ଯୋଗେଇ ଦେବା ପାଇଁ ୨୦୧୫ ସ୍ଵାଧୀନତା ଦିବସ ଅବସରରେ ଲାଲକିଲ୍ଲା ରୁ ଘୋଷଣା କରିଥିଲେ ଏହି ଯୋଜନା । ୩୧ ମାର୍ଚ୍ଚ ୨୦୨୨ ଶୁଦ୍ଧ ୨ କୋଟି ପ୍ରଧାନମନ୍ତ୍ରୀ ଆବାସ ଯୋଗେଇ ଦେବା ଲକ୍ଷ୍ୟ ଧାର୍ଯ୍ୟ କରାଯାଇଥିଲା । ବିଶ୍ଵ ମହାମାରୀ କରୋନା ଓ କେତେକ ରାଜ୍ଯ ସରକାର ଙ୍କ ଅପାରଗତା ଯୋଗୁଁ ଏହି ଧାର୍ଯ୍ୟ ଲକ୍ଷ ସମୟ ସୀମା ଭିତରେ ପୂର୍ଣ୍ଣାଙ୍ଗ ହୋଇ ପାରିନାହିଁ । ବର୍ତ୍ତମାନ ମଧ୍ଯ ଅନେକ ସ୍ଥାନରେ ଏହି ଯୋଜନା କୁ ସଫଳ କରେଇବା ପାଇଁ କାର୍ଯ୍ୟକ୍ରମ ମାନ ଚାଳିଛି ।
      ଏହି ମର୍ମରେ ଆଜି ସ୍ଥାନୀୟ ସମ୍ବଲପୁର ମହାନଗର ନିଗମ ର ପୁରୁଣା କାର୍ଯ୍ୟାଳୟ  ଠାରେ ପ୍ରଧାନମନ୍ତ୍ରୀ ଆବାସ ଯୋଜନା ର କାର୍ଯ୍ୟାଦେଶ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ରେଙ୍ଗାଲି ବିଧାୟକ ଶ୍ରୀଯୁକ୍ତ ନାଉରୀ ନାୟକ ହିତାଧିକାରୀ ମାନଙ୍କୁ କାର୍ଯ୍ୟାଦେଶ ପତ୍ର ପ୍ରଦାନ କରିଥିଲେ । ସମ୍ବଲପୁର ମହାନଗର ନିଗମ ଅଞ୍ଚଳ ର ପାଞ୍ଚଗୋଟି ୱାର୍ଡ ର ୩୧୦ ଜଣ ହିତାଧିକାରୀ ଙ୍କୁ ଆଜି କାର୍ଯ୍ୟାଦେଶ ବଣ୍ଟନ କରାଯାଇଥିଲା ।
     *କାର୍ଯ୍ୟାଦେଶ ପାଇବାର ଚାରି ମାସ ମଧ୍ୟରେ ଗୃହ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କଲେ କୋଡ଼ିଏ ହଜାର ଓ ଛ ମାସ ମଧ୍ୟରେ ଗୃହ ନିର୍ମାଣ ସପୂର୍ଣ୍ଣ କଲେ ଦଶ ହଜାର ଟଙ୍କା ବୋନସ ର ବ୍ୟବସ୍ଥା ରହିଛି । ଏଣୁ ଶିଘ୍ରାଦି ଶିଘ୍ର ଗୃହ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରି ବୋନସ ର ଲାଭ ଉଠାନ୍ତୁ* ବୋଲି କାର୍ଯ୍ୟାଦେଶ ବଣ୍ଟନ ଅବସର ରେ ବିଧାୟକ ଶ୍ରୀଯୁକ୍ତ ନାଉରୀ ନାୟକ ହିତାଧିକାରୀ ଙ୍କୁ ଅନୁରୋଧ କରିଥିଲେ ।
    ଆଜିର ଏହି ବିଶେଷ କାର୍ଯ୍ୟକ୍ରମ ରେ ମହାନଗର ନିଗମ ଅଧିକାରୀ ଙ୍କ ସମେତ ବିଜେପି ର ମାନସ ରଞ୍ଜନ ବକ୍ସି, କିଶୋର ମହାକୁଡ, ଭବାନୀ ସୋହେଲା, ଅନ୍ନପୂର୍ଣ୍ଣା ବାରିକ୍, ସୁଜାତା ଗୁରୁ, ପ୍ରଭାସିନୀ ଦାଶ ପ୍ରମୁଖ ଉପସ୍ଥିତ ରହିଥିଲେ ।